الزيت متعدد الدرجات

[bassem.naguib]

هو أيه زيت الفتيس المتعدد الدرجات ده .. وكيفية أداءه ؟!

[bassem.naguib]

منقول من اليوم السابع :

معظم قائدى السيارات لا يعلمون معنى الرموز الموجودة على عبوة زيت محرك السيارة، وكيف تؤثر على أداء السيارة وأداء المحرك.

المهندس (عمرو أسعد) يشرح لقائدى السيارات كيف نختار أفضل زيت لمحرك السيارة؟ ويقول كل مالك لسيارة يجب أن يتعرف على الأكواد والرموز المكتوبة على عبوة زيت المحرك حتى يعرف ما هو الزيت المناسب لسيارته ولا يترك نفسه عرضه للبائعين ليتحكموا فيما يخص سيارته بدون دراية أو معرفة.

ويشير إلى أنه فى البداية يجب تعريف لزوجة الزيت: والمعروف بـ (مقاومه الزيت للتدفق) ويرمز لها بالرمز (دابليو) وتكون مكتوبة على العبوة.

وثانى خطوة هى معرفة أنواع الزيوت فيوجد نوعان من الزيوت زيت أحادى الدرجة وزيت متعدد الدرجات ويجب فهم كل نوع لاختيار الأمثل لسيارتك.

أولا: زيت أحادى الدرجة.

وهو لا تتغير درجة لزوجته بتغير درجة الحرارة صعودا أو هبوطا ويتم تحضيره من مواد بترولية أساسيه فتجد مثلا مكتوب على العبوة (w 10) أى أن مقياس درجة اللزوجة هى (10) ولا تتغير بتغير درجة حرارة المحرك ويفضل استخدامها غالبا فى المحركات القديمة أو كزيت تروس.

ثانيا: زيت متعدد الدرجات:
وهو زيت تتغير درجة لزوجته بتغير درجة حرارة المحرك صعودا وهبوطا ويتم تحضيره من مواد كيميائية وجزيئات البوليمارات الدقيقة ومواد بترولية ويتميز هذا النوع بأنه يكون خفيفا وذا درجة لزوجة منخفضة عندما يكون المحرك باردا صباحا، ويكون الزيت مثلا ذا درجة لزوجة (10) فتستطيع مضخة الزيت ضخه بسرعة إلى جميع أجزاء المحرك، والأجزاء العليا فى زمن قليل جدا حتى لا تتعرض للتآكل نتيجة الاحتكاك فى الصباح عندما يكون الزيت فى قاع المحرك.

وتدريجيا يسخن المحرك فتتمدد دقائق البوليمارات الموجودة فى الزيت فتزداد درجة لزوجته كلما زادت درجة حرارة المحرك حتى تصل إلى أقصى درجة حسب مواصفات الزيت فترتفع درجة اللزوجة إلى (50) مثلا أى أن الزيت تحول تدريجيا من درجة لزوجة (10 : 50) وهذا ما يطلق عليه زيت متعدد الدرجات، وكلما زاد الفرق بين الدرجة السفلى والعليا كان ذلك أفضل، ويكون أغلى ثمنا أيضا.

أضاف المهندس أاسعد: أن هاجس سرعة تغيير الزيت يسيطر على كثير من الناس، وشدد أن الأمر ليس بهذه الخطورة وفى معظم (user manual ) أو دليل استخدام السيارة لغالبية السيارات ينصح بتغيير الزيت عند (10000 كم) بينما يقوم بعض الناس بتغيير نفس النوعية عند (3000 كم) ولا يحدث لهم أى مشاكل.

وينصح كل مستخدمى السيارات أن لا يتأثر القائد بما يردده بائعو الزيوت عندما يقول لك إن التأخير بهذا الشكل سوف يتلف المحرك فهو من مصلحته تغييره من أجل رواج بضاعته، ولكن لابد من الأخذ فى الاعتبار قياس الزيت عند كل (1000 كم) وضع نصب عينيك أنه من الصعب حدوث مشكلة للمحرك طالما لم يكن نقصا فى الزيت عن العلامة السفلى على مقياس الزيت.

ويجب الاهتمام بالمواصفات والرموز السالف ذكرها، من جودة أداء ودرجة لزوجه مناسبة لأجواء مكان إقامتك فهذه المواصفات لا يمكن لأى شركة تغييرها من تلقاء نفسها ولابد لها من اتباع المواصفات والأكواد العالمية.

[tameromarw]

هو أيه زيت الفتيس المتعدد الدرجات ده .. وكيفية أداءه ؟!

