الحقوني يا جماعه انا بسمع طقطقه لما بلف

[aymoonoo]

الحقوني يا جماعه انا بسمع طقطقه لما بلف يمين ويسار لما بلف الدريكسيون فالسامين وعاليسار وعندي الكوبلين بيطقطق بس مش لما الف لفات حاده يعني لما الف يو تيرن وارجع عندنا فالهرم مش بسمع طقطقه للكوبلين بس بسمع طقطقه كده فالديريكسون نفسه انا معايه سويفت يمكن صحاب لسويفت هيعرفو ده ايه مشكله فالعفشه؟

[mrghost]

كده دى اكيد طقطقه من الكوبلن والله اعلم وممكن يكون برضه فى حاجه فى علبة الدركسيون

[aymoonoo]

مش عارف بس انا بيتهيألي الطقطه بتنسمع من يره مش من جوه انا مش بسمع الطقطه انا بحسها

[samirayad]

مش شرط أن الكبلن يطقطق فقط مع اللفات الحاده .......ممكن برضه مع الدورانات نظرا لسوء حالته........وبرضه حتعرف وتتأكد لو كنت مابتابعش كوتش الكبلن ولقيته تالف...

- وممكن توضح برضه ظروف الحاله بتفصيل وأيضاح أكتر لجزم الأمر.....

..

[mahmmoud1980]

ده كوبلن حصلت لي قبل كده وممكن تشحمه وخلاص وهو هيشتغل حلو عن تجربه

[Maged_Samy]

طبعاً كبالن حاول تكشف على الشحم وكاوتش الكبالن ولو منفعش يبقى لازم تغير الكبالن

[aymoonoo]

انا مغير الكبالين من شهرين تقريبا بس الصراحه مش بكشف عليها والصوت ده زعجني خالص مش فالفات
ده طول الوقت اي لفه بس الي انا مستغربله انه الكوبلين وحتا وانتا ماشي انا هنا مش بحس بيه غير لما الف بس وانا ماشي عادي مفيش صوت انا لازم انزل عند عفشجي كويس حد يعرف واحد نضيف وحنين فالهرم او قريب من الهرم؟؟

[galalology]

ممكن تكون كبالن او ممكن يكون (ماستر الفرامل) فى مشكله ساعات تسمع بسببه صوت زى صوت طقطقه الكبالن

والف سلامه على العربيه :)

[ahmedsamir79]

أكيد كبالن

[aymoonoo]

يا جماعه شكرا قوي على الردود بس انا اساسا بروح عند واحد فالسيده زينب هوا تقريبا شاطر بس غاليييييييييييي قوي قلت خليني اغير او اشوف عند حد تاني رحت عند واحد قالي المقصات بس انا مقتنعتش لما رجعتلو تاني الي فالسيده هوا اساسا لما غيرت عفشة العربيه كان عملي عند الخرطه جلب المقصات عشان انا كنت جبت الجلب الأصليه ومركبتش مش عارف ليه والمفروض المقص هوا بتاع العربيه فهوا عملهملي عند المخرطه اول مرحت وركب جمبي خدنا لفه وقالي دول الجلب الي خرطناهم من 4 شهور باظو ولازم تجبلي الأصلي او هتغير المقصات انا مش عارف اسمع كلام مين فيهم ؟؟ انا فحيره هل لو غيرت الجلب وخلاص هيكون كفايه ولا اغير المقصات وخلاص؟؟وهما سعرهم كام الجلب او المقصات؟

[M.Mostafa80]

بص حضرتك هقولك على حاجه تعرف بيها أذا كانت جلب مقصات ولا لأ
أرفع العربيه جنب جنب من قدام وخلى العجل فى وضع مستقيم وأمسك العجله سورى كأنك هتحضنها وحركها لقدام ولورا لو راحت وجت معاك يبقى يعوض ربنا عليك فى الجلب الى لسه عاملهم أما لو مراحتش وجت يبقى كده سيادتك العيب فى الكبالن بالرغم من أنك بتقول لسه مغيرهم للأسف المضروب كتير بس هل فى طقطقه معاك وأنت ماشى عدل بردو ولا أيه
وسؤال تانى حضرتك كنت مغير كبالن داخليه ولا خارجيه

[ahmad5997]

بص حضرتك هقولك على حاجه تعرف بيها أذا كانت جلب مقصات ولا لأ
أرفع العربيه جنب جنب من قدام وخلى العجل فى وضع مستقيم وأمسك العجله سورى كأنك هتحضنها وحركها لقدام ولورا لو راحت وجت معاك يبقى يعوض ربنا عليك فى الجلب الى لسه عاملهم أما لو مراحتش وجت يبقى كده سيادتك العيب فى الكبالن بالرغم من أنك بتقول لسه مغيرهم للأسف المضروب كتير بس هل فى طقطقه معاك وأنت ماشى عدل بردو ولا أيه
وسؤال تانى حضرتك كنت مغير كبالن داخليه ولا خارجيه

بعد اذنك استفسار
يحضن العجلة ويحركها ل قدام وورا ازاي ؟(يعني في اتجاة سير العجلة العادي حولين مركزها وهي اكيد هتتحرك لو العربية ممورة ولا لجوة العربية ولبرة)
واستفسار تاني معلش هو في كوبلن داخلي وخارجي (المعروف هو الكوبلن بمكوناته انما اول مرة اسمع عن الداخلي والخارجي ده)

[samirayad]

انا مغير الكبالين من شهرين تقريبا بس الصراحه مش بكشف عليها والصوت ده زعجني خالص مش فالفات

طالما لسه مغير الكبالن قريب .....ممكن يكون الصوت بسبب تلف البطاحات والبلى بتاعها بقه مفروم وعاوز يتغير(وانا متوقع حاليا ذلك )

[aymoonoo]

يا جماعه شكرا قوي على الردود بس انا اساسا بروح عند واحد فالسيده زينب هوا تقريبا شاطر بس غاليييييييييييي قوي قلت خليني اغير او اشوف عند حد تاني رحت عند واحد قالي المقصات بس انا مقتنعتش لما رجعتلو تاني الي فالسيده هوا اساسا لما غيرت عفشة العربيه كان عملي عند الخرطه جلب المقصات عشان انا كنت جبت الجلب الأصليه ومركبتش مش عارف ليه والمفروض المقص هوا بتاع العربيه فهوا عملهملي عند المخرطه اول مرحت وركب جمبي خدنا لفه وقالي دول الجلب الي خرطناهم من 4 شهور باظو ولازم تجبلي الأصلي او هتغير المقصات انا مش عارف اسمع كلام مين فيهم ؟؟ انا فحيره هل لو غيرت الجلب وخلاص هيكون كفايه ولا اغير المقصات وخلاص؟؟وهما سعرهم كام الجلب او المقصات؟

اهو انا الي كتبته انا رحت عند العفشجي وهوا عمل الي قلت عليه حضنها وكدا وعلى فكره انا امبارح فتحت باب العربيه وحطيت رجلي جوه العربيه ووقفت على الدواسه وبقيت ادوس فالعربيه واهز فيها طول منا بهز بطلع صوت كنت بهزها يمين وشمال كانت بطلع صوت من تحت زي لما تيجي تحرك حديده وتكون قديمه ومصديه وطلع صوت وهيا بتتحرك
اتمنى وصفي تفهمي منو حاجه

[ahmedbasto]

اكشف على الكوبلن لان مفيش غيره هو اللى يعمل كدة