إعـــــــلان

Collapse

.

,
See more
See less

أفتوني في أمري ..عجلة شمال مأخرة

Collapse
X
 
  • Filter
  • الوقت
  • Show
Clear All
new posts

  • أفتوني في أمري ..عجلة شمال مأخرة

    كنت بضبط زوايا ..وبتاع الزوايا قالي إن العجلة الشمال عندك مأخره درجه ونص ...روح لحداد عفشه يقدمهالك ..رحت لحداد عفشه قالي هنعمل زرجينه ..قلتله لا شكرا ..شوف حل تاني ..قالي خلاص ..هنطلع الإستليزر أو الميزان كله ونقدم الورده اللي بتمسك الكاوتش بتاع الميزان مع المقص شوية ونقفل ..قلتله طيب هنقدمها كام سم ..قالي يعني بالعين المجرده كده نقدمها كده ..وقام محدد بإيده على الميزان ...قمت متصل ببتاع الزوايا وقلتله دلوقتي الحداد بيقولي يا إما تعمل زرجينة ..يا إما نعدل في الإستبليزر ..المهم بتاع الزوايا قالي هي العربيه بتحدف معاك ؟؟؟....قلتله لأ ..قالي طيب خلاص متعملش حاجه وسيبها زي ما هي..وعموما العجلة المأخره ما بتكالش كاوتش ..وأنا عموما ضبطلك كل الزوايا اللي عندك ما عدا الملحوظة دي ..المهم أنا قلت للحداد ..وكنت لسه واقف عنده ما مشيتش ..خلاص هبقى أجيلك وقت تاني ..قالي يعني مش هتقدم العجلة ..قلتله لأ ..قالي إزاي ؟؟..ده العربيه تحدف معاك ..قلتله لأ ما هي مش بتحدف ..المهم لقيته في حركه بهلوانيه كده ركب مكاني على الطاره وقالي تعالى نجرب ..وطلع مشى بيها ..وعايز يقنعني إن هي فيها حدفه بس أنا مش واخد بالي ..المهم دلوقتي إن العربية فعلا مفيهاش حدفه ..وما شاء الله ببقى حاطط 120 سرعة وسايب الطاره ومفيش أي حدفه ..أنا مش عارف بقى أعمل إيه ..أعمل الزرجينة ..ولا أعدل في الإستبليزر ..ولا أسيبها ..وخصوصا إن بتاع الزوايا قالي عشان مشكلة العجلة المأخرة دي جايه معاك في الناحية الشمال اللي فيها الأكس القصير عشان كده هي مش عامله حدفه معاك ..يمكن لو كانت في الناحيه اليمين كانت سمعت معاك وعملت حدفه ..

    على فكره أنا بضبط زوايا عن شركة خدمات إسمها ناسيتا والمهندس اللي أنا بروحله معرفة وبحدد معاه ميعاد قبل ما أروح عشان يبقى هو اللي موجود..ورحت كشفت زوايا عند واحد تاني قالي إن في تأخير في العجلة الشمال برضه بس درجه وتلت تقريبا ..مش عارف بقى ..أمشي زي الكتاب ما بيقول ولا ما دام ما بتحدفش والموضوع ده مش هيأثر على الكاوتش يبقى خلاص ؟؟؟؟
    [SIGPIC][/SIGPIC]--------

    m_m_sh_a سابقا

  • #2
    الافضل طبعا انك تعملها لانه مفيش حاجة اسمها مش بتاثر حتي علي المدي البعيد لازم هايكون في تاثير لانه اللي عمل مقاس العربية مش بتاع بطيخ ؟؟؟
    ولكن طالما حضرتك شايف انها مش تاعباك سيبها!!!
    [SIGPIC][/SIGPIC]

