مشكله لما بدوس على الفرامل

[HanyM]

انا معايا فيورا 85 , فيها مشكله لما بدوس على الفرامل و أنا على سرعات عاليه 70 فما فوق بحس فى دواسة الفرامل برجرجه فى العربيه و لما تنخفض السرعه الى أقل من الاريعيين تختفى الرجرجه مع أنى مغير طقم الفرامل كله فما هى المشكله ؟

[modygamal2000]

اعتقد ان فى مشكلة فى الطنابير لان المشكلة دى كانت عاندى و جبت اتنين استيراد و برضوا نفس المشكلة و ما اتحلتش الا باتين جداد و الرجرجة راحت خالص.

[ahmed_h_g]

طنابير أو ترصيص أو الكاوتش فيه عالى وواطى

[pedro732000]

طنابير أو ترصيص أو الكاوتش فيه عالى وواطى

بالظبط كدة الاول اطلع على حد بتاع كاوتش كويس ويكون امين عشان لو مفيش حاجة فى الكاوتش يقولك وشوف انت اخر مرة رصصة 4 عجلات امتى وغيرتهم مكان بعض امتى ولو كدة بالك اكتر من 20000كم خليه يرصص ويغير اماكن العجل مع بعضيهم
وبعد كدة وانت فاكك الكاوتش بص على الطنبورة اللى راكب عليها الكاوتش لازم الداير بتاعها يكون ناعم كله غير كدة ممكن تودى الطنبورة المعيوبة لمخرطة عشان يمسها لك
وابقى طمنا عملت ايه

[HanyM]

شكرا جزيلا على الردود

[immortality]

مشكلة طنابير غيرهم

[wardet]

الطنابير

[sniperfox]

ممكن تكون الطنبير وممكن تكون ديرت الفرامل فيها هوا خالى حد ياخدلك الهوا من ديرت الفرامل وبعد كدا لو لسه زى مهيا اطلع على المكنيكى يفكلك الطنبير وهات اتنين جداد عشان حتا لو جبتهم استيراد حيعملو نفس الموضوع الموضوع ده حصل مع واحد صحبى

[M.FOUAD]

المشكلة مادام مع الفرامل بس يبقى الطنابير عايزة تتخرط من غير ما تلف و لا توجع دماغك اما لو الرجة علطول من غير فرامل يبقى احتمال الترصيص معانا

[ahmedsamir79]

الطنابير يا باشا

[HanyM]

أنا حليت المشكله طلعت من المقصات كانت عايزه تتغير

[mooz55]

احسن حاجه انك تقول النتيجه النهائيه للموضوع ياريت كل الاعضاء يعملو كده

[mohamed777]

الحمد لله والف مبروك وربنا يبارك فيها

[Ahmed A Rahman]

'طيب المشكلة اني غيرت الطنابير اكتر من 3 مرات عشان نفس المشكلة
انا كل مشيي طريق سريع ولما بفرمل العربية بتترقص
مش عايز اموت بسبب طنابير مغشوشة

حد يعرف طنابير كويسة

[Fadi Ezzat]

طنابير ثم طنابير ثم طنابير