نتشة في الفتيس الاوتوماتيك اكسنت 2011

[M.Abbas]

انا بحس بنتشة في النقلة بين الاول و التاني و ساعات بتعمل كدة وساعات بتبقى ناعمة جدا و المشكلة اني لما رحت التوكيل طبعا عشان يريحو دماغهم قالولي هي العربية كده بس انا الي مجنني ان ساعات بتحصل وساعات لا بحس انها بتبقى عايزة تنقل لكن بتتأخر ومرة واحده النقلة بتيجي بحس ان العربية بتنط العربية عاملة 60 الف كيلو انا لسة مشتريها و غيرتلها زيت فتيس وفلتر في التوكيل وبرده لسة النتشة دي فيها و من فترة قريبة حسيت مرة واحدة ان العربية اتكتمت و لما بحطها على d من الثبات بتتحرك بالعافية ممكن حد يفيدني علشان فعلا انا خايف تكون مشكلة كبيرة...... وشكرا

[tata2011]

انا بحس بنتشة في النقلة بين الاول و التاني و ساعات بتعمل كدة وساعات بتبقى ناعمة جدا و المشكلة اني لما رحت التوكيل طبعا عشان يريحو دماغهم قالولي هي العربية كده بس انا الي مجنني ان ساعات بتحصل وساعات لا بحس انها بتبقى عايزة تنقل لكن بتتأخر ومرة واحده النقلة بتيجي بحس ان العربية بتنط العربية عاملة 60 الف كيلو انا لسة مشتريها و غيرتلها زيت فتيس وفلتر في التوكيل وبرده لسة النتشة دي فيها و من فترة قريبة حسيت مرة واحدة ان العربية اتكتمت و لما بحطها على d من الثبات بتتحرك بالعافية ممكن حد يفيدني علشان فعلا انا خايف تكون مشكلة كبيرة...... وشكرا

انا لسه كان عندى الموضوع ده وعملت عنه موضوع عموما هو حساس فى الفتيس بتغيره وان شاء الله كله هيبقى تمام

[M.Abbas]

طب الحساس الي هيتغير اسمة ايه ؟ وهل لازم يفك الفتيس و من فضلك الموضوع كلفك كام و لو عندك حد كويس في القاهرة ممكن ترشحهولي اروحلة وشكرا على اهتمامك

[tata2011]

طب الحساس الي هيتغير اسمة ايه ؟ وهل لازم يفك الفتيس و من فضلك الموضوع كلفك كام و لو عندك حد كويس في القاهرة ممكن ترشحهولي اروحلة وشكرا على اهتمامك

جضرتك مفيش اى فك للفتيس دا مجرد حساس عبارة عن سلك طرفه فيه حساس والطرف التانى فيشة
بالنسبة لتمنه 350 بالتركيب وعلى فكرة كان ممكن انضف القديم بس المهندس قالى ان العيب هيرجع تانى
اما بالنسبة لانى ارشح لك حد اولا انا مش من القاهرة انا عملته فى المنصورة وطبعا بعد تفكير طويل وبحث على النت لانى كنت بفكر اوديها التوكيل فى ابو رواش لكن بعد قراءة كل المواضيع اللى تعملت على النت اكتشفت الاتى :
نسبة اللى اشتكوا من التوكيل سواء ابو رواش او قليوب خلتنى انسى فكرة اهوب ناحيته لان الكل اجمع على انك مبتشفش العربية وهما شغالين فيها ودى حاجة تقلق جدا
تانى هام انك ممكن تديهم العربية واتت بتشكى من عيب تطلع لك فيها عيب تانى
تالت هام العربية ممكن تتفلب جوه وده قريته فى احد الموضوعات هنا
رابعا بقى هيدفعوك مبلغ محترم
يبقى نعمل ايه . نروح مركز خدمة محترم يكون مشهود له بالكفاءة والامانة وطبعا انت فى القاهرة ام الدنيا مش هتغلب ( انا شفت مركز اسمه مودرن سيرفيس قصاد المطار عن طريق جوزيف تيتو وفى مركز المهندس هانى بيشكروا فيه هنا فى المنتدى تقريبا فى جسر السويس ) المهم تقف على ايده وهو بيكشف بالكومبيوتر قبل التركيب (الكومبيوتر هيقرا العطل ) وبعد التركيب (الكومبيوتر مش هيظهر له العطل ) وبعدين تطلع تجرب انا فى عربيتى المهندس ادانى ضمان اسبوع وخد قراية عداد الكيلو متر وان شاء الله تطمن عل عربيتك
لو حبيت راجع موضوعى ده هتلاقى صورة الحساس

http://www.nilemotors.net/Nile/444795-a.html

[M.Abbas]

