كاوتش الكوبلن اتقطع ينفع يتغير ؟

[memo_p910]

كاوتش الكوبلن الخارجي عندي اتقطع فهل ينفع اغيره واملاه شحم تاني ولا مينفعش يتغير لان رحت للميكانيكي قالي ماينفعش يتغير لان فك الكوبلن بيبوظه خليه احسن ولما الكوبلن يبوظ ابقى غير الكوبلن كله علما بان الكبالن عندي سليمه

فهل كلامه ده مظبوط لاني مش مقتنع

[Sherif Mandoor]

سيادتك متاكد انك رحت لميكانيكى
طبعا الكاوتش لازم يتغير قبل مايبوظ الكوبلن

[memo_p910]

يعني تغيير كاوتشة الكوبلن واعادة تشحيمه سهله والكوبلن مش بيتضرر من عملية الفك زي ما فهمني ..

[Sherif Mandoor]

مفيش اى مشكله وياريت تغير الكاوتش بسرعه عند ميكانيكى غيره وطمنا عملت ايه

[ahmadalsabban]

اكيد ده مش ميكانيكي، طبعا غيره في اسرع وقت وخالي بالك من نوع الشحم لازم يكون بتاع كبالن او رومان بلي

[akmm]

الكاوتش بتاع الكوبلن طبعا بيتغير .............. والدليل القاطع على كده انه فيه كاوتشه بتتباع في علبه ومعها الشحم بتاعها ورباط الكاوتش وبتكزن نوعيه جيده غالبا افضل من اللى بتيجى مع الكوبلن اصلا .... المشكله عند الميكانيكى اللى قال لك الكلام ده انه قليل الخبره وخاف من فك الكوبلن وتسقيط الكاوتشه الجديده لان فك الكوبلن من من مكانه بالبار بيحتاج الى بعض الطرق الخفيف عليه علشان يتسحب من مكانه .....تحياتى .