رعشة جامدة في اللانسر

[MaaG]

العربية يا جماعة جننتني ، فيها رعشة غريبة بتشتغل لما أكود جايب ال D و دايس فرامل و العربية واقفة أو مركب أي غيار و العربية واقفة (العربية لانسر 2003 أوتوماتك )
يا ريت لو حد يعرف حاجة عن المشكلة دي يفدني ، و شكرا .

[Ahmad]

غير قاعدة الفتيس :)

[Ahmed_shebl]

نفقس المشكلة فى الكيا سيفيا 99 بس مش جامد اوى ,المرايات بتتهز جامد

[ahmed_h_g]

أنا كان عندى نفس المشكله كان السبب الجنط اليمين معووج ومش باين غير على ماكينة ترصيص أو ممكن فردة الكاوتش فيها جنب عالى وجنب واطى فى نفس الكافر

[caysersosaih]

جنط اية بس الراجل بيقولك العربية واقفة

[samirayad]

واضح أن الرعشه دى بسبب حدوث خلل فى كنترول المكنه وقت السلانسيه.......وبالذات مع تعشيق الفتيس الأوتو........لأنه بيكون واضع السيلكتور سويتش على الوضع D بمعنى فيه نقل حركه للتورك كونفرتر بتاع الفتيس ......

_ ونظرا لأننى مش عارف شكل المحرك.......ولكن كتحليل نظرى ....المشكله هو تواجد خلل فى عملية التحكم.....على أساس المفروض وحدة التحكم تقوم بتزويد فتحة بلف الأيدل وتزويد زمن ضخ البنزين لتعويض الفقد المسحوب من المكنه وقت السلانيه بعد تعشيق الفتيس...................

_ وأعتقد الخلل ده ملوش دعوه حاليا بنظافة بلف الأيدل (لأن المكنه مابترعش لو الفتيس مفصول على الوضع Nأو P )

- وحاليا ينصح بنظافة الأتصال الأرضى لوحدة التحكم والبطاريه لرفع كفاءة عملية التحكم........وبالنسبه لنظافة بلف الأيدل أو البوابه فلن تخسر شيئا....وده أجراء صيانه وقائى والمفروض بيتعمل حتى لو الأمور بتسير على الوجه الأكمل .....علشان كده ممكن يتعمل برضه لأن ده وضع صيانه وقائى عادى كما سبق وبينت........

_ ولكن الخلل الأساسى فى جودة التحكم....................

_ طبعا كل الكلام على أساس أن المحرك حقن ألكترونى كامل.........هذا والله أعلم

[ahmed_h_g]

جنط اية بس الراجل بيقولك العربية واقفة

أسف مخدتش بالى

[tmedhat]

ممكن تعللى الايدل بتاع العربية شوية و تجرب كدة
وإن شاء الله حتدعيلى

[Ahmed_shebl]

واضح أن الرعشه دى بسبب حدوث خلل فى كنترول المكنه وقت السلانسيه.......وبالذات مع تعشيق الفتيس الأوتو........لأنه بيكون واضع السيلكتور سويتش على الوضع D بمعنى فيه نقل حركه للتورك كونفرتر بتاع الفتيس ......

_ ونظرا لأننى مش عارف شكل المحرك.......ولكن كتحليل نظرى ....المشكله هو تواجد خلل فى عملية التحكم.....على أساس المفروض وحدة التحكم تقوم بتزويد فتحة بلف الأيدل وتزويد زمن ضخ البنزين لتعويض الفقد المسحوب من المكنه وقت السلانيه بعد تعشيق الفتيس...................

_ وأعتقد الخلل ده ملوش دعوه حاليا بنظافة بلف الأيدل (لأن المكنه مابترعش لو الفتيس مفصول على الوضع Nأو P )

- وحاليا ينصح بنظافة الأتصال الأرضى لوحدة التحكم والبطاريه لرفع كفاءة عملية التحكم........وبالنسبه لنظافة بلف الأيدل أو البوابه فلن تخسر شيئا....وده أجراء صيانه وقائى والمفروض بيتعمل حتى لو الأمور بتسير على الوجه الأكمل .....علشان كده ممكن يتعمل برضه لأن ده وضع صيانه وقائى عادى كما سبق وبينت........

_ ولكن الخلل الأساسى فى جودة التحكم....................

_ طبعا كل الكلام على أساس أن المحرك حقن ألكترونى كامل.........هذا والله أعلم

بلف الايدل ده موجود فيين و تنضيفه بكام و اى حد يفهم فييه.......
انا عندى ساعات بتتهز و هى على الوضع N

[ahmed azab]

نفس المشكلة لا حظتها ايضا في لانسر 2002
ولللعلم هي كربراتير مش حقن

[samirayad]

نفس المشكلة لا حظتها ايضا في لانسر 2002
ولللعلم هي كربراتير مش حقن

ياعنى هاف أنجكشن ولا كربوراتير عادى (لأن الهاف برضه فيه كربوراتير )

[samirayad]

نفس المشكلة لا حظتها ايضا في لانسر 2002
ولللعلم هي كربراتير مش حقن

ياعنى هاف أنجكشن ولا كربوراتير عادى (لأن الهاف برضه فيه كربوراتير )....وسورى على التكرار فى الأرسال

[khalidsdk]

اكشف على قواعد الموتور والفتيس والشداد ممكن تكون فيهم قعده مكسورة أو شداد مكسور

[pro_samir]

كانت بتحصل معايا ساعات وكانت العربية متبرجلة بسبب ان الكهربا مش متظبطة والرشاشات برضو لو مش نضيفة ممكن تعمل الموضوع دة وكذلك أى مشكلة فى المكنة بتأثر على الأحتراق او عدد لفات الموتور ، وبتبان اكتر والrpm واطى

الرعشة دى أشبة بالعربيات القديمة وهيا واقفة تلاقيها بتترجرج كدة لكن لو زودت بنزين العربية بتتظبط وكان بيبقى حلها انك تعلى العربية شوية

[tmedhat]

منا كنت بقول العربية عاوزة تعلى شوية
عليها شوية من مسمار الاكساراتير و جرب
دة موضوع بسيط جدا
وجرب