    Comment


    • #3
      الوقتي الالطو زاوية الكاستر +3ْ 30َ +/- 1ْ
      فكدا سماح الفابريكه 1ْ في العجله ومعاك سماح بين الناحيتين نص درجه.الاخ بتاع الزويا لما قال 1.5 درجه تاخير دا فرق بين الناحيتين ولا ناحييه واحده عن الفابريكه ؟؟ .خد بالك انك قرب حد السماح فالموضوع غايم شويه ومفيش عندك حدف ,والكاستر عادة محدش بيلعب فيه .فدا لازم يتفهم .الكاستر بيتظبط لو حصل عوجه مقص او تني بنوز او حادثه
      هل عربيتك الجديده الاموره اللي في الصوره؟؟ .ان كان هتضبط وكلامهم صدق يبا العجله عاوزه تتشد لقدام .هتعمل ايه الاول ,تشوف جلب الميزان الكاوتش خصوصا المربوطين في الشاسيه مش منورين ومتاكلين خصوصا ناحية الشمال لو مبوشه هتريح الميزان لورا يقلل الكاستريبا تغيرهم واكد علي رباطهم .لو جلب المقص الشمال مبوشه بردك تلعب الكاستر كمان جلب الميزان المعديه جوه المقص لازم تتربط شديد. اكد علي رباط صواميل البطاحه واللكميده. المفروض الجوب دي تتعمل تحت سقف واحد مع مكنة القياس مش حداد هنا وعفشجي هناك والتهريح دا .عند صاحبك بتاع الزوايا والعربيه ع الهويست استقضي مفاتيح وبلادوس واكشف واربط المناطق دي هتجيب لبتها رغم ان الضبط شغل بتاع الزوايا.
      خد بالك وردة الميزان اللي الحداد حكاها ملحومه مع الميزان يبا عاوز يفورها ويلحم تاني ويفتح باب خراب .وبتاع الزرجينه عاوز يجيب الزاويه بقرص وتني المساعد ويخرب .معظم تعليق المكفرسون مبيحتجش ضبط كاستر الا في المذكور انفا.


      http://www.nilemotors.net/Nile/455933-a.html
      http://www.nilemotors.net/Nile/455752-2.html
      http://www.nilemotors.net/Nile/454825-a.html

      Comment


      • #4
        هو انت كنت خبط العجلة فى رصيف او حجر كبير قبل كده

        Comment


        • #5


          واضح إن مش أنا اللي كنت خابطها ..دي كانت من اللي قبلي وأنا كنت واخدها كده ..وكان فيها حدفه شمال مش عايزه تروح ..ولما رحت أضبط زوايا بتاع الزوايا قالي عندك مقص وحش غيره ..غيرته ..الحدفه راحت وظهرت بقى حكاية التأخير دي ..






          بالنسبة للكاوتش كله سليم وجديد ..بتاع الفبريكا بتاعها ..بتاع الزوايا قايلي المشكلة في العجلة الشمال بس ..هي اللي عايزه تتقدم درجة ونص ..وهي فعلا عربيتي اللي في الصورة دي ..أنا مش عارف حضرتك أصلا جبت الصورة دي منين ..بس هي فعلا ...وبعدين بصراحه ..أنا شايف بالعين المجرده كده إن العجلة الشمال فعلا مأخره لورا ..وده بيبان لما تبص وتشوف المسافة بين الكاوتش والعتبة ..بس برضه مش بتحدف ..وده اللي مخلي بتاع الزوايا مش مقتنع ومخلي برضه حداد العفشة مصمم إن هي بتحدف ..بس حضرتك بتقول تفوير الورده ولحامها تاني في مشكلة ..إيه المشكلة اللي في كده ؟؟؟
          [SIGPIC][/SIGPIC]--------

          m_m_sh_a سابقا

          Comment


          • #6
            طالما العربيه مظبوطه معاك فبلاش تعملها. الملاحظه التانيه ان الكاوتش عندك المفروض يتغير طالما بتقول انه الفابريكا بتاعه.
            [SIZE="5"]لا اله إلا الله محمدُ رسول الله[/SIZE]

