اى استفسار بخصوص الفتيس الاوتامتيك

[Gambary]

الله الرحمن الرحيم
عندي سوال بخصوص الفيتس كروز بينزل زيت و مرشح و مش عارف اعمل ايه ولا عندي اي علم عن الموضوع ده برجاء الافاده ؟

[sherifewais]

تحية طيبة

كارينز 2011 فتيس اوتوماتيك 4 سرعات

قمت بتغير الرولمان بلى الخاص بتروس الجر وفك مجموعة الكلاتشات وتجميعها مرة أخرى

والنتيجة خلل تام فى نقلات الفتيس .

الرجاء النصيحة

[عـــادل]

الله الرحمن الرحيم
عندي سوال بخصوص الفيتس كروز بينزل زيت و مرشح و مش عارف اعمل ايه ولا عندي اي علم عن الموضوع ده برجاء الافاده ؟

انت محتاج تغسل العربيه من الزيوت المرشحه فيه سواء بجاز او بنزين
وبعدها تشوف فين المكان اللى مسرب زيت من الفتيس
والاماكن المحتمله لتسريب الزيت هى عند الكبالين سواء يمين او شمال وعند طرمبة الزيت بتاع الفتيس ولو التسريب من عندها هيظهر الزيت ناحيه اتصال الفتيس بالماتور
وفى الحاله ده هتحتاج انك تفك الفتيس
اما لو من ناحيه الكبالين فمش محتاج فك هتجيب اويل سيل وتغيير القديم

[عـــادل]

انا الفتيس بتاع العربية غلبنى والله شوفولى حل يا جماعة الفلف بدى بتاع الفتيس باظ ودة كلام تلاتة بتوع فتيس غير ت زيت ومفيش فايدة ومش لاقى فالف كويس جبت اتنين استيراد بس منفعوش حد يعرف مكان كويس اجيبة منة ارجو الرد العربية كيا كارينز 2012

هو مفيش فالف بادى بيبوظ لكن بيبقى موجوده سولونيد متركبه هى اللى ممكن يحصل فيه تلف لواحد او اكتر منهم وبالتالى ملوش داعى تغيير الفالف كله
لكن لو مشكله مستمره معاك يبقى لزم البحث عن الاسباب اللى بتبوظ السولونيد عندك
احتمال فى يكون ضفيرة الفالف بدى
او ضفيرة الكنترول فيه تلامس
انت محتاج تراجع كهربة العربيه الاول

[عـــادل]

النهاردة كنت بحاول أجيب الجير على وضع l الفتيس بيبقى على l بس العربية بتبقى كاتبة على الشاشة 2 وعلشان تكتب l لازم أهبد عصاية الفتيس جامد
ياترى أيه المشكلة دى وإيه حلها مع العلم أنا لسه مغير فلتر وزيت الجير

النقلات اللى بتظهر على شاشة التابلوه مسئوليه سويتش النقلات اللى بيكون فوق الفتيس

[Kapoox]

موضوع الساعه و ارجوا انك تسيبلي رقمك
فتيس dsg في أودي a3
موديل 2008/2007
هل هو 6 سرعات ام 7 في الموديل ده
تاني حاجه هل ال 6 ليه مشاكل برضه
ارجو الاهتمام
شكرا و كل سنه و انت بخير
:b4_384:

[kemo_nagy]

ربنا لسة كرمني بعربية استر 2013 كسر الزيرو ماشية 7000 كم وكشفت عليها في مركز خدمة أوبل أسمة القاضى في الأسماعلية و المهندس قال ان العربية زيرو و مافيهاش حاجة بعد الكشف والتجربة
بعد أستلام العربية لاحظت سماع صوت من الفتيس اسناء وضع d وضاغط علي الفرامل زي زنة او رعشة حاجة كدة عاوز اعرف اية سبب الصوت دة و خايف التوكيل يشتغلني

[john shamshon]

انا عندى سوال عربيه بيكانتو 2006 اتوماتيك فى مشكله فى لما ادى العربيه d ما بتحركش غير لما ادوس بنزين لكن سحب العربيه تمام ونقل الغيارات تمام ولكن والعربيه هيا ومشايه وحبيت اهدى وادوس فرامل الغيار بيفصل واول وما ادوس بنزين يلقط تامى ياترى دة عيب فتيس ولا حاجه كهربته العربيه

[tarek_sayed]

السادة الأعضاء في مشكلة مع صديقي اللي معاه هيونداي الانترا ٢٠٠٤ وهي ان الفتيس ما بيجبش الغيار الرابع رغم ان زرار الأوفر درايف مطفي لكن في معلومة قالهالنا واحد في التوكيل ان في حاجة بتتعمل في الكهربا بتاعة الفتيس او الموتور في ٥ دقايق بتعالج المشكلة دي وتقريبا بيتلغي الأوفر درايف والتعليقة بتاعتة من اساسها والعربية بتاخد نقلاتها بسهولة وبتتزبط....في حد عندة معلومة عن الموضوع دة لو سمحتوا
إقتباس متعدد لهذه المشاركة

[magedyounan]

صباح الخير
عندى نوبيرا 2001 اتوماتيك نوبيرا (2)
كنت رايح مشوار اسكندرية من القاهرة ومشيت حوالى 170 كيلو زى الفل ومافيش اى شكوى وبعدين كان فيه زحمة هديت السرعة وبعدها جيت ازود السرعة لقيت العربية ماتقبلش وبتسقط غيارات هاودتها لغايت لما وصلت وهديت العربية وفى العودة كانت بتسخن جامد اقف اهديها وامشى كانت بتغير عادى شوية وتسخن لدرجة اننى اخدت المسافة من اسكندرية للقاهرة فى اكثر من 7 ساعات قولى المشكلة فين

[karemalmlege]

انا مهندس ميكانيكا هندسة القاهرة شغال فى توكيل ما تخصص فتيسات اوتامتيك وعضو فى ATRA and ATSG اى استفسار بخصوص الفتيس الاوتامتيك ومشلكلة اتفضل وانا حجاوبك

السلام عليكم باشمهندس

عربيتي بي ام دبليو ٣٢٠ موديل
2008
عندي مشكلة في ناقل الحركة الاتوماتيكي ظهرت رسالة
transmission Faulty
drive moderately possible to
continue journey Reduced
acceleration Have checked by nearest bmw service


ثم ظهرت رسالة علي جهاز كشف الأعطال
EGS:Shift valve B:stuck in off position


Clutch gears 12 3 and 4:neutral test

[mix.mido]

بسم الله الرحمن الرحيم

انا عربيتي ماتركس 2009 عامله 66000 ك . العربيه عند سرعة 100,000 صوتها يبقي عالي جدا جدا . ومهما ادوس بنزين السرعه ثابته ومش بتزيد . وانا قلقان جدا بصراحة النهارده 3 مره تعمل معايا كده . ارجو الرد من فضلك

[pop_king3]

يا ريت تقولي عملت ايه