Tweet
السلام عليكم
كان عندي مشكلة من فترة كتبت عنها في الموضوع ده: إحساس رجرجة في الطلعة، يا ترى عيب ايه؟
و المشكلة تتلخص في الآتي:
1- رجرجة في الطلعة:
- ليس لها علاقة بطول المشوار أو سخونة أو برود. يعني أحياناً ألاحظها و أنا خارج بالعربية الصبح. و أحياناً أثناء مشوار طويل
- بتزيد مع التحميل (ركاب، مطلع، بدء الحركة في ملف حاد)
أكثر مرة عانيت منها نفسياً لما كنت في جراج مول البستان و أنا طالع الدور الرابع لقيت عربية قافلة الطريق بعد المطلع بالضبط فاضطررت أوقف العربية على المطلع ده لحد ما اللي قدامي مشي. و أتت اللحظة الحاسمة و هي بدء الحركة على هذا المطلع. كمية رجرجة و أصوات ليس لها مثيل. و أصلاً الجراج ده بيضخم الأصوات بصورة ملحوظة
- مؤخراً بقيت أتحكم فيها عن طريق زيادة البنزين و طول فترة التحميل على الدبرياج
2- صوت عالي (نعير) له رنة معدنية و يظهر عند RPM عالي و العربية محملة فقط. يعني لو أنا على الرابع و عايز أزود عن 90كم/س يظهر الصوت. و بيظهر على كل النقلات بعد عدد لفات موتور معين. لو راكب لوحدي مش بيظهر خالص. الصوت ده ظهر مؤخراً و تزامن مع تغيير الشكمان. فاتلخبطت بين صوت العلبة الجديدة و الصوت ده بصراحة افتكرته من علبة الشكمان
قلت في الأول ده عيب دبرياج. نظراً للرجرجة دي و خاصة أن الدبرياج ما طلعش من العربية من 10 سنين. ماعرفش عمل كام كيلو بالضبط. لكن أعراض الديسك لم تكن موجودة. لما أجرب أطلع بالعربية على الرابع و فرامل اليد مرفوعة الموتور بيطفي، السحب كان كويس و صوت الموتور مش بيعلى للدرجة يعني
رحت للميكانيكي المخضرم بتاعنا طالباً صيانة العفشة. و قلت لابنه بالمرة على مشكلة الدبرياج دي فجرب العربية و ركبت جنبه و طلع بالعربية و وقف. و قال: "مافيش مشكلة. دي مش اسطوانة خالص" قلت له يجرب في مطلع، راح وقف على مطلع و داس بنزين و طلع عادي خالص
خليته بينزل العفشة و الدركسيون و كده. و رحت لأبوه و رصيت له أعراض الدبرياج فالموضوع قام في دماغه و أعطى تعليماته برفع الموتور بعد انتهاء صيانة العفشة. المهم رفع الموتور و فك، طلع الأسطوانة، و بص على الحدافة. و بعد الفحص بعينه و بتمرير يده إلخ..
ابتسم ابتسامة الرضا. مسك الأسطوانة من جهة الحدافة و قال لي شوف، شوف و شاور كمان على الحدافة (الفولام بتفخيم اللام) و قال لي شوف، شوف.
ممممممم
(لو ماعرفتش العيب من الصور في تآكل في مسامير الأسطوانة من جهة الحدافة فقط و يظهر في الصورة الأوى بوضوح عند الساعة 9 و يقل بالتدريج حتى يختفي عند الساعة 1 ، الحدافة ظاهر فيها التآكل عند الساعة 5 و 6 تقريباً)
أنا: طيب ده من إيه، يعني الأسطوانة كانت راكبة و مش متوسطنة كويس؟
الأسطى: لأ، الفولام (بتفخيم اللام) هنا فيه عالي و واطي
كل اللي عمله أنه فك الحدافة و راح بيها للمخرطة و قشط في الحدافة من الداخل بعمق حوالي 2مم. كام يا عم الخراط؟ 5 جنيه يا بيه. شكراً
ركب كل حاجة تاني. عفشة و دركسيون و فرامل و موتور الشغل ده خد تقريباً 5 ساعات. طلعت بالعربية على ضبط الزوايا و استنيت هناك كمان ساعة عشان الزحمة. بعدين جربت العربية لقيت كله تمام. قلت ممكن باضحك على نفسي. روحت البيت مش شايف قدامي طبعا
انتظرت الفرصة اللي أجرب فيها العربية و هي محملة و قد كان. 4 في الكنبة + 1 قدام جربت أطلع و أقف. أطلع و أقف. و مشينا مثلاً على 120-130 بدون أي رجرجة و لا نعير
أخيراً