            Comment


            • #7
              عن تجربه في لحامات شدادات التعليق ,اللحام مبيعدش ويكسر تاني عمره ما هيكون زي الفبريكه وفي الاخر كلو ليك . كمان الورده الغلبانة مش لبة المشكلة ومش هاعدل ع الفبريكه في عيب حادثه. فهتبني غلط علي غلط.
              ولسه برضو معرفناش الدرجه ونص دول فرق الناحيتين ولا فرق عن استاندرد الجنب.
              فيه خبطه حصلت واتغير المقص .تمام .نستبعد شويه الجلب والكاوتش وهنرجعلهم تاني .لحظة الخبطه عشان العجله ترحل ورا يبا الميزان اتمط او اتعوج وتقدر تقيسه وتتاكد او تغيره.
              يا اما ودران المقص في الكروسليه عوجت يا اما اخرام البطاحه او المساعد اتعوجوا .
              وكل دول هيبانو بالمتر او بوكليز حكايتهم ايه .نرجع تاني للجلب الحل المعتاد راجعهم .وبالتوفيق
              http://www.nilemotors.net/Nile/455933-a.html
              http://www.nilemotors.net/Nile/455752-2.html
              http://www.nilemotors.net/Nile/454825-a.html

              Comment


              • #8
                فيه محاوله تتعمل من غير لحام او تسخين .طالما سكعة حادثه .والعربيه بردك ع الهويست هنعمل قرصه ونشد العجلة قدام .نجيب الجن داون



                ونصبن علي طرف المقص وخرم كروسليه وتقرص لحد العجله ما تتعدل والكاستر يزير .وزود ضرس وسيبه يريح ويرسي علي زاويه كام ومعاك لحد ما تستعدلو
                http://www.nilemotors.net/Nile/455933-a.html
                http://www.nilemotors.net/Nile/455752-2.html
                http://www.nilemotors.net/Nile/454825-a.html

                Comment


                • #9
                  المشاركة الأصلية كتبت بواسطة mecha مشاهدة المشاركة
                  عن تجربه في لحامات شدادات التعليق ,اللحام مبيعدش ويكسر تاني عمره ما هيكون زي الفبريكه وفي الاخر كلو ليك . كمان الورده الغلبانة مش لبة المشكلة ومش هاعدل ع الفبريكه في عيب حادثه. فهتبني غلط علي غلط.
                  ولسه برضو معرفناش الدرجه ونص دول فرق الناحيتين ولا فرق عن استاندرد الجنب.
                  فيه خبطه حصلت واتغير المقص .تمام .نستبعد شويه الجلب والكاوتش وهنرجعلهم تاني .لحظة الخبطه عشان العجله ترحل ورا يبا الميزان اتمط او اتعوج وتقدر تقيسه وتتاكد او تغيره.
                  يا اما ودران المقص في الكروسليه عوجت يا اما اخرام البطاحه او المساعد اتعوجوا .
                  وكل دول هيبانو بالمتر او بوكليز حكايتهم ايه .نرجع تاني للجلب الحل المعتاد راجعهم .وبالتوفيق
                  رحت إمبارح لحداد عفشة ..فك الجنب وبص ..ولقي الآتي
                  1- فيه لحام في الركبة بتاعة الجنب ..الركبة اللي بيركب فيها المقص ..وقالي اللحام ملحوم بالنحاس وكويس ..بس السمكري اللي عمل الشغل ما ضبطش الركبه عشان كده خدت المقص ورحلت ..وقالي الحل ..الركبه دي تتفور تاني وتركب بالمقاسات ..مع عدم يقينه هي الركبة دي متغيره كلها ولا هي واخده لحام من ناحية واحده بس نتيجة الخبطه ..وكان الحل من وجهة نظره الركبة كلها تطلع وتركب تاني
                  2- القنطره اللي قدام إحتمال تكون مخزنه الخبطة ..لكنه برضه مش متأكد ..وحكاية مش متأكد دي كان بيقولها عشان هو ممعهوش ابعاد العربية الفبريكة الأصلية ...فعشان كده هو بيقول إحتمالاته وبيأكد باللي موجود
                  3- الحل بالنسبة له زرجينة ما بين الركبة وما بين القنطره ..ولما قلتله الزرجينة ممكن تعمل مشكلة في فردة شاسيه أو مداده قالي مش هتعمل ..ولما قلتله في واحد معاه أخت العربية دي وإتعمله زرجينة في التوكيل وكسروا له القنطره اللي شايله الفتيس سكت وقالي بص ..إحنا ممكن نعدل في كاوتش الميزان مع المقص
                  4- هو كان مقتنع جدا بحكاية فك الركبة يعني فك اللحام بتاع الركبه وتركيبها تاني ..وطبعا بما إنه هو مش معاه أبعاد العربية الفبريكه فأنا أصلا مش عارف هو كان مصمم ليه يفك الركبه وهيركب على أنهي أبعاد ..
                  5- الحل الأخير اللي أنا فرضته عليه وعمله وهو متكدر وشايف إنه مش نافع ..هو حكاية ترحيل الورده سم ونص للأمام ..لدرجة إنه فك الميزان ولما سألته على مخرطه قالي معرفش ..شوف إنت حد يعملها .وفعلا كان فيه مخرطه أعرفها من زمان رحتله ورحل الورده وكله تمام ..ورجعت للحداد قفل شغله ورحت ظبت زوايا ..والمهم في الموضوع إن بتاع الزوايا بيقولي ده الحداد اللي عملك القصة دي دماغه جامده قوي ..وبعدين ما شاء الله ضبطها زي الفبريكه بالضبط ..بص قراية العجلة اليمين زي الشمال بالضبط ..يدوب فرق بس إتنين من عشرة ..طبعا مردتيش أقوله إن الحداد كان عايز يفك الركبه كلها ..

