فتيس الاتوماتيك بيقفش والعربية دايرة

[haithamhasan38]

السلام عليكم
انا معايا كليو اتوماتيك 2005
ببقى ماشى عادى جدا و اركن على جمب واسيب العربية دايرة . مفيش 20 ثانية الاقى الفتيس قفش ولا بيتحرك نهائيا .
ببطل العربية و ادور تانى يشتغل .
انا خايف يعملها معايا مرة ويقفش ومعرفش احرك العربية
يا ترى العيب فى اية

[Dr.M_baz]

في الغالب الفتيس محتاج تغيير زيت ..... العربيه عامله كام ك واخر مرة غيرته امته.

[haithamhasan38]

عاملة 115 الف موديل2004 و لسة شاريها من شهرين و كشفت على الزيت الراجل قالى لا الزيت ممتاز

[Dr.M_baz]

لو مقدرتش تعرف هو متغير امتى بالضبط غيره احسن . سيبك من التقدير الشخصي للصنايعيه .

Sent from my GT-N7100 using Forum Runner

[tahoun33]

نصيحة عن زيت الفتيس الأوتوماتيك

أولا يا اخي الكريم زيت الفتيس له معدل بالكيلومتر وله أيضا معدل زمني حتى لو لم يبلغ معدل الكيلومتر
فمثلا تجد في كتيب السيارة أن تغيير الزيت كل 60 ألف كيلومتر أو عام ونصف مثلا ,, وهذا يعني أن للزيت صلاحية بعدها يفقد خواصه ,, أنصحك بتغيير الزيت بلا تردد ولن تتكلف أكثر من 250 جنيه على الأكثر ,, ولن تخسر شيئا لأنك لو سرت وراء الميكانيكية ستغرم بالتأكيد ,, وقبل أن تغامر غير زيت الفتيس وتوكل على الله
لأن سيارتي كان فيها عيب تسقيط الغيارات من نفسها بعد فترة من السير وكل الميكانيكية قالوا أن العيب من البودي فالف ,, وأقروا أن زيت الفتيس سليم ,, والزيت لم يبلغ معدل الكيلومتر ولكنه ظل في السيارة لمدة أكثر من 4 سنوات والسيارة لم تبلغ ال 100 ألف كم فقط أي حالة السيارة جديدة ,, وفعلا تم حل المشكلة بعد تغيير زيت الفتيس فقط لا غير , ,, وعذرا على الإطالة

[MR.BERETTA]

اخى الكريم غير زيت الفتيس وفلتر الفتيس الاول نظف حساسات الفتيس بالهواء بعد ما تحل كرتير الفيس لاخراج الفلتر واللى يقولك اغسل الفلتر وركبة تانى قولة لا زيت 320 موبيل وفلتر جديد وتنظيف وشوف بعد كدة ان شاء الله المشكلة تنحل

[Eng.micheal]

هو بالنسبه لزيت الباور المفروض يتغير زى زيت الفتيس ؟؟