هزة غريبة مع الفرامل فوق ال 160

[ashouhdy]

شباب محتاج مساعدة عاجلة جدا :

امبارح وانا ع الساحلى كنت ماشى 170 تقريبا المهم دست فرامل جامد عشان اقف
لقيت
1) صوت الفرامل غريب تحس ان فى تخبيط جامد ع الطنابير و طنيين جامد
2)مهما ادوس الفرملة مش بتزيد
3)اضطريت اسيب و ادوس (اكارك) يعنى عشان فاعلية الفرامل تزيد زادت حاجة بسيطة جدا
4)من الاخر حسيت ان اللى بيمسك حديد فى حديد مش تيل و هزة غريبة فى الدركسيون مع كبسة الفرامل تحس كأنها هزة ذى ال abs كدة بس طبعا كلنا عارفين ان مافيهاش

يا ترى اية الاسباب مع العلم ان الفرامل حلوة جدا لحد 140 150 160 كمان
فوق السرعات دى لما اجى ادوس تحس ان فى هزة جامدة تحت مع الفرامل و المشاكل اللى قلتها فوق
و كشفت ع التيل لقيت لسة فية اكتر من الربع

ياريت حد يشاركنى لمعرفة السبب صحيح العربية فيرنا عاملة 27الف الكيلو2008 وعلى سرعات اقل العربية بتقفش و تقف كويس جدا
والكاوتش جديد لسة عامل 500كيلو و مرصص وكل حاجة و عملت نفس الحكاية دى برضة مع كاوتش الفابريقة وكانت لسة عاملة 12الف كيلو

[أبو إياد]

الحل انك ماتزودش السرعه عن 160 وده للامان

[ashouhdy]

الحل انك ماتزودش السرعه عن 160 وده للامان

طب اية اسباب الحكاية دى
هو اة مش بنزود فوق ال160 بس ممكن تكون محتاج تتخطى عربية فبتزود قليل يعنى فبتحصل الحكاية دى
والفكرة ان كنت ماشى لوحدى ع السكة وفوت الدخلة بتاعة القرية فبدوس عشان اقف حصل كدة دة يبقى اية
وطبعا شكرا انصيحتك و اهتمامك

[أبو إياد]

هو ع العموم العيب ده عيب طنابير اماميه وليها علاج بدل التغيير وهو انها تعاد خرطها عن طريق الخراط بتكلفه حوالى 50ج بالفك والتركيب

[ashouhdy]

هو ع العموم العيب ده عيب طنابير اماميه وليها علاج بدل التغيير وهو انها تعاد خرطها عن طريق الخراط بتكلفه حوالى 50ج بالفك والتركيب

خلاص انشاء الله حعمل كدة بس هو الخرط دة حيقلل من عمرها الافتراضى ولا اية هى على فكرة نزلة كدة لان الحكاية دى حصلت والعربية عاملة 12الف كيلو بس فممكن يكون عيب نازلة بية ولا هى الطنابير المصرى كدة !

[أحمد كمال]

الطنابير عايزة تتخرط يا معلم

اخرطها في التوكيل

انا خرطت طنابير اللانسر في التوكيل و هي في مكانها بجهاز خاص بياكل اقل من نص سنتي من سمك الديسك

يعني ماتخافش مش هيقلل الفعالية و لا حاجة

[ashouhdy]

الطنابير عايزة تتخرط يا معلم

اخرطها في التوكيل

انا خرطت طنابير اللانسر في التوكيل و هي في مكانها بجهاز خاص بياكل اقل من نص سنتي من سمك الديسك

يعني ماتخافش مش هيقلل الفعالية و لا حاجة

بجد و الله ريحتنى متشكر حروحلهم واشوف حيلبسونى كام مع انى فى الضمان لسة و برضوا اشوف خصم النايل موتورز :)))

[EslaM_NagY]

انا رأيى طالما فى السرعات العادية الفرامل كويسة يبقى سيبها كدة بلا خرط بلا لعب فى الطنابير.

