إعـــــــلان

Collapse

.

,
See more
See less

مشكلة فى كورونا الشاهين 2007

Collapse
X
 
  • Filter
  • الوقت
  • Show
Clear All
new posts

  • مشكلة فى كورونا الشاهين 2007

    السلام عليكم و رحمة الله و بركاته

    انا عندى عربية شاهين موديل 2007 و من حوالى تلت سنين الكورونا قفشت و انا ماشى و الحمد لله ربنا سترها .
    وقتها غيرت تروس الكرونا عند ميكانيكى قديم , على حسب ما اتذكر الكلام هو استخدم تروس فيات 132 و قاللى ان التصليح اللى عمله حيمشى العربية تلت سنين , و الحمد لله العربية كانت ماشية كويس و بعد تلت سنين فعلا بدأت اسمع خبط خفيف ورا عند المطبات و لما اهدى .
    و لما وديتها لميكانيكى رفعها و لقا الشدادات بتاعة المساعدين راحية فى داهية , ده غير انه كان شاكك فى الكرونا برده.
    المهم انه فك الدفرنس و كشف على الكورونا و قال انها عايزة تتغير .
    لما بصيت عليها ما لقيتش فيها حاجة متاكلة , مجرد خط رفيع و قصير فى واحد من التروس كان شبه الخدش .
    الميكانيكى قال انه معناه فى مشكلة فى الكورونا و الاحسن نغير الدفرنس بالكامل بواحد استعمال.
    انا من اسكندرية فرحنا انا و هو الاماكن المشهورة لقطع الغيار : شارع صلاح الدين - الفراهدة - الساعة - شارع العاشر من رمضان فى سيدى بشر و للأسف لقينا كل الاستعمال الموجود حالته تعبانة , حتى ما قدرناش نلاقى كورونا استعمال لوحدها او حتى كورونا تنفع تبقى بديل.
    الموضوع انتهى انى غيرت الشدادات بتاعة الدفرانس و الياى بتاع العجلتين اللى ورا و قفلت العربية على كده , العربية الخبط اللى فيها صوته قل و بقت ماسكة نفسها اكتر ,بس ظهرت مشكلة اكبر على السرعات 80 و طالع , انى لما اهدى شوية باسمع صوت خرط و زنة عالى جاى من ورا .
    الصوت ده مكنش موجود قبل كده , او على الاقل ما كنش عالى لدرجة انى الاحظه. بما انه غالبا جاى من الكورونا فانا حسيت انه خطر امشى بالعربية على الطرق السريعة لاحسن لا قدر الله الكورونا تقفش تانى و انا على الطريق السريع.
    حاليا المشكلة:
    - انى الاقى دفرنس\كورونا استعمال او كورونا جديدة حتى بس أصلى التركى, لان تقريبا اللى فى السوق صينى و هى اصلا طقم التروس.
    -كان فيه تاجر قطع غيار من الفراهدة قال لنا ان قطع غيار الشاهين الاستعمال الكويسة بتتباع فى كفر الدوار بس مش عارف ابدأ منين و ادور فين.
    - هل الاحسن فعلا اغير الدفرنس كله ؟ ولا اغير الكورونا فقط ؟
    الميكانيكى اللى صلحها اول مرة كان قال ان معظم الصنايعية ما بتعرفش تركب الكورونا كويس و بالتالى بيطلبوا الاسهل و هو تغيير الدفرانس كله , مش عارف المعلومة ده صح ولا لأ , بس حتى هو لما غير الكورونا اول مرة مكنتش مظبوطة و اضطر يعدلها مرة تانية , انا عايز احل المشكلة من جذورها , فى نفس الوقت مش عايز موضوع الكورونا يأثر كتير على تمن العربية فمحتاجه يخلص بشكل كويس .

    اتمنى اسمع خبراتكم و ارائكم و الله المستعان.

  • #2
    انزل القاهرة عزبة شلبى هتلاقة كرونا الشاهين موجودة بس معرفش سعرها كام موجودة جديدة واستيراد وهتلاقى بتاعت ال 31 برضوا

    Comment


    • #3
      دفرانس كامل ياباني افضل
      [SIGPIC][/SIGPIC] ياتقول كلام في محله يا تقول حلو ياحلو
      [url]/photos/a.879931698703941.1073741827.879900435373734/879931905370587/?type=1[/url]

      Comment


      • #4
        أدخل حضرتك قسم لادا أو الفيات مش فاكر، كنت قريت موضوع كبير و يمكن بالصور إن في خراطين بيركبو قطع غيار جديدة للكرونة البايظة. أنا كان عندي 131 و الكورونا نعرة قمت غيرتها بدفرنسيل كامل إستيراد و كعيت ساعتها 2300 جنيه في 2007 و حياتك شهرين و التالت و الكورونا إلي دفعت فيها دم قلبي جعرت تاني! بعت العربية بعديها على طول. دور بمزاج و إنت هتلاقي الموضوع.

        Comment


        • #5
          يمكن الموضوع كان برد في قسم آلات الجر

          Comment

          Working...
          X