مشكلة فى فيرنا اوتماتيك غاز ؟

[wael6]

السلام عليكم ورحمة الله
العربية فيرنا اوتوماتيك غاز
لما بقلب الى غاز واحول من n الى d بحس بنطره قوية وملحوظة
واحد نصحنى انى استنى لما ال rpm يهدى وفعلا عملت كده ولقيت النطره قلت شوية لكنها موجوده برده
يا ترى ايه السبب ؟
وايه المدة اللى المفروض احول من d الى n عند الوقوف فى الاشارات او لاى سبب آخر ؟
لانى لو وقفت فترة قصيرة مثلا 15 ثانية على n وارجع احول الى d بحس بنفس النطره برده ؟
للعلم rpm ع السلانسية والنقلات مظبوط
***** فى رجرجه خفيفة فى بدال البنزين عند سرعة 50-60 كم وتختفي مع العلم انى مرصص
الرجرجة كانت اكبر وقلت بعد الترصيص كتير
ياترى من ايه ؟
ايه السبب ونصائحكم ايه ؟
وشكرا جزيلا

[Mecha]

سلانسيه الغاز عندك عالي

[wael6]

سلانسيه الغاز عندك عالي

من فضلك كده بتوع الغاز اللى بيظبطوه ؟
طب هو كده فيه منه ضرر
اصل بقالى اسبوع لما باجب احول من بنزين لغاز العربية بتبطل
بس لاحظ لما نضفت فلتر الهوا الموضوع راح واتظبتت
انان اقصد هل السلانسيه له علاقه بالتحويل ولا لا

وهل لو لو مورت ولو لثانية ورجعت الى d المفروض امشي بتلقائية من غير نطره
ولا لازم يكون فى عدد كافي من الثوانى لهذا


وايه موضوع رجرجة البدال عند سرعه 50 ؟ ع الغاز والبنزين سواء

وشكرا جزيلا

[Mecha]

باشا الفلاتر دا امر مفروغ منو ، لازم حالتهم كويسه
وفلتر الهوا لازم يتنضف كل غيار زيت خسب ميعاد تغييره
محدش بيحول غاز في اشاره .
انت بتدور العربيه علي بنزين لحد المتور يسخن ويظبط
وبعدين تحول غاز.وتتحرك عليه طوالي وغالبا الغاز عندك
نظام قديم اللي بيعدي علي كونفرتر ومنو للمنفول.
بالنسبه لضبط الغاز ، اي ميكانيكي بيفهم يعملها
نفس قصة التسخين وعندك فيه مسمار في الكونفرتر لضبط السلانسيه
وخد بالك ان استجابة المتور للغاز اضعف من البنزين
وفي التحويل بتغيب سنه علي السلونيد يفتح والغاز يملا الخط لحد الغرف
بالنسبه لرجة البدال اتاكد السوسته شابطه كويس

تحياتي

[wael6]

السلام عليكم
و العربية سخنه وبطلت وارجع ادورها مثلا بعد 10 دقايق يا اما تبطل ع البنزين يا اما لما احول غاز بتبطل و
لازم اسيبها شوية ع البنزين وبعدين بحول عادى غاز وكله تمام
يا ترى ده من ايه ؟

وفى صوت دردره جاى من امام الدركسيون ( العربيه بارده وكمان لما تكو ع السلانسيه وانا مش دايس بنزين
ده من ايه ؟

متابع للاهمية
وشكرا جزيلا