مشكلة محيرة جداً في الشاهين

[حسني منصور]

تحياتي لكل الأعضاء.
المشكلةفيه رجة في العربية من فوق سرعة 60 كيلو ومش لاقي ليها حل
انا عملا الآتي
1- غيرت صلايب الكردان الأمامية والخلفية
2- غيرت كرسي النص
3- غبرت فلانشة الكردان
4- فكيت الاسكاترة ونضفتها وحطيت شحم جديد وطقم جلدة التراب
5- رصصت العجل وظبط زوايا
كل دة ومش عارف ايه سبب الرجة
سؤالي لحضراتكم
ايه ممكن يكون السبب علشان انا تعبت ومش عارف اعمل ايه
وفيه حاجة كمان من يومين كنت ماشي بالعربية وجريت بيها شوية لقيت عند سرعة 110 فيه صوت عالي جداً مش ونة ولا حاجة بتاكل في حاجة انا احترت ومش عارف اعمل ايه وقررت ما اتحركش بالعربية غير لما المشكلة تتحل
أرجوا الافادة العربية شاهين 1997 موتور 1400cc

[حسني منصور]

الحمد لله النهاردة المشكلة اتحلت بعد تغيير صلايب وكرسي النص لان اللي كانوا راكبين هما جداد لكن مش أصلي
شكراً لكل اللي ساهم بالرد

[Zing0]

أنا عاوز أقولك أولاً مبارك إن المشكلة إتحلت
ثانياً المشكلة و لا صلايب و لا كرسى نص
المشكلة فى الصنايعى, فك الكردان و ركبه غلط أول مرة
و رجع عوجه تانى تانى مرة , ربما صدفه, و ربما تدارك خطأ
عمود الكردان علشان يتفك لازم يتعلم علشان ليه إتجاه فى التركيب غير كده يتسبب فى اللى بتقول عليه ده بالضبط (رعشة عند سرعة منخفضة) - عندى كان بيظهر على 40 و يختفى و يرجع تانى على 80, فايبريشن.
الكلام ده بالضبط مريت بيه, نفس اللى إنت عملته كله
أحد العباقرة الجهابزة ركب كرسى النص و عوج إتجاه تركيب الكردان, و الله العظيم كنت واقف على إيده و أقوله علم يا أسطى قبل ما تفك, يقولى دى صنعتى و أنا بأركبه و أنا مغمض عنيا و سايب أيديا و رافع رجليا كمان... !!!
و دوخت أنا فى الدوامة دى 6 شهور و رحت بيها لصنايعية ياما فى آخر بلاد المسلمين, كان ناقص أوديها لشيخ يرقيها.
لحد ما ربنا فرجها من فضله
أعاننا الله و إياك و مبارك عليك مرة تانية

[waley]

طيبحد عنده حل لمشكله بوش الكرونة؟