[ashouhdy]

انا رأيى طالما فى السرعات العادية الفرامل كويسة يبقى سيبها كدة بلا خرط بلا لعب فى الطنابير.

لو الحكاية كلها و قفت على خمسين جنية نبقى نعملها ولا حتفتح بقها ؟

[أحمد كمال]

انا رأيى طالما فى السرعات العادية الفرامل كويسة يبقى سيبها كدة بلا خرط بلا لعب فى الطنابير.

لا طبعا

لان العيب ده معناه ان التيل عض في الديسكات

فمابقتش ناعمة

يعني سطحها ما بقاش مسطح بقى فيه "ريجة" بلغة الصنايعية


يعني الفرامل ممكن في مرة تخلي العربية تلف بيه

لو الحكاية كلها و قفت على خمسين جنية نبقى نعملها ولا حتفتح بقها ؟

في توكيل متسوبيشي عملوهالي ب 80


اعملها


دي حاجة تقليدية جدا مش هتفتح بق و لا ودن متخافش


هو جهاز عامل زي البراية بس على كبير شوية


بيبري الديسك بنعومة و بطء لحد ما سطج الديسك يبقى مستوي تماما

[ashouhdy]

ممكن تلف بيا !!!!!!!! لا دة انا اروح اعملة وش دة انا كل اسبوع بسافر
80 جنية ولا انها تلف بيا فى نص الطريق
ربنا يسترها علينا كلنا يارب

[BLACKVERNA]

نفس العيب دا كان عندى و رحت غيرتها فى مركز من مراكز الخدمة المعتمدة و للاسف رجعت تانى علشان البهوات ركبوا فيها مصرى برضه زى اللى كان فيها

و بعد كده رحت ابو رواش ( المهندس / عاطف عبد السميع ) و غيرت الاربع طنابير بس الكورى مش المصرى

انصحك انك تروح التوكيل و تقولهم يركبولك الكورى بس خلى بالك انك لازم تغير التيل الامامى كمان

و ابقى طمنى عملت ايه و لو عايز اى مساعدة كلمنى على الخاص

[ashouhdy]

نفس العيب دا كان عندى و رحت غيرتها فى مركز من مراكز الخدمة المعتمدة و للاسف رجعت تانى علشان البهوات ركبوا فيها مصرى برضه زى اللى كان فيها

و بعد كده رحت ابو رواش ( المهندس / عاطف عبد السميع ) و غيرت الاربع طنابير بس الكورى مش المصرى

انصحك انك تروح التوكيل و تقولهم يركبولك الكورى بس خلى بالك انك لازم تغير التيل الامامى كمان

و ابقى طمنى عملت ايه و لو عايز اى مساعدة كلمنى على الخاص

طب الكلام دة كلفك كام ؟ ولية مخرطتش ؟ و انا فى الضمان دلوقتى برضوا حدفع ولا لأ ؟؟ انا ممكن ادفع تمن التيل لكن الطنابير دة مش ذنبنا صح ولا اية ؟ ولو قاللى نطلع نجربها نجرب فين ع سرعات عالية عشان افهمة ؟؟
ولا اروح ع م/ عاطف ع طول

[أحمد كمال]

طب الكلام دة كلفك كام ؟ ولية مخرطتش ؟ و انا فى الضمان دلوقتى برضوا حدفع ولا لأ ؟؟ انا ممكن ادفع تمن التيل لكن الطنابير دة مش ذنبنا صح ولا اية ؟ ولو قاللى نطلع نجربها نجرب فين ع سرعات عالية عشان افهمة ؟؟
ولا اروح ع م/ عاطف ع طول

التيل و الطنابير مش في الضمان لانهم من المستهلكات

[theking2690]

الطنابير هتتغير فى الضمان طالما انت مغيرتش تيل فرامل قبل كده بره التوكيل و انما التيل هيكون على حسابك