إعـــــــلان

Collapse

.

,
See more
See less

اسطوانة الدبرياج .... شرح ونصائح هامة

Collapse
X
 
  • Filter
  • الوقت
  • Show
Clear All
new posts

  • اسطوانة الدبرياج .... شرح ونصائح هامة

    السلام عليكم ورحمة الله وبركاته


    إسطوانة الدبرياج من الأجزاء الهامة جداً في السيارة وبدون سلامتها تتأثر حركة السيارة بشكل ملحوظ يؤثر على قوة عزمها وتجميع سرعتها بسهولة وسرعة.
    وهناك بعض المشكلات التي تصاحب تآكل اسطوانة الدبرياج .. منها التأثير سلباً على عزم الموتور وزيادة استهلاك الوقود بشكل غير طبيعي بالإضافة إلى ارتفاع درجة حرارة المحرك في بعض الأوقات .. ومن مؤشرات بدء تلف اسطوانة الدبرياج تظهر عند بدء التحرك بالسيارة حيث تحتاج إلى وقت طويل لتجميع سرعتها وأيضا عند الصعود بها إلى أعلى الكباري والمرتفعات الكبيرة حيث يجد السائق صعوبة كبيرة في الصعود إلى هذه المرتفعات مما يدفعه إلى الضغط على دواسة البنزين أكثر من العادي فتكون نسبة الوقود المستهلكة أكثر مما تحتاجه سرعة السيارة مما يجعل استهلاك الوقود أكثر من الطبيعي بشكل ملحوظ كما يلاحظ أيضا ارتفاع صوت المحرك أكثر من سرعته الفعلية .. ويظهر تفويت اسطوانة الدبرياج بشكل ملحوظ أيضا عند تحميل السيارة بعدد كبير من الأشخاص آو عند وصول أي نوع من الزيوت عليها.


    ولا تقتصر عيوب اسطوانة الدبرياج عند هذا الحد فمن الممكن آلا تقاوم الاسطوانة نهائيا تحريك السيارة من مكانها وفى هذه الحالة تكون الاسطوانة قد انتهى عمرها تماماً.
    وهناك عيوب أخرى لاسطوانة الدبرياج تبعد عن مشاكل السرعة والسخونة وزيادة استهلاك الوقود وتتمثل في اهتزاز السيارة بشكل غير طبيعي يطلق عليها (الرعشة) وذلك عند بداية التحرك وهذا العيب يظهر إذا تعرضت الاسطوانة للاعوجاج أثناء التركيب ويظهر هذا العيب أيضا عند ملء الاسطوانة مرة أخرى بالمادة الاحتكاكية في إحدى الورش غير المتخصصة لذلك حيث يكون هناك ضعف في السوست الخاصة بالاسطوانة ينتج عنه اهتزاز السيارة أثناء بدء التحرك.
    ومن الافضل ان اسطوانة الدبرياج تتغير ما تتمليش عشان تريح نفسك ولإطالة عمر اسطوانة الدبرياج ننصح بعدم الضغط على البدال الخاص بالدبرياج أثناء السير لفترة طويلة آو عند الانتظار في الإشارات. كما يفضل إبعاد القدم عن بدال الدبرياج بصورة نهائية أثناء السير ولا يفضل تحميلها على البدال حتى ولو بصورة بسيطة حتى لا تتعرض الاسطوانة وبليه الدبرياج للتلف.
    ويختلف العمر الافتراضي من اسطوانة لأخرى حسن نوعية التيل المصنعة منه الاسطوانة ونسبة جودته ، علاوة على اتباع إرشادات الوقاية والصيانة الخاصة بمجموعة الدبرياج.
    ويفضل تغيير اسطوانة الدبرياج عند ظهور احد العيوب الأولية آلتي اشرنا إليها فى السابق حتى لا تؤثر على قوة المحرك وانسيابية السيارة أثناء القيادة . كما ينصح بتغيير مجموعة الدبرياج كاملة (الديسك والاسطوانة والبلية) كلما تطلب الآمر حتى يكون العمر الافتراضي للمجموعة واحدة وحتى لا تضطر إلى فك المحرك آو الفتيس لتغيير أي جزء من المجموعة مرة أخرى. وعشان انت تريح نفسك من وجع دماغ الصنيعية .


