فتيس اوتومتيس اوتوماتيك استيراداتيك قديم

[ehabbasha30]

السلام عليكم
عربية يابانى قديم مو90
اشتريتلها موتور بفتيس اوتوماتيك استيراد
الفتيس واير .... لاكهربا ولا كونترولات ولا حساسات
فية مشكلة واحدة بس
مش بياخد النقلة والعربية باردة.... لازم العربية تسخن كتير عشان يبتدى يشتغل
بس لما العربية بتمشى بيبقى حريييييييييير ماشاء الله ونقلاتة ناعمة ومفيش فية اى مشاكل الحمد لله فى النقل او السحب او الصوت او اى حاجة ..... هى بس العيب ان العربية مش بتتحرك وهى باردة الفتيس مش بيلقط النقلة غير لما العربية تسخن
لكن احيانا المارشريير بيبقى شغال قبل ال دى وبيلقط قبل ال دى
بتاع العفشى بيقوللى نشوف المصفاة والبلوف عشان الموتور استيراد وممكن يكونوا محتاجين تنظيف .... اية مدى صحة الكلام دة ؟؟؟؟؟؟؟ وهل ممكن يكون فى سبب تانى ولا ممكن يكون الفتيس بايظ ؟؟؟؟؟؟؟؟؟

برجاء الافادة وشكرا

[chiko]

ممكن جدآ يكون محتاج تنظيف .. او الزيت اللي جاي بيه ناقص او مش كويس .. بس اكشف علي الزيت الاول قبل ما تحل ..لان لو فيكت بيبقي صعب يرجع زي ما كان ..

[ehabbasha30]

لا انا زودت الزيت طبعا هو كان تقريبا فاضى حطيتلة حوالى 6 كيلو زيت


كنت عاوز اعرف برضو بالمناسبة..... لو الفتيس مليان زيت اكتر من اللازم بيكون فى مشكلة؟؟؟

[chiko]

لو زياده قليله مفيش ضرر ..لانه مع الشغل و السرعه بيطلع الزياده بره .. نصيحه متفكش تلوقتي .. و امشي عليها فتره .. و شوف مع الوقت بتقل و الا لا ..لانك لو فكيت مش هتخلص من المشاكل .. و خلي بالك الفتيس عندك شغال بسلك مع دوسة البنزين .. و ده لها ظبطه و ركلاش ..

[chiko]

فيه نقطه مهم .. غيار الفتيس ملهوش علاقه بسحونة الماتور .. مفيش اي علاقه بينهم ابدآ لا في القديم و لا في الجديد

[chiko]

الا قولي انت بتحط زيت ايه ..اوعي يكون ابو 11 جنيه !!! ده مينفعش للاتوماتيك .. ده بتاع علب دريكسيون

[ehabbasha30]

اولا انا بشكرك جدا على الرد
ثانيا : والله يا استاذ شيكو انا كنت حاطط زيت تركى ب25 جنية اللتر لكن للاسف الاويل سيل كان بايظ فكان بيوقع زيت كتير فكنت بزود من الرخيص ولما غيرت الاويل سيل برضو زودت من الرخيص خوفا من اى تسريب تانى

معلش سؤال كمان..... هل لو اخدت مشوار سفر بسرعة عالية مثلا دة ينضف فلتر الفتيس والبلوف ولا مالوش علاقة؟؟؟ لانى لغاية دلوقتى كل حركاتى داخل المدينة فقط ومعملتش بيها 50 كيلو مشى

[chiko]

غيار الزيت ياا بااشا .. لان الزيت اللي انت حاطه مبيتشغلش فتيس .. ده بتاع بور دركسيون .. و مش كويس خالص للفتيس .. هتلقي نوع كوري في علبه معدن ده كويس و سعر العلبه 25 ج .. او حط زيت ايسو و ده اغلي شوية ..لكن الزيت الرخيص ده لا تزود منه و لا تستخدمه خالص للفتيس .. و طبعآ المشوار هيكون ممتاز للفتيس .. لكن كمان الحركه في المدينه العاديه برتك كويس .. لان غالبآ المشكله عندك تجليط الزيت داخل البلوف و الفلتر .. امشي بيها شويه و لما تحس بتحسن .. نزل الزيت و غيره تاني .. معلش اصرف 200 او 300 جنيه غيار زيت احسنلك الف مره من فكه

[ehabbasha30]

تسلملى يا باشا والف شكر على ردك