                  أعتقد إن الحل اللي كان الحداد عايز يفرضه في مخاطره أكبر من كده ..إني أفك الركبه كلها اللي هي أصلا راكبه وماشيه وأسخن في الجزء اللي الركبة راكبه عليه اللي هو أصلا متسخن عليه مره قبل كده ..عشان أعدل في تركيب ركبه من أول وجديد وقلت لنفسي إحتمال برضه تحتاج زرجينة
                  التعديل اللي إتعمل في الميزان إكتشفت إنه مشهور قوي ..وبيتعمل عادي جدا بس المهم اللحام يكون كويس ..وللأسف الشديد جدا ..الحل اللي حضرتك قلت عليه بتاع الشد وهي واقفه على الهويست مفيش حد في إسكندرية بيعمله ..كككككككككككككككل بتوع الزوايا على مستوى إسكندرية بيقولوا لك المشكلة في إيه وتروح تعيش حياتك عند الحداد ..حتى التوكيل ذات نفسه معندوش كمبيوتر ضبط زوايا ..عشان كده أنا عايش حياتي ما بين الحداد وما بين بتاع الزوايا كلا على حده ..

                  [SIGPIC][/SIGPIC]--------

                  m_m_sh_a سابقا

                  Comment


                  • #10
                    كده تمام
                    فعلا لو فك الركبه مش هيعرف يظبطها وحتى لو فك الركبتين خالص وركب ركبتين جداد ممكن الابعاد متظبطش لان ممكن تكون الخبطه مخزنه
                    بالنسبه بقى للركبه الملحومه عندك ابقى شيك عليها كل فتره علشان مع الوقت بتحتاج اعاده لحام وبالتوفيق
                    [SIZE="5"]لا اله إلا الله محمدُ رسول الله[/SIZE]

                    Comment


                    • #11
                      المشاركة الأصلية كتبت بواسطة m_m_sh_a مشاهدة المشاركة


