مشكله بعد تغيير الكاوتش

[amr_shn]

انا غيرت الكاوتش و جبت Prielli P300 مقاس 175/70/13 وكان عندى 185/65/13 HANKOOK الحقيقه حسيت بفرق رهيب بالذات على السرعات و المشكله الأكبر ان العربيه بتتنطتط على السفر , انا مركب مساعدين منرو
اعتقد انى لا يمكنى ارجاع الكاوتش , هل السبب هوا المقاس ام ان هذا عيب فى Prielli ؟

[Esam Mosaad]

مفتكرش انوا عيب كاوتش
وانت زودت العرض وقللت السمك
فتكر ده المفروض يديك ثبات اكبر
طب ممكن عشان ترصيص ؟

[أبو إياد]

طالما غيرت كاوتش راجع على الترصيص والزوايا مره اخرى ولازم تحس بفرق كبير علشان انت غيرت عرض الكاوتش
ثبات اكتر خشونه واحساس بتعرجات الارض اكتر

[amr_shn]

طالما غيرت كاوتش راجع على الترصيص والزوايا مره اخرى ولازم تحس بفرق كبير علشان انت غيرت عرض الكاوتش
ثبات اكتر خشونه واحساس بتعرجات الارض اكتر

بالعكس الاحساس بتعرجات الطريق اصبح واضح جدا بشكل ملحوظ مع الكاوتش الجديد يمكن ده عيب فى الPerilli مكانش موجود فى ال HANKOOK

[عمرو عمارة]

إعتقادي إن الـPrielli ناشف والـHankook طري

[ahmed_h_g]

حضرتك قللت من عرض الكاوتش ولا كبرته وبتزود الكاوتش على كام ؟

[sobhysm]

طالما غيرت كاوتش راجع على الترصيص والزوايا مره اخرى ولازم تحس بفرق كبير علشان انت غيرت عرض الكاوتش
ثبات اكتر خشونه واحساس بتعرجات الارض اكتر

[Youssef.Awad]

انا غيرت الكاوتش و جبت prielli p300 مقاس 175/70/13 وكان عندى 185/65/13 hankook الحقيقه حسيت بفرق رهيب بالذات على السرعات و المشكله الأكبر ان العربيه بتتنطتط على السفر , انا مركب مساعدين منرو
اعتقد انى لا يمكنى ارجاع الكاوتش , هل السبب هوا المقاس ام ان هذا عيب فى prielli ؟

بصراحة اول مرة اشوف حد يجيب مقاس كاوتش ارفع
كل الناس بتعرض المقاس عشان الثبات
بس بالنسبة لمقاس حضرتك الجديد مش هايفرق خالص فى قراءة عداد السرعة

كل الحكاية ان حضرتك غيرت المقاس للأرفع وبالتالى هاتحس فعلا بأقل حاجة على الاسفلت وهتلاقيه مش مريح خاصة على الطرق الغير ممهدة او المليئة بالمطبات

وكمان البريللى اللى بينزل مصر نوعية المطاط فيه ناشفة شوية زيادة بالمقارنة مع الهانكوك وده هايزود احساسك بالخشونة والتحجير وتنطيط العربية على السرعات العالية والله أعلم

[reamoz]

هو فعلا البيريلي ال3000 ده ناس كتير جداً بتشتكي منة
البيريلي ماركة محترمة طبعا بس اقل حاجة ال6000
وبالنسبة للمقاس الكاوتش اللي انت ركبتة ارفع من اللي كان موجود ب 1سم لكن إرتفاعة هوهو تقريبا
كاوتش ارفع = ثبات أقل
لكن المفروض يبقى الإحساس بالمطبات وسوء حالة الطريق وخشونة بردة أقل
بس ممكن يكون فرق النوع هو اللي مخليك حاسس إنة الإحساس بالمطبات وسوء حالة الطريق وخشونة أكتر
عموما انت اشتريت واللي حصل حصل لو مكنتش رصصت روح رصص
ويفضل انك تملى العجل نيتروجين ممكن يقلل شوية من الإحساس بالمطبات والخشونة

[jojooo]

للاسف هو عيب فى البرللى انا معرفش p3000 دى نظامة اية انا كان عندى ال p6000 وكان زى الزفت ناشف وعمر قصير وسعر غالى اوى على الخامة ممكن نظبط الهواء على 28 علشان موضوع النشفان دى اللى ممكن تعملة دلوقتى

[Youssef.Awad]

للاسف هو عيب فى البرللى انا معرفش p3000 دى نظامة اية انا كان عندى ال p6000 وكان زى الزفت ناشف وعمر قصير وسعر غالى اوى على الخامة ممكن نظبط الهواء على 28 علشان موضوع النشفان دى اللى ممكن تعملة دلوقتى

على ما أفتكر من كام سنة كده
كان عمى بيشترى طقم كاوتش جديد لعربيته وبيسأل على أسعار أنواع كتيرة
وقتها أصحاب معارض وتوكيلات مشهورة قالوله أن البيريللى الموجود فى مصر بعد 2002 مش مستورد ده مصنوع فى مصنع النسر والمستورد بيبقى مغربى أو تونسى برضه مش حلو
وبذلك يكون فعلا تفسير ليه البيريللى ناشف وردىء زى نسر اللى كان بينزل فى عربيات زى الشاهين والفيات 128 واللادا

أما عمى فاشترى طقم بريدجستون ماليزى محترم

[moneer_marco]

كلامك مظبوط الاحساس بالمطبات ها يقل لان ارتفاع الكاوتش من الجنط ها يزيد 70*175 مقسوم على 100 يصبح 122.5 مم اما القديم 111 مم

[mrastra]

يا جماعة الراجل قلل عرض الكاوتش وعلاة بمقدار 0.25سم
يبقى الناتج احساس بالمطبات اقل والثبات اقل من الكاوتش اللى كان عندة بالاضافة الى فرق النوعين