لحام فى فارغة الفتيس

[hamisa08]

بعد لف كتير وتعب كتير ,, من موضوع الزيت اللى بيتسقط

غسلت العربية وروحت لميكانيكى لاقيت الفارغة بتاعت الفتيس عليها لحام العجينة " اللى ابوبتين البيضه والسودة "

ومكان تسريب الزيت منها يعنى اكيد فيها شرخ . وعايزة كمان اويلسية كرنك

الميكانيكى قالى احنا هنزل الفتيس ونشوف الشرخ ياما هنلحم تانى بالعجينة او تودية عند حد بتاع لحام الومنيوم

المهم موضوع هيحتاج اليوم كله شغل قولتله هعدى عليك الاسبوع اللى جاى

بفكر يا جماعه انى اجيب الفرغة دى استيراد حد عندة فكرة هى بتتباع ولا الحمها وخلاص او لحد يعرف

ميكانيكى فتيسات ,, يا ريت يقولى ؟؟ ومستنى اقتراحتكم

[hamisa08]

طب حد جرب او يعرف حاجة عن لحام الالومنيوم ؟؟؟

[hugan]

اي لحام مش ها يتحمل الافضل لو لقيت فارغه استيراد
بدل ما تصرف فلوس في حل وتركيب ولحام
وبدون فايده

[AROR]

لحام فارغة الفتيس لحام الومنيوم ولحام الانبوبتين للاسف مابينفعش بعد فترة قصيرة بيسرب تانى من نفس الشرخ علشان سخونة الفتيس بتبقى جامدة جدا تفك اى لحام

[hamisa08]

انا لقيت الفارغة هو طالب فيها حوالى ربع ثمن الفتيس ولسه كمان هتروح عند حد بتاع فتيسات علشان ينقلها هياخد مصنعية مش اقل من 300 جنية فكدة انا دخلت فى ثمن فتيس تانى

بس معنى كدة من ردودكم بلاش تلحمها غيرها وخلاص

[mohamedxsayed]

فكك من اللحام وهلس الميكانيكيه ده . دول عاوزين يربوا زبوون