بالونة فى الكاوتش

[mohamed 85]

السلام عليكم
ظهر لى بالونة فى الكاوش الامامى فى العربية الزيرو بعد حوالى 200 كيلو بس. عايز اعرف اعمل اية ويا ترى الضمان يغيرها ولا لأ. الحقيقة انى نزلت فى حفرة وانا ماشى حوالى سرعة 70 على الكورنيش. ياترى هو دة السبب ولا دة عيب صناعة. مهو مش معقولة من اول مطب تعمل كدة.
يا ريت حد يفيدنى اعمل اية عشان خايف وانا سايق.

[AMRPEGAS]

طب مش تقول عربيه نوعها ايه والكاوتش نوعه ايه ومقاسه كام
المطب بيعمل بلالين في مقاسات معينه من الكاوتش زي ال16 ال17 وفيه انواع بتتحمل وفيه انواع بتسلم علي طول

[mohamed 85]

العربية نوعها كيا سيد والكاوتش هانكوك جنط 16

[akmm]

اغلب القول انه بيكون عيب تصنيع في الكاوتش حتى مع السرعه المعقوله لحلتك ............. ولكن أيضا اغلب التوكيلات لاتضع ضمان على الكاوتش المركب في موديلاتها وحتى لو الضمان بيغطى الحاله بيقولوا مش عيب تصنيع ولكن سؤ استخدام ................ المهم حاول مع التوكيل ومتقولش على موضوع الحفره ولو غيروه ماشى وان فشلت معهم وده الغالب حاول تشترى فرده جديده نفس المقاس والقطر لان البالونه في قمه الخطوره خاصه لو بتجرى شويه لانها ممكن تنفجر بالفرده وربنا يستر علينا وعليك ..

[mohamed 85]

اغلب القول انه بيكون عيب تصنيع في الكاوتش حتى مع السرعه المعقوله لحلتك ............. ولكن أيضا اغلب التوكيلات لاتضع ضمان على الكاوتش المركب في موديلاتها وحتى لو الضمان بيغطى الحاله بيقولوا مش عيب تصنيع ولكن سؤ استخدام ................ المهم حاول مع التوكيل ومتقولش على موضوع الحفره ولو غيروه ماشى وان فشلت معهم وده الغالب حاول تشترى فرده جديده نفس المقاس والقطر لان البالونه في قمه الخطوره خاصه لو بتجرى شويه لانها ممكن تنفجر بالفرده وربنا يستر علينا وعليك ..

شكراً للرد الحقيقة الواحد مضايق أوى الواحد دافع فلوس كتير عشان متقرفش فى التصليحات وفي الآخر يقولوا الضمان مش مغطيها

[A7medelfe2y]

اول حاجه تعملها دلوقتي انك تخلي فرده الكاوتش المعيوبه دي خلفي
بعد كدا حاول مع التوكيل
وفي الاخر هتشتريها علي حسابك والتوكيل مش هيعمل حاجه

[akmm]

شكراً للرد الحقيقة الواحد مضايق أوى الواحد دافع فلوس كتير عشان متقرفش فى التصليحات وفي الآخر يقولوا الضمان مش مغطيها

نقول الحمد لله .................... واى عربيه جديده بيظهر في مكوناتها اى شيء والحمد لله انها فرده كاوتش وعربيات كتيير من ماركات مختلفه حصلت ليها البلالين دى عادى وتقتلش فرحتك بالعربيه وتوكل على الله .