مشكلة في فتيس لانسر كريستالة منوال

[Ghad]

انا عندي سيارة متسوبيشي لانسر مانيوال كريستالة موديل 1999 وفيها مشكلة في الفتيس تتلخص في ان الغيار التالت لما باجيبه لازم بعد ما اجيبه احرك العصاية ناحيتي حاجة بسيطة اوي علشان ييجي ، وهو ناعم وشغال وزي الفل وما بينطرش ولا حاجة ، بس انا لو جيبته عادي من غير ما اجيب عصاية الفتيس ناحيتي شوية مايجيش ويزعق والعصاية تتهز جامد ، رحت لواحد ميكانيكي قاللي غير زيت الفتيس ، عملت كدة وغيرته بزيت فالفالين 90 وما فيش فايدة ، حاولت احرك عصاية الفتيس كتير كتير علشان يمكن الفتيس يتصلح ما فيش فايدة ، بل علي العكس لاقيت العصاية أصبح فيها بوش بسيط وباقت بتزيق لما بحركها في الغيار الاول والثاني ، فيا تري ايه اللي حصل في العصاية ، وايه الحل مع الفتيس ده ، أرجو الاجابة وشكرا .

[dbabis8]

قواعد موتور

[Ghad]

طيب تزييق عصاية الفتيس ده من ايه
هل ياتري نتيجة تحريكي ليها كتير وبعنف نتيجة مشكلة الفتيس
وما هو الحل في البوش اللي فيها

[Ghad]

ارجو الافادة بسرعة ارجوكم وشكرا

[Ghad]

هل مت رد علي اسألتي؟

[Ghad]

هل من رد علي أسألتي؟

[Mecha]

الزيت الكويس. يعمل ايزي شيفت
75w80
ومهم قواعد الفتيس والمكنه حالتهم معقوله
ممكن عندك الكابل او التيش عاوز يترجلش وممكن البيض اللي فيه بايظ
لو كل دا اتعمل صح ومفيش نتيجه تبا المشكله جوا الفتيس. غوايش وبلي

[Ghad]

طيب مشكلة بوش وتزييق عصاية الفتيس ده من ايه.؟

[Mecha]

باشا ، ما تشيل الجلد حوالين العصايه وشوف، فيه بداية الاتياش او الكابلات وبيض ومسامير ، لازم تشوف كل دا

[Ghad]

حاولت اشيل الجلد حوالين عصاية الفتيس معرفتش ' هو ده بيتشال اذاي من غير ما ينقطع

[Mecha]

وديها لميكانيكي

[Ghad]

طيب ممكن حد يقوللي اذاي اشيل جلد عصاية الفتيس المانيوال بنفسي من غير ما ينقطع

[Ghad]

انا نفسي اعرف اعمل الحاجات دي بنفسي

[Ghad]

في اخ كريم شرح بالصور الطريقة بس لعربية لانوس
وانا حاولت اطبق الكلام ده علي عربيتي الكريستالة ما عرفتش
ياريت حد يساعدني

[Ghad]

حد يعرف بلبل الميكانيكي اللي في شبرا في الخلفاوي