                      رحت إمبارح لحداد عفشة ..فك الجنب وبص ..ولقي الآتي
                      1- فيه لحام في الركبة بتاعة الجنب ..الركبة اللي بيركب فيها المقص ..وقالي اللحام ملحوم بالنحاس وكويس ..بس السمكري اللي عمل الشغل ما ضبطش الركبه عشان كده خدت المقص ورحلت ..وقالي الحل ..الركبه دي تتفور تاني وتركب بالمقاسات ..مع عدم يقينه هي الركبة دي متغيره كلها ولا هي واخده لحام من ناحية واحده بس نتيجة الخبطه ..وكان الحل من وجهة نظره الركبة كلها تطلع وتركب تاني
                      2- القنطره اللي قدام إحتمال تكون مخزنه الخبطة ..لكنه برضه مش متأكد ..وحكاية مش متأكد دي كان بيقولها عشان هو ممعهوش ابعاد العربية الفبريكة الأصلية ...فعشان كده هو بيقول إحتمالاته وبيأكد باللي موجود
                      3- الحل بالنسبة له زرجينة ما بين الركبة وما بين القنطره ..ولما قلتله الزرجينة ممكن تعمل مشكلة في فردة شاسيه أو مداده قالي مش هتعمل ..ولما قلتله في واحد معاه أخت العربية دي وإتعمله زرجينة في التوكيل وكسروا له القنطره اللي شايله الفتيس سكت وقالي بص ..إحنا ممكن نعدل في كاوتش الميزان مع المقص
                      4- هو كان مقتنع جدا بحكاية فك الركبة يعني فك اللحام بتاع الركبه وتركيبها تاني ..وطبعا بما إنه هو مش معاه أبعاد العربية الفبريكه فأنا أصلا مش عارف هو كان مصمم ليه يفك الركبه وهيركب على أنهي أبعاد ..
                      5- الحل الأخير اللي أنا فرضته عليه وعمله وهو متكدر وشايف إنه مش نافع ..هو حكاية ترحيل الورده سم ونص للأمام ..لدرجة إنه فك الميزان ولما سألته على مخرطه قالي معرفش ..شوف إنت حد يعملها .وفعلا كان فيه مخرطه أعرفها من زمان رحتله ورحل الورده وكله تمام ..ورجعت للحداد قفل شغله ورحت ظبت زوايا ..والمهم في الموضوع إن بتاع الزوايا بيقولي ده الحداد اللي عملك القصة دي دماغه جامده قوي ..وبعدين ما شاء الله ضبطها زي الفبريكه بالضبط ..بص قراية العجلة اليمين زي الشمال بالضبط ..يدوب فرق بس إتنين من عشرة ..طبعا مردتيش أقوله إن الحداد كان عايز يفك الركبه كلها ..

                      أعتقد إن الحل اللي كان الحداد عايز يفرضه في مخاطره أكبر من كده ..إني أفك الركبه كلها اللي هي أصلا راكبه وماشيه وأسخن في الجزء اللي الركبة راكبه عليه اللي هو أصلا متسخن عليه مره قبل كده ..عشان أعدل في تركيب ركبه من أول وجديد وقلت لنفسي إحتمال برضه تحتاج زرجينة
                      التعديل اللي إتعمل في الميزان إكتشفت إنه مشهور قوي ..وبيتعمل عادي جدا بس المهم اللحام يكون كويس ..وللأسف الشديد جدا ..الحل اللي حضرتك قلت عليه بتاع الشد وهي واقفه على الهويست مفيش حد في إسكندرية بيعمله ..كككككككككككككككل بتوع الزوايا على مستوى إسكندرية بيقولوا لك المشكلة في إيه وتروح تعيش حياتك عند الحداد ..حتى التوكيل ذات نفسه معندوش كمبيوتر ضبط زوايا ..عشان كده أنا عايش حياتي ما بين الحداد وما بين بتاع الزوايا كلا على حده ..


                      تمام ,قضا اخف من قضا ,مكنتش اتوقع ان الامور بالسوء دا ,والتلف وصل للشاسيه. وكويس انك مفتحتش فيه شغل.
                      بردك انا موش فاهم يعني ايه الفرق بين الجنبين اتنين من عشره ,اعرف انها درجات والسماح 0.5 درجه فرق .
                      سوال مفيش حد بيعمل اتزان للشاسيه عندك؟
                      http://www.nilemotors.net/Nile/455933-a.html
                      http://www.nilemotors.net/Nile/455752-2.html
                      http://www.nilemotors.net/Nile/454825-a.html