    سلك الدبرياج وأهميته
    يسهم سلك الدبرياج بشكل رئيسي في غيار الفتيس عند الضغط عليه فبدون سلك الدبرياج لا يستطيع قائد السيارة تغيير حركة الفتس ولا سيما في أثناء إدارة المحرك ، حيث انه يعمل على فصل الحركة بين الفتيس والمحرك لسهولة الغيارات. ويجب الكشف على سلك الدبايرج بصفة مستمرة حتى لا تتعطل السيارة فجأة،

    وننصح قائد السيارة بما يلي :
    ضرورة تثبيت الكابل الخارجي لسلك الدبرياج عند تغييره بحيث يكون مثبتا في الأماكن المخصصة له على أن يكون طرفه الأول مثبتا في جسم السيارة والطرف الأخر في الفتيس بطريقة تمنع تحركه أثناء الضغط على دواسة الدبرياج لأن عدم تثبيت هذا الكابل يساعد بشكل أساسي على رعشة السيارة أثناء بدء التحرك بها (وهذا العيب يتشابه مع تلف الاسطوانة والدسك). كما أن تلف الكابل الخارجي للسلك يتسبب في عدم فصل الدبرياج بطريقة سليمة حيث يصدر عنه أصوات عالية أثناء غيارات الفتيس علاوة على صعوبة تحريك عصا الفتيس.
    ولتلافى ثقل بدال الدبرياج أثناء الضغط عليه يجب تزييت الكابل جيداً عند تركيبه مع مراعاة تركيب أنواع جيدة من الكابلات إلا إذا كان السبب وراء ثقل بدال الدبرياج يرجع إلى تلف الديسك ففي هذه الحالة يجب تغييره فوراً.



    وهناك سيارات تعمل بنظام الزيت الباكم حيث يقوم الزيت الباكم بنفس دور سلك الدبرياج لذلك يجب التأكد دائماً من وجود زيت الباكم داخل خزينة ماستر الدبرياج والتأكد من عدم أي تسريب زيت بالخراطيم آو الجلود الخاصة بالماستر إلى جانب ضغط القياس من دواسة الدبرياج إلى صباع الفرش السفلي ، كما يفضل استعمال زيت باكم من نوع واحد ولا يتم تغييره آلا بعد غسل دورة الدبرياج كاملة ، كما ننصح بضرورة التأكد من عدم نفاذ الزيت الباكم داخل الخزينة المخصصة لذلك حتى لا تتعطل السيارة.
    آما بالنسبة لثقل الدبرياج في السيارات آلتي تعمل بالزيت الباكم فإن السبب في هذه الحالة يرجع إلى تلف الديسك أو وجود رواسب آو أتربة داخل احد مساتر الدبرياج آو تلف جلود الماستر.
    كما ننصح بضرورة ضبط سلك الدبرياج في منتصف الدواسة بحيث لا يكون فصل الدبرياج من أعلى الدواسة أو أسفلها مما يعرف بان الدبرياج عال آو منخفض وننصح أيضا بعدم قيادة السيارات أثناء انقطاع سلك الدبرياج أو تلف أي جزء من أجزاء دورة الزيت الباكم حتى لا تتعرض التروس الخاصة بالفتيس إلى التلف آو كسر الفتيس نفسه نتيجة محاولة تحريك الفتيس بقوة ، والتي ينتج عنها احتكاك الحديد نتيجة عدم فصل الدبرياج وارتطام تروس الفتيس ببعضها.
    ويارب الموضوع يكون عجبكوا وعاوز الردود منكوا ويارب اكون افدت ناس كتير فى الموضوع دة
    [CENTER][SIGPIC][/SIGPIC]
    [/CENTER]
    [CENTER]
    [/CENTER]

  • #2
    شرح جميل وواضح ... ألف شكر
    [SIZE=5][marq="2;right;2;scroll"]الحمد لله[/marq]


    [/SIZE]

    Comment


    • #3
      موضوع رائع
      تسلم ايدك
      ياريت حضرتك تبين لنا الفرق بين تلف بلية الدبرياج و بلية الديرك ( الفتيس )

      Comment


      • #4
        الله ينور
        ahmed air سابقا

        Comment


        • #5
          شكرا على المعلومات المفيده

          Comment


          • #6
            المشاركة الأصلية كتبت بواسطة ahmed air مشاهدة المشاركة
            الله ينور
            بنورك يابو حميد



            المشاركة الأصلية كتبت بواسطة ahmed_eng2001 مشاهدة المشاركة
            موضوع رائع
            تسلم ايدك
            ياريت حضرتك تبين لنا الفرق بين تلف بلية الدبرياج و بلية الديرك ( الفتيس )