إيه رأيكم
كان عندي مشكلة من فترة كتبت عنها في الموضوع ده: إحساس رجرجة في الطلعة، يا ترى عيب ايه؟
و المشكلة تتلخص في الآتي:
1- رجرجة في الطلعة:
- ليس لها علاقة بطول المشوار أو سخونة أو برود. يعني أحياناً ألاحظها و أنا خارج بالعربية الصبح. و أحياناً أثناء مشوار طويل
- بتزيد مع التحميل (ركاب، مطلع، بدء الحركة في ملف حاد)
أكثر مرة عانيت منها نفسياً لما كنت في جراج مول البستان و أنا طالع الدور الرابع لقيت عربية قافلة الطريق بعد المطلع بالضبط فاضطررت أوقف العربية على المطلع ده لحد ما اللي قدامي مشي. و أتت اللحظة الحاسمة و هي بدء الحركة على هذا المطلع. كمية رجرجة و أصوات ليس لها مثيل. و أصلاً الجراج ده بيضخم الأصوات بصورة ملحوظة
- مؤخراً بقيت أتحكم فيها عن طريق زيادة البنزين و طول فترة التحميل على الدبرياج
2- صوت عالي (نعير) له رنة معدنية و يظهر عند RPM عالي و العربية محملة فقط. يعني لو أنا على الرابع و عايز أزود عن 90كم/س يظهر الصوت. و بيظهر على كل النقلات بعد عدد لفات موتور معين. لو راكب لوحدي مش بيظهر خالص. الصوت ده ظهر مؤخراً و تزامن مع تغيير الشكمان. فاتلخبطت بين صوت العلبة الجديدة و الصوت ده بصراحة افتكرته من علبة الشكمان
قلت في الأول ده عيب دبرياج. نظراً للرجرجة دي و خاصة أن الدبرياج ما طلعش من العربية من 10 سنين. ماعرفش عمل كام كيلو بالضبط. لكن أعراض الديسك لم تكن موجودة. لما أجرب أطلع بالعربية على الرابع و فرامل اليد مرفوعة الموتور بيطفي، السحب كان كويس و صوت الموتور مش بيعلى للدرجة يعني
رحت للميكانيكي المخضرم بتاعنا طالباً صيانة العفشة. و قلت لابنه بالمرة على مشكلة الدبرياج دي فجرب العربية و ركبت جنبه و طلع بالعربية و وقف. و قال: "مافيش مشكلة. دي مش اسطوانة خالص" قلت له يجرب في مطلع، راح وقف على مطلع و داس بنزين و طلع عادي خالص
خليته بينزل العفشة و الدركسيون و كده. و رحت لأبوه و رصيت له أعراض الدبرياج فالموضوع قام في دماغه و أعطى تعليماته برفع الموتور بعد انتهاء صيانة العفشة. المهم رفع الموتور و فك، طلع الأسطوانة، و بص على الحدافة. و بعد الفحص بعينه و بتمرير يده إلخ..
ابتسم ابتسامة الرضا. مسك الأسطوانة من جهة الحدافة و قال لي شوف، شوف و شاور كمان على الحدافة (الفولام بتفخيم اللام) و قال لي شوف، شوف.
ممممممم
(لو ماعرفتش العيب من الصور في تآكل في مسامير الأسطوانة من جهة الحدافة فقط و يظهر في الصورة الأوى بوضوح عند الساعة 9 و يقل بالتدريج حتى يختفي عند الساعة 1 ، الحدافة ظاهر فيها التآكل عند الساعة 5 و 6 تقريباً)
أنا: طيب ده من إيه، يعني الأسطوانة كانت راكبة و مش متوسطنة كويس؟
الأسطى: لأ، الفولام (بتفخيم اللام) هنا فيه عالي و واطي
كل اللي عمله أنه فك الحدافة و راح بيها للمخرطة و قشط في الحدافة من الداخل بعمق حوالي 2مم. كام يا عم الخراط؟ 5 جنيه يا بيه. شكراً
ركب كل حاجة تاني. عفشة و دركسيون و فرامل و موتور الشغل ده خد تقريباً 5 ساعات. طلعت بالعربية على ضبط الزوايا و استنيت هناك كمان ساعة عشان الزحمة. بعدين جربت العربية لقيت كله تمام. قلت ممكن باضحك على نفسي. روحت البيت مش شايف قدامي طبعا
انتظرت الفرصة اللي أجرب فيها العربية و هي محملة و قد كان. 4 في الكنبة + 1 قدام جربت أطلع و أقف. أطلع و أقف. و مشينا مثلاً على 120-130 بدون أي رجرجة و لا نعير
أخيراًإيه رأيكم
Comment