مساعده عاجله بخصوص شيري qq

[amir]

شباب
عربيه شيري اوتوماتك موديل 2006
العربيه مره واحده مش عايزه تجيب غير الاول و المارشدير
العربيه دلوقتي نوديها لمين و فين و تتكلف قد ايه و ايه ممكن يكون سبب الموضوع ده
معلش يا جماعه بس محتاج اجابات بسرعه شويه

[ابو سيف]

اظن ان افضل مكان تودديها له هو التوكيل و ان شاء الله هتطلع حاجة بسيطه و على الاقل لو لسه في الضمان تتغير على الضمان

[amir]

العربيه ضمانها خلص
انا عايز اعرف سبب العيب و تكلفه اصلاحه و عند مين ميكانيكي مثلا ولا حد بتاع اوتوماتك ولا ايه
و شكرا ليك علي الاستجابه السريعه

[ehab4367]

جرب الاول فى التوكيل لانة حيفهم احسن
لو لقيتة غالى اوى اسال على حد يفهم فى النوع دة بالزات
مع الشكر

[amir]

شكرا انا رحت لميكانيكي ثقه و قالي البالفات(غالبا الفالفات) بتاعت الاوتوماتك
و قالي اروح في عين الصيره قصاد البنزينه بعد كوبري السيده عائشه في واحد هناك بتاع اوتوماتك
و حاليا العربيه في الطريق اليه
التكلفه الميكانيكي قالي حوالي 800-900 جنيه

[sasatony]

ربنا معاك انا مش بفهم في الميكانيكا
بس ان شاء الله الاعضاء هيفيدوك
وربنا يصبرك وتعدي المشكلة علي خير وتطلع بسيطة

[samirayad]

دا عيب فى الفتيس الأوتوماتيك ......وممكن يكون فى السيلكتور سويتش (عصاية أختيار السرعه )......أو فى الــــــــvalve Body بتاع حارات الزيت.........وممكن مبدئيا تكشف على زيت الفتيس والفلتر (لو كان الفتيس بفلتر خارجى ).....أو المصفه بتاعة الزيت اللى داخل الكرتير بتاع الفتيس (لو لم يكن هناك فلتر خارجى لزيت الفتيس ).......لأن ممكن يكون ضغط الزيت ضعيف لسرعات النقل الكبيره والفتيس شغال على السرعات البطيئه زى الأول والمارشدير (وأنا أتوقع ذلك ) وده الأسهل حاليا وبرضه أطمن على جودة دورة تبريد زيت الفتيس على الردياتير (ليكون فيه سدد ومؤثر على سريان الزيت من والى الفتيس )...........................مع دعواتى لك بالتوفيق

[A. Ibrahim]

شباب
عربيه شيري اوتوماتك موديل 2006
العربيه مره واحده مش عايزه تجيب غير الاول و المارشدير
العربيه دلوقتي نوديها لمين و فين و تتكلف قد ايه و ايه ممكن يكون سبب الموضوع ده
معلش يا جماعه بس محتاج اجابات بسرعه شويه

انا كان حصل معايا موقف قريب من كده العربية ماكنتش بتجيب مرشيدار و رحت لميكانيكي عندي في الشغل و بعد ما فك الفيتيس كله و راجع علي كل حاجة طلع العيب من البرميل و هو عبارة عن جزء في بداية دخول وصلة عصاية الفيتيس الي داخل الجير بوكس و كان في حالتي البرميل واسع او بمعني تاني اتاكل و كل اللي عمله استبدله من عربية تانية و ماكنتش نفس الموديل و لا الماركة و لا حتي سنة الصنع كل اللي بيعمله البرميل انه بيوجه او بيحدد حركة الوصلة و عشان كده دايما لما البرميل بيوسع او بيبوص بيبقي المشكلة في الكرسي الاول و الاخير شوف حد بتاع فتايس كويس و يا ريت يكون جنب حد بتاع قطع غيارمستعمل عشان مفيش منه جديد

[mo7a_mo7a]

دا جيير بوكس
روح التوكيل اضمن

[A. Ibrahim]

انا كان حصل معايا موقف قريب من كده العربية ماكنتش بتجيب مرشيدار و رحت لميكانيكي عندي في الشغل و بعد ما فك الفيتيس كله و راجع علي كل حاجة طلع العيب من البرميل و هو عبارة عن جزء في بداية دخول وصلة عصاية الفيتيس الي داخل الجير بوكس و كان في حالتي البرميل واسع او بمعني تاني اتاكل و كل اللي عمله استبدله من عربية تانية و ماكنتش نفس الموديل و لا الماركة و لا حتي سنة الصنع كل اللي بيعمله البرميل انه بيوجه او بيحدد حركة الوصلة و عشان كده دايما لما البرميل بيوسع او بيبوص بيبقي المشكلة في الكرسي الاول و الاخير شوف حد بتاع فتايس كويس و يا ريت يكون جنب حد بتاع قطع غيارمستعمل عشان مفيش منه جديد

اسف انا كنت فاكرها منول:k10:

التوكيل سيئ و اعتقد احسن تشوف حد في الحرفين يكون معروف و كويس

[tmedhat]

فية واحد فى شارع احمد سعيد متفرع من رمسيس بيشتغل فى الفتيس الاوتوماتيك
روح لة دة متخصص فتيسات بس