                      Comment


                      • #12
                        المشاركة الأصلية كتبت بواسطة mecha مشاهدة المشاركة
                        تمام ,قضا اخف من قضا ,مكنتش اتوقع ان الامور بالسوء دا ,والتلف وصل للشاسيه. وكويس انك مفتحتش فيه شغل.
                        بردك انا موش فاهم يعني ايه الفرق بين الجنبين اتنين من عشره ,اعرف انها درجات والسماح 0.5 درجه فرق .
                        سوال مفيش حد بيعمل اتزان للشاسيه عندك؟
                        يا بيه بقول لحضرتك التوكيل نفسه بتاع مودرن موتورز اللي عندنا في إسكندريه فرع القباري ..اللي إحنا بنقول عليه فرع الموقف الجديد..معندوش جهاز ضبط زوايا ..ومقضيها شغل بلدي برضه ..ويوم ما راحتله عربيه أخت بتاعتي عشان كان عنده نفس القصه بتاعتي بالضبط ..بس الفرق إن العفشه عنده كانت بتاكل مقصات وتبدأ المقصات عنده تخبط والعربيه تعوم معاه .وده كان بسبب حادثه قديمه هو اللي عملها وضبطها أياميها عند سمكري.يوم ما راحتلهم العربيه دي وعملوله زرجينه كسرو له قاعدة الفتيس ..ولما إكتشفها بعد ما إستلم العربيه وكان الكلام ده عند حداد عفشه ..عملها على حسابه لإن لما راحلهم وقالهم إنتوا كسرتوا ليه قاعدة الفتيس ..كله عمل أهبل وعاوزين يقنعوه إن العربيه أصلا كده ..على فكره مشكلة قاعدة الفتيس المكسوره دي كانت بتظهر في صورة زلزال رهيب بيهز العربيه كلها لما مروحة الريداتير تشتغل ..هو طبعا العربيه مش بتتشال وتتهبد لما المروح بتشتغل ..بس هو كان بيحس كإن المروحه عامله رعشه في العربيه كلها وهو بيحلف إن هي مكانتش كده وإن المشكله دي ما ظهرتش غير لما طلعت من التوكيل..يا بيه إحنا بنعاني في إسكندريه يا بيه ..
                        [SIGPIC][/SIGPIC]--------

                        m_m_sh_a سابقا

                        Comment


                        • #13
                          المشاركة الأصلية كتبت بواسطة mecha مشاهدة المشاركة
                          تمام ,قضا اخف من قضا ,مكنتش اتوقع ان الامور بالسوء دا ,والتلف وصل للشاسيه. وكويس انك مفتحتش فيه شغل.
                          بردك انا موش فاهم يعني ايه الفرق بين الجنبين اتنين من عشره ,اعرف انها درجات والسماح 0.5 درجه فرق .
                          سوال مفيش حد بيعمل اتزان للشاسيه عندك؟
                          يا بيه بقول لحضرتك التوكيل نفسه بتاع مودرن موتورز اللي عندنا في إسكندريه فرع القباري ..اللي إحنا بنقول عليه فرع الموقف الجديد..معندوش جهاز ضبط زوايا ..ومقضيها شغل بلدي برضه ..ويوم ما راحتله عربيه أخت بتاعتي عشان كان عنده نفس القصه بتاعتي بالضبط ..بس الفرق إن العفشه عنده كانت بتاكل مقصات وتبدأ المقصات عنده تخبط والعربيه تعوم معاه .وده كان بسبب حادثه قديمه هو اللي عملها وضبطها أياميها عند سمكري.يوم ما راحتلهم العربيه دي وعملوله زرجينه كسرو له قاعدة الفتيس ..ولما إكتشفها بعد ما إستلم العربيه وكان الكلام ده عند حداد عفشه ..عملها على حسابه لإن لما راحلهم وقالهم إنتوا كسرتوا ليه قاعدة الفتيس ..كله عمل أهبل وعاوزين يقنعوه إن العربيه أصلا كده ..على فكره مشكلة قاعدة الفتيس المكسوره دي كانت بتظهر في صورة زلزال رهيب بيهز العربيه كلها لما مروحة الريداتير تشتغل ..هو طبعا العربيه مش بتتشال وتتهبد لما المروح بتشتغل ..بس هو كان بيحس كإن المروحه عامله رعشه في العربيه كلها وهو بيحلف إن هي مكانتش كده وإن المشكله دي ما ظهرتش غير لما طلعت من التوكيل..يا بيه إحنا بنعاني في إسكندريه يا بيه ..أنا صورت لحضرتك التقرير ..الجزء الخاص بالكاستر ..هتلاقي عند حضرتك في أقصى اليمين من تحت نسبة الاثنين من عشره اللي هو بيقول عليها ..النسبه دي قبل الضبط كانت 1.38 ..وبعد الجراحه اللي اتعملت في العفشه بقت اتنين من عشره

