بيجو 205

[haytham460]

صباح الخير
عندى مشكله فى عربيتى بيجو 205 معدل عليها ماتور 406 الابيض
وهبا انى لما غيرت قواعد الماتور اصبح فى رجرجه فى الجنب اليمين مع السحب او القرص على العربيه
وكشفت على القواعد تمام اكس الكوبلن اتغير وبردة بتترجرج وبصيت على الكبالن والبلى والصليبه مخلتش فيها
حاجه مبصتش عليها ومش عارف سبب الرعشه اللى فالجنب اليمين ده خالص ياترى فى حد يعرف السبب وشكرا

[م أحمد]

العيب بيحصل عندك على السرعة....كويس

بص على قاعدة الفتيس[

قواعد الموتور لو فيها مشكلة هتعمل الموضوع دا على السلانسيه

و خلى بالك الكاوتش ظاهريا ممكن يكون مش مقطوع بس صلابته بتقل و ممكن تعمل الرجرجة

برضه الكوبلن الداخلى اعرف انه ممكن يسبب المشكلة دى

[haytham460]

محدش عند فكرة يا رجاله

[haytham460]

انا بصيت على الكوبلن اليمن والصليبه وقلت بردة اغير الاكس يمكن يكون ملووح والقواعد فكتها وسليمه حتى اعتقدت ان القاعده الكومترة شكيت لتكون عاليه فارافعه الاكس فالكوبلن بيلف بعوجه او حاجه لقيت كل القواعد طول واحد فكدا الكبالن سليمه والاكس والكاوتش الاربعة لسه جداد وبدلت كما اللى قدام ورا قلت يمكن من الجنط الصراحه ياباشا احترت

[م أحمد]

ما تركزش ان الموضوع من الجنب اليمين

انا بقولك الكوبلن الداخلى ، هل شفت الكبالن الداخلية للجنبين ؟

و بعدين انت ذكرت موضوع الكاوتشات و دى سكة تانية خالص علاجها مش التبديل ، دى علاجها الترصيص

و هقولك على حاجة غير الكبالن الداخلى

ارفع عجلة عجلة و دورها بايدك و زقها لجوة و برة فى اتجاه عمودى على العربية (كشف على الواقف) دا يريحك برضه ان شاء الله لتكون السرة او البلية فيها مشكلة

[Abo_Mazen]

هي القواعد حضرتك جبتها جديدة ولا إستعمال ..وبعدين إزاي ما نشكش في القواعد والمشكلة ظهرت لما غيرت القواعد ؟؟؟!!!!

[haytham460]

اجرب كدا على امل يبقا خير

[haytham460]

القواعد كانت جديده بس هوا الرجرجه مع دوس البنزين لاكن لو بتجرى ومورت العربيه مترجرجش
ومعلش ياجماعه انا تعبتكوا معايا وبشكركوا بردة على سعه صدركم