            بصراحة انا معنديش فكرة اوى بس انا الحاجة اللى بتبوظ معايا وبوديها تتصلح هيه اللى بعرف معلوماتها كلها ... بص انا شوفت بلية العجل هيه نفس شكل بلية الاسطوانة بالظبط بس بلية الاسطوانة على اصغر وبلية العجل لما باظت كانت عامله صوت خبط وانا ماشى ولما رفعت العجله لقيته بتحك جامد فا اكيد بلية الدبرياج او الفتيس برضو هتعمل صوت حكة او اى صوت غريب هيظهر


            المشاركة الأصلية كتبت بواسطة ahmed_ramadan مشاهدة المشاركة
            شرح جميل وواضح ... ألف شكر
            نورت ياباشا وتسلم لردك
            [CENTER][SIGPIC][/SIGPIC]
            [/CENTER]
            [CENTER]
            [/CENTER]

            Comment


            • #7
              المشاركة الأصلية كتبت بواسطة houras1010 مشاهدة المشاركة
              شكرا على المعلومات المفيده
              العفو يا باشا على ايه
              [CENTER][SIGPIC][/SIGPIC]
              [/CENTER]
              [CENTER]
              [/CENTER]

              Comment


              • #8
                ايه الجمدان والحلاوة ديه ياكبير انا استفدت بصراحة ياسموح تسلم الايادي ياكبير
                [CENTER][shfaf2]http://modgym.files.wordpress.com/2008/04/fiat-tipo-tuning2.jpg[/shfaf2][/CENTER]

                Comment


                • #9
                  ربنا يخليك يا اشروووف وياراب يكون الموضوع عجبك .... عاوزين ننزل يا بوب يوم خميس نتقابل وعندى مكان فلة نسهر بالليل ونتسحر ونرجع على طول ... شوف وقولى رأيك ... ومعايا شوية شباب عسل ولاد عمى وناس صحابى بننزل نسهر فى وسط البلد ونتسحر عند البغل ونرجع نقعد عالكورنيش عالنيل وبعد كده نروح
                  [CENTER][SIGPIC][/SIGPIC]
                  [/CENTER]
                  [CENTER]
                  [/CENTER]

                  Comment


                  • #10
                    طب هو مفيش حل لو الاسطوانة قطعت خالص ان العربية تمشي و لو بالعفية
                    Alaa El-Din

                    Comment


                    • #11
                      المشاركة الأصلية كتبت بواسطة sam4ever2010 مشاهدة المشاركة
                      ربنا يخليك يا اشروووف وياراب يكون الموضوع عجبك .... عاوزين ننزل يا بوب يوم خميس نتقابل وعندى مكان فلة نسهر بالليل ونتسحر ونرجع على طول ... شوف وقولى رأيك ... ومعايا شوية شباب عسل ولاد عمى وناس صحابى بننزل نسهر فى وسط البلد ونتسحر عند البغل ونرجع نقعد عالكورنيش عالنيل وبعد كده نروح
                      والله لسة شايف الرسالة ديه دلوقتي ياسموح معلش سامحني وان شاء الله نتقابل عشان انا بجد نفسي اقابلك ونقعد سوا وكل سنة وانت طيب ياكبير
                      [CENTER][shfaf2]http://modgym.files.wordpress.com/2008/04/fiat-tipo-tuning2.jpg[/shfaf2][/CENTER]

                      Comment


                      • #12
                        المشاركة الأصلية كتبت بواسطة ashraf_sms مشاهدة المشاركة
                        والله لسة شايف الرسالة ديه دلوقتي ياسموح معلش سامحني وان شاء الله نتقابل عشان انا بجد نفسي اقابلك ونقعد سوا وكل سنة وانت طيب ياكبير
                        ولا يهمك يا معلم وان شاء الله نتجمع يوم عن قريب ان شاء الله
                        [CENTER][SIGPIC][/SIGPIC]
                        [/CENTER]
                        [CENTER]
                        [/CENTER]

                        Comment


                        • #13
                          المشاركة الأصلية كتبت بواسطة alaaeldineffat مشاهدة المشاركة
                          طب هو مفيش حل لو الاسطوانة قطعت خالص ان العربية تمشي و لو بالعفية
                          انا الاسطوانة عندى كانت ممسوحة خالص والعربية ماشية عادى بس هتفرق معاك فى المطالع بتاعت والكبارى لما تطلع مطلع عالى هتلاقى العربية بطيئة جداً ومش بتسحب خالص وعاماً الاسطوانة مش غالية وسعرها معقول ... الايطالى عاملة 80 جنيه والتركى ماركة مابا ودى انظف حاجة انا جبتها عاملة 100 جنيه
                          [CENTER][SIGPIC][/SIGPIC]
                          [/CENTER]
                          [CENTER]
                          [/CENTER]

                          Comment

                          Working...
                          X