                          [SIGPIC][/SIGPIC]--------

                          m_m_sh_a سابقا

                          Comment


                          • #14
                            القيم دي جميله حضرتك.واشكرك علي تصوير التقرير .وبالمناسبه فرق العجلتين موش اتنين من عشره ,دي 2 دقيقه ,الدرجه فيها 60 دقيقه.القيم مكتوبه علي الاستاندرد.
                            قصة الزرجينه بالوكيل في مشاركه ذكرت كسرت قنطره ودا خطأ جسيم ,لكن كسر قاعدة فتيس -معاك الوكيل غشاش وحقير مصلحش خطأه وبللف العميل- خطأ معقول مع قرص الزرجينه الشديد كان ممكن يكسر الفارغه لكن رغم انها عربية صغيره بس حمالة أسيه ياباني.
                            نقطة معاناة اسكندريه حاجه عجيبه برغم انها مدينة كبيره وجنبيها مينا وشغل تكرير يعني فلوس ودا يشجع اللي يفتح يعمل فلوس خصوصا في حاجه شحيحه!!!.
                            http://www.nilemotors.net/Nile/455933-a.html
                            http://www.nilemotors.net/Nile/455752-2.html
                            http://www.nilemotors.net/Nile/454825-a.html

                            Comment


                            • #15
                              المشاركة الأصلية كتبت بواسطة mecha مشاهدة المشاركة
                              القيم دي جميله حضرتك.واشكرك علي تصوير التقرير .وبالمناسبه فرق العجلتين موش اتنين من عشره ,دي 2 دقيقه ,الدرجه فيها 60 دقيقه.القيم مكتوبه علي الاستاندرد.
                              قصة الزرجينه بالوكيل في مشاركه ذكرت كسرت قنطره ودا خطأ جسيم ,لكن كسر قاعدة فتيس -معاك الوكيل غشاش وحقير مصلحش خطأه وبللف العميل- خطأ معقول مع قرص الزرجينه الشديد كان ممكن يكسر الفارغه لكن رغم انها عربية صغيره بس حمالة أسيه ياباني.
                              نقطة معاناة اسكندريه حاجه عجيبه برغم انها مدينة كبيره وجنبيها مينا وشغل تكرير يعني فلوس ودا يشجع اللي يفتح يعمل فلوس خصوصا في حاجه شحيحه!!!.
                              على فكره أنا بدخل هنا وبقرأ مشاركات لأعضاء عن حاجات بتتعمل في عربياتهم ..بحس إني من الأرياف ..يعني مثلا موضوع المراكز اللي بتنضف رشاشات ..تخيل حضرتك إن مفيش غير مركزين بس عندنا في إسكندرية بيعملوا الموضوع ده ..ولسه بادئين كمان في الموضوع ده يمكن من سنة تقريبا ..موضوع برضه الناس اللي بيصبوا إكصدامات أو بيعملوا فوانيس العربيات عمولة ..الموضوع ده بادئ يتعمل عندنا في إسكندرية يمكن من سنتين بس ..رغم إنه في القاهرة بقاله بتاع أربع سنين أو خمس سنين كمان حسب كتابات الأعضاء هنا في المنتدى ..حكاية برضه مراكز قياس نسبة العادم ..أهي دي بقى مش موجودة عندنا أصلا في إسكندرية ..مش بقول لحضرتك ,,,أرياف
                              [SIGPIC][/SIGPIC]--------

                              m_m_sh_a سابقا

                              Comment

                              Working...
                              X