ياباشا انا بشكرك على اهتمامك بس انا قرأت الموضوع بتاعك في كذا اختلاف انا المشكلة عندي في النقلة بين الاول و التاني بس باقي النقلات مفيهاش مشكلة و بردة مشكلة ان العربية بتتحرك بالعافية لما بجيبها علي الd من وضعية الثبات تقريبا انت المشكلة عندك كانت في النقلات كلها صح ؟

[tata2011]

حضرتك انا المشكلة عندى كانت فى النقلة الثالثة فقط وكانت احيانا تظهر واحيان لا اللى فهمته ان الفتيس مشاكله نوعين اما ميكانيكا او حساسات . لو ميكانيكا انصحك تروح لواحد اسمه محمد على فى المنصورة
ياريت تقولى موديل عربيتك

[kar!m]

أنا قلت ألحقك قبل ما تعمل حاجة في الفتيس :-)

بص هي العربية كده و العربيات الأتوماتيك كلها كده .. انت بتحس بالنتشة دي بين الأول و التاني لما تكون ماشي بالراحة .. انما لما بتجمع بسرعة مبتحسش بيها.

ده شىء طبيعي جدا و لو سقت أي عربية أتوماتيك و مشيت بيها على الأول شوية من غير ما تزود هتلاقيها نقلت على التاني و حسيت بالنقلة .. لو جمعت سرعات مش هتحس بحاجة.

[M.Abbas]

انا بشكر كل الي ساعدوني انا فعلا رحت للمهندس هاني و فعلا زي ما الناس كتبت عنة انه راجل محترم جدا استقبلني كويس جدا و شرحتلة المشكلة و رحنا جربنا العربية و الحمد لله العربية طلعت زي الفل وانا حابب اشكر المهندس هاني شكر خاص جدا على زوقة و انصح اي حد عندة مشكلة انه يروحلة

[gho_ah]

فين المهندس هانى بالظبط ورقمه ايه واسم المركز ونوع السيارات اللى بيشتغل فيها

[tata2011]

انا بشكر كل الي ساعدوني انا فعلا رحت للمهندس هاني و فعلا زي ما الناس كتبت عنة انه راجل محترم جدا استقبلني كويس جدا و شرحتلة المشكلة و رحنا جربنا العربية و الحمد لله العربية طلعت زي الفل وانا حابب اشكر المهندس هاني شكر خاص جدا على زوقة و انصح اي حد عندة مشكلة انه يروحلة

ياريت توضح اكتر ايه بالضبط اللى طلع عندك فى الفتيس علشان نستفيد

[aly_maher]

بخصوص حساس الفتيس

أخي الفاضل كرما منك ذكر المركز إلذي تم فيه الاصلاح في المنصورة وهل للمشكله رجعت تاني بعد تغيير الحساس ام انتهت وشكرا
في انتظار الرد ومن فضلكم فين عنوان الاستاذ هاني وبيشتغل في اي نوع من العربيات لاني عندي نتشه في الفتيس مثل ما ذكروا الاخوه سابقا

[aly_maher]

من فضلك ذكر مكان الصيانة في المنصورة وهل المشكله رجعت تاني ام الحمدلله تم حلها وشكرا

[amdd]

يايرت ترد علينا وتساعدنا

[tata2011]

انا اسف اسف جدا لانى مكنتش بدخل اشوف الردود معلش اسف تانى ولو لسه فى استفسار لاى زميل انا تحت امره

[tata2011]

من فضلك ذكر مكان الصيانة في المنصورة وهل المشكله رجعت تاني ام الحمدلله تم حلها وشكرا

لا المشكلة من يومها اختفت