الجنوط الاسبور

[swimmer25]

معلش يا شباب عشان انا اول مرة اتعامل مع جنوط اسبور
أنا جبت 4 جنوط محفور من جوا عليهم تويوتا ركبتهم علي الياريس وجبت صواميل أصلية
الفكرة بقي إن الصواميل بتدخل في فتحة الجنط وبيكون بينها وبين فتحة الجنطة مسافة صغيرة اوي وطبعا الصمولة معاها وردة
الفرق ده صح ولا كدا العجلة ممكن تكون بتلعب مع المشي ولا ده عادي بس انا اللي مش فاهم لاني عمري ما شفت جنط سبور بيركب ازاي والصح بتاعه ايه

[Deshahcoka]

لا طبعا الصمولة بتقفل على الجنط على طول !

[swimmer25]

لا طبعا الصمولة بتقفل على الجنط على طول !

هوصف تاني عشان أتاكد بس إن فكرتي وصلت
كلامي معناه إن الصامولة جوا فتحة الجنط أكنها دايرة جوا دايرة أكبر منها حاجة بسيطة أوي
يعني مش داخلة كبس

[a_arazik]

لو معاك صورة يبقي افضل عشان انا مش فاهم الوصف خالص

[mado83]

بص فى حاجه اسمها جوايط حاجه زلا الغويشه بتركب فى الصره علشان تحكم الجنط
هتلاقيها فى احمد سعيد

[Deshahcoka]

w\طبعا الصمولة بتبقى اولى يعني من ناحية الالواظ لازق في الجنط مش بتلق !

لكن حجمها بيبقى اصغر من فتحة الجنط

[swimmer25]

يبقي كدا تمام

ده شكل الجنط وعليه الكاوتش الجديد يوكوهاما


وده شكل فتحة الصامولة


وده شكل الصامولة

[Deshahcoka]

الف مبروك :) تمام ياباشا :) تعيش و تجيب و تدوب في البركة :)

[swimmer25]

الف مبروك :) تمام ياباشا :) تعيش و تجيب و تدوب في البركة :)

الله يكرمك شكرا علي مساعدتك
وانا فهمت من كلامك ومن شكل الصامولة انه لازم يكون فيه فرق بس شفة الصمولة بتدخل تقفل علي فتحة الجنط وتحكمه فبالتالي مفيش حركة وكمان فيه وردة مع الصامولة بردو بتحكم الحركة