كنت عايز اغير زيت فتيس وسألت نفس سؤالك .
وانا اشتريت الزيت اللي بالصوره وهو متعدد اللزوجه .
انا هجاوبك من خلال بعض المشاركات اللي فادتني شخصيا وممكن تفيدك
والكلام منقول لاصحابه والشكر لهم


زيت موبيل للتروس


Ąlkadŷ Ďą Āną
احسن حل من الاتنين دول
انك تجيب زيت موبيل لزوجه 85w-140
زى اللى فى الصوره لو دا اللى حضرتك اشتريته حطه وانت مطمن
لانه متعدد الدرجات بيدى للفتيس بالنسبه لحضرتك او الكوارين والفتايس بالنسبه لنا
اللزوجه المطلوبه
بمعنى
ان الفتيس لو حالته 90% فمحتاج مثلا لزوجه 95/100 ودا بيوفره لانه لحد لزوجه 140
اما لو الفتيس حالته 10/10 بياخد لزوجه من 85/90 ودا برضه موجود فى الزيت
يعنى الزيت بيدى للفتيس اللزوجه المناسبه
اما الزيت الاحادى الدرجه زى ال 90 وال 140
فدا لما الزيت بيخف بتظهر المشاكل مع استهلاك الزيت

[mrastra]

هو أيه زيت الفتيس المتعدد الدرجات ده .. وكيفية أداءه ؟!

انا اتوقع ان حضرتك بتسال علىى زيت موتور متعدد
لو ما فهمتة صحيح

معظم الزيوت الموجودة فى مصر متعدد وما افتكرش زيت احادى غير التعاون سوبر ستان هو الوحيد اللى احادى 50

اما باقى الزيوت فبتشتغل فى رانج
5w-40
10w-50
ومعناة ان الزيت وهو بارد لزوجتة 5 اما وهو ساخن لزوجتة 40

المكمل بقى لـ لزوجة الزيت هو الرتبة بتعتة وبيرمز لها بالرمز api

وعشان نقول ان الزيت معقول لازم رتبتة مش اقل من
j
او
m

[mrastra]

بعتزر
معرفش ازاى ما اختش بالى ان حضرتك بتسال عن زيت الفتيس
ولو ان الكلام مش هايختلف كتير

افضل زيوت للتروس هى موبيل وتحديدا اللى موجود فى الصورة باعلى

دة فى الشتا بيكون خفيف وبيخلى الغيارات تيجى مرتاحة حتى لو ما سخنتش العربية كتير

وفى الصيف هو فعلا تقيل بيحافظ على التروس من التاكل

[Formulator]

مع إحترامى يارجالة..
بس زيت الموبيل MobiLube HD (والموبيل Gear oil عموما) من اسوأ زيوت الجيربوكس اللى موجودة فـ مصر؟؟!!!
- وكذلك الـATF بتاعهم الموبيل الأحمر 320 بتاع الأوتوماتيك - سىء جدا مقارنة بأنواع تانى كتير!

الشيل الأحمر الـSpirax HD (زيت Manual gearbox) لو عايز حاجة سعرها معقول وأداؤها أفضل..

وفيه الكاسترول Syntrans والليكوى-مولى Gear-Protect أو الـRacing Gear-Oil

>> كمان بالنسبة لدرجات اللزوجة العالية جدا زى الـ90/140؟؟!!!

الكلام ده فـ الجيربوكسات القديمة سواء الـHigh-viscosity multi-grade أو حتى الـStraight 140؟!!
وبيكون mineral-based صرف مفيهوش أى حاجة تخليقية!! ومواصفة الـAPI بتاعته GL3

أمال الحاجات الـSynthetic متعدد الدرجات واللزوجة الـ75w/85 و 75w-90 دى إتعملت ليــــــه؟؟!!!

معظم العربيات الجديدة المانيوال جيربوكس -- هتلاقى فـ المانيوال بتاع العربية درجة اللزوجة الـrecommended ومواصفة مش أقل من GL4 أو +GL4
(إن لم تكن GL5 كمان فـ بعض العربيات اللى الـSynchro بين التروس متوافق)؟!!

فيه 75w-85 و 85w-90 أو الراسينج 75w-90
طبعا كل ماتكون الرينج بتاع اللزوجة واسع (فـ الخفيف تحت 90) يبقى الزيت فيه نسبة synthetic أكثر!

الزيت الثقيل ده (الـ100 والـ140) هيبقى صعب أوى فـ النقلات وهو بارد؟!! ومش هيديك الحماية والـlubrication المطلوب حتى لما يسخن!!
عشان بيفقد لزوجته بسرعة -لأنه مش بيستحمل زى التخليقى أو المواصفته +GL4/4؟!!

إلتزم بالدرجة الموصى بها من صانع السيارة/الفتيس!

[El Prince]

الشيل الأحمر زيت Manual gearbox لو عايز حاجة سعرها معقول وأداؤها أفضل..

+111111111111 ممتاز عن تجربة