مشكله في عربيه ابيزا 94 1300 سي سي

[mohandsen]

في البدايه احب اشكركم علي المنتدي الرائع ده وبيقدملنا خدمات لا حصر لها ونتمني المزيد من العطاء الدائم

مشكله في عربيه ابيزا 94 1300 سي سي عندما اقوم بتدوير العربيه وهيا مموره بسمع صوت خرفشه جامد من الماتور ولما ركزت اوي لقيت الصوت طالع من عند الفتيس ولما حبيت اتأكد دوست دبرياج والعربيه واقفه الصوت يروح ولما اسيب الصوت يرجع تاني وفي حاجه مجنناني العربيه الغيار الاول والثاني والثالت والرابع ميه ميه لحد الرابع 120 سرغه لما اجيب الخامس ولا في اي تاثير في السرعه بل بالعكس ممكن في المطلع السرعه تقل واكون جايب اخر الدواسه الموضوع ده هايجنني وكل ماروح لواحد اسمع كلام مختلف
انا عاوز اعرف اي المشكله دي وتتصلح بكام

[samirayad]

دى مشكلة دبرياش ....عاوز ينكشف عليه .....وقد يكون هناك عدم أستواء أيضا فى وجه الحدافه (الفلام ) وده حيبان مع الكشف....وأعتقد ممكن تحتاج عمرة دبرياش برضه

[mohandsen]

اولا مشكوووووور علي الرد طيب الموضوع ده ممكن يتكلف كام وده يقصر علي موضوع السرعه في الغيار الخامس علي فكره الصوت الي بيطلع ده موجود وانا ماشي علي الغيار الاول والتاني بيبان فيه الصوت لما اتقل علي الