إعـــــــلان

Collapse

.

,
See more
See less

دايو اتوماتيك

Collapse
X
 
  • Filter
  • الوقت
  • Show
Clear All
new posts

  • دايو اتوماتيك

    سيارتي لانوس اتوماتيك موديل 98 وعاملة معايا 150000 كم والحمد لله شغالة معايا كويس بس عندي مشكلة تعباني شوية في الفتيس الأوتوماتيك بتاعها وهي اني لما أبدأ السير من الوقوف في اي مكان اجد احيانا عند وصول السيارة الي 40 كم/ساعة ان لفات الموتور تفضل تزيد والسرعة تثبت وصوت الموتور يعلي اوي خصوصا في المطالع فبأضطر قبل ما يحصل ده اني اشيل رجلي من علي دواسة البزين وارجعها تاني فتنضبط السيارة قبل ما يحدث هذا الفعل وغيرت زيت الفتيس ومع ذلك ظلت السيارة كماهي فممكن اعرف ايه الحل او ترشدوني لأحد الفنيين المهرة في الفتيس الأتوماتيك وشكرا لكم جميعا
    رد باقتباس

  • #2
    وغيرت زيت الفتيس ومع ذلك ظلت السيارة كماهي فممكن اعرف ايه الحل
    معلش فيه سؤال لما غيرت زيت الفتيس المره السابقه .......كان لونه أسود مثلا

    Comment


    • #3
      المشاركة الأصلية كتبت بواسطة samirayad مشاهدة المشاركة
      معلش فيه سؤال لما غيرت زيت الفتيس المره السابقه .......كان لونه أسود مثلا
      لون الزيت كان احمر بس غامق شوية عن الجديد طبعا

      Comment


      • #4
        طيب ماتغير فلتر الزيت بالمره .....وأطمن برضه على كفاءة سربتينة تبريد الزيت .........وجرب لأن كده الكلاتشات كويسه طالما الزيت القديم كان كويس كده

        Comment


        • #5
          علي فكرة انا غيرت الفلتر عند تغيير الزيت ومازالت المشكلة موجودة

          Comment


          • #6
            طيب سرعة السلانسيه عندك كام تقريبا.......أعتقد أنها عاليه

            Comment


            • #7
              المشاركة الأصلية كتبت بواسطة samirayad مشاهدة المشاركة
              طيب سرعة السلانسيه عندك كام تقريبا.......أعتقد أنها عاليه
              اولا انا شاكر جدا لإهتمام حضرتك بالرد وثانيا سرعة السلانسيه تقريبا 800 او 850 أر بي ام

              Comment


              • #8
                هى السلانسيه كده عشره على عشره......
                _ياريت بقه تعمل الحاجتين دول ومش حيكلفوك شىء يذكر
                1_ تسليك ونظافة الردباتير ....وبالذات سربنتينة زيت الفتيس
                2- ضبط مستوى الزيت جيدا.....ويفضل على الساخن........لأننى أعرف أن عصاية القياس عليها مقاسين (بارد وساخن ) فى بعض الأنواع ومش عارف هل عندك نفس النظام (واعتقد حيكون كده برضه )

                Comment


                • #9
                  زى ما مهندس سمير قال لك : ابدا بالأشياء الآتية

                  1- تسليك الردياتير
                  2-ضبط مسنوب الزيت( هو انا اعتقد ان اللانوس مافيهاش مقياس زيت للجير الأوتوماتيك لكنى مش متأكد)
                  3- خفض سرعة التباطؤ الى 700-750

                  لو ده مجابش نتيجة معاك اقترع عليك تراجع ضبط ال تى بى اس وتعمل learning للمحرك عند مركز لديه سكانر

                  لو ده مجابش نتيجة معاك يبقى نتكلم تانى ساعتها لأن مفيش داعى نكبر الأمور فى الوقت الحالى ودعنا نفترض الأحسن
                  [SIZE=5][COLOR=navy]سبعاوى[/COLOR][/SIZE]
                  _______________________________________________

                  Comment


                  • #10
                    اولا انا شاكر جدا للمهندس سمير والاستذ سبعاوي علي اهتمامهم بالرد علي مشكلتي ولكن لي استفسار وهو
                    1- سيادتك تقصد بضبط مستوي الزيت ، زيت الفتيس ولا زيت الموتور لأن عندي مستوي زيت الموتور مضبوط وبيبان عند قياسه والسيارة باردة أما زيت الفتيس مقياسه بيبان من خلال الطبة بتاعة الفتيس لذا ارجو توضيح الزيت المقصود
                    2- الاستاذ سبعاوي بيقترح اني اخفض سرعة السلانسية الي 700-750 مع ان المهندس سمير قاللي انها ممتازة فهل فعلا اقوم بتقليلها وكيف يمكنني عمل ذلك
                    3- كيف يمكنني عمل ضبط للتي بي اس وهل الLearning هو نفسه اللي بيتعمل لل Idle control وشاكر جدا جدا

                    Comment


                    • #11
                      - سيادتك تقصد بضبط مستوي الزيت ، زيت الفتيس ولا زيت الموتور لأن عندي مستوي زيت الموتور مضبوط وبيبان عند قياسه والسيارة باردة أما زيت الفتيس مقياسه بيبان من خلال الطبة بتاعة الفتيس لذا ارجو توضيح الزيت المقصود
                      طبعا يا أخى المقصود هو زيت الفتيس......ولا أعرف طريقة قياسه عندك (لأن سيارتى مانيوال ).....ولكن كان لى موضوع مع أخ لسياره تويوتا بفتيس أوتوماتيك وحينما تم ضبط المقاس للوضع الصحيح ....حدث تحسن فى آداء الفتيس لأن ببساطه شديده حينما يكون منسوب الزيت ناقص
                      _ الطلمبه بتسحب هواء من اللى موجود فوق الزيت مع الزيت وبكده بيقل ضغط تعشيق مراحل السرعه المختلفه....مما يعنى آداء غير جيد للفتيس......
                      _ ولما بيكون الزيت زياده....فأن مجموعة التروس الشمسيه (اللى جوه الفتيس ) وكذلك جميع العناصر الدواره......بتهيج الزيت وتلطش فيه وبكده بيحصل زى طرطشه والزيت يختلط برضه بالهواء اللى كان موجود فوق الزيت ...وبكده ضغط الطلمبه بيقل وبتحصل أعراض على آداء الفتيس شبيهه بحالة نقصان منسوب الزيت
                      _ ولو مش متاح عندك القياس .....ممكن تطلع على كتالوج الانوس .....وتقريبا فيه السعه فى حدود 5.4 لتر (تعبئه كامله للزيت بعد أنزال كل الزيت القديم ...حتى اللى كان فى السربنينه ).......
                      _وأنا عارف أنك غيرته.....بس أنت اللى عارف أنت حطيت زيت قد أيه وعلى أى وضع (ياعنى فضيت السربنتينه ساعتها ولا لا )
                      - الاستاذ سبعاوي بيقترح اني اخفض سرعة السلانسية الي 700-750 مع ان المهندس سمير قاللي انها ممتازة فهل فعلا اقوم بتقليلها وكيف يمكنني عمل ذلك
                      والله يا أخى أنا من معلوماتى المتواضعه شايف أن السلانسيه كده كويس........وأكيد أخونا المهندس : خالد عنده وجهة نظره اللى أستند أليها فى قوله.....وطبعا هو اللى حيوضح السبب أن شاء الله (وبالنسبه لى ....حتة أنزال السلانسيه عن كده مش متاحه عندى حاليا ).......وفى أنتظار رأى أخونا المهندس : خالد (لأننا كلنا بنكمل بعض والهدف هو صالح الجميع مش أكتر )
                      3- كيف يمكنني عمل ضبط للتي بي اس
                      هو الـ tps مبيتعملوش ضبط ولا حاجه (كل اللى ممكن تعمله لتحسيبن آداءه نظافة البوابه بتاعة المحرك )......ولكن لو شكينا فى جودة أشارته اللى رايحه لوحدة التحكم بيتم عمل أسكانر (علشان نشوفه كان مسجل عيب ولا لا .....ومش شرط اللمبه بتاعة الأعطال تنور ) على أساس ممكن يودى أشاره غلط وميكونش فاصل كليا .....يعنى آداء غير مظبوط فقط بسبب عيوب داخليه فى البوتنشيومتر بتاعه
                      الLearning هو نفسه اللي بيتعمل لل Idle control وشاكر جدا جدا
                      نعم .....ولك منى التوفيق

                      Comment


                      • #12
                        اعتقد ردود مهندس سمير وفت تماما بالنسبة لجزئية ضبط الزيت
                        انا فقط هضيف سبب تخفيض السلانسيه وضط التى بى اس لكى تكمل الصورة، هو بالفعل مفروض ان البيرفكت بتاع السلانسيه يكون فى حدود ال 800 rpm زائد او ناقص 50 آر بى ام، لكن تجربتى الشخصيه مع سيارتى ان تخفيض سرعة التباطوء الى حده الادنى ثم عمل learning للأيدل على هذة السرعة (الكثير السيارات تقوم بعمل ليرننج للأيدل تلقائيا بعد تدويرها عدة مرات بعد ضبط الأيدل) يحسن تزامن نقلات الجير بوكس الى افضل حد ممكن، السبب انا مش قارد اوى اشرح فكرته الفيزيائية لكنها متعلقة بتزامن تفيذ الجير بوكس للنقلة مع نقل مود المحرك الى الأيدل، بالنسبة لضبط الأيدل فى السيارات ذات الحقن الألكترونى فهو يختلف من سيارة لأخرى، بعض السيارات (ومنها سيارتى الصنى)يمكن ضبطها يدويا+ الكترونيا( يوجد مسمار سلانسية يحدد نهاية مشوار باب الثروتل، بالاضافة الى امكانية ضبط سرعة التباطؤ على السكانر)، وبعض السيارات لا يوجد بها مسمار سلانسيه وبالتالى فأن الوسيلة الوحيدة لضبط سرعة السلانسيه هى السكانر، والنوع الثالث(لكنه ليس موضوعنا هنا لأن اللانوس ليست من هذا النوع الثالث بالتأكيد) هو المزود بدواسة بنزين وباب ثروتل كهربائيين وهذا النوع لا مجال للتدخل فيه بدون سكانر،

                        بالنسبة لضبط التى بى اس فبرضه يختلف بحسب تصميم المحرك، يوجد بعض انواع التى بى اس تكون ثقوب التركيب الخاصة بها على شكل مشقبية بيضاوية مثل هذا



                        وهذا يتيح تهوية المسامير قليلا وتحريك التى بى اس الى اليمين او اليسار قليلا لتغيير تعريف نقطة القفل الكامل ونقطة الفتح الكامل ودرجة فتح باب الثروتل وهذة اشياء يعتمد عليها الجيربوكس الاوتوماتيكى فى تحيدي موعد النقل بالاضافة الى مجموعة اخرى من البيانات تتعلق بالسرعة ودرجة التحميل على المحرك ...الخ

                        لكن توجد انواع اخرى مثل هذا



                        ليس لها مجال للريجلاش يمينا ويسارا وهذة بالفعل لا مجال سوى قياس دقه اشاره المقاومة المتغيرة الخاصة بها واستبدالها لو كانت غير دقيقة وهو ما افادنا به مهندس سمير
                        فحسب نوع التى بى اس بتاعك تقدر من منظره تعرف اذا كان بتظبط وللا لأ
                        [SIZE=5][COLOR=navy]سبعاوى[/COLOR][/SIZE]
                        _______________________________________________

                        Comment

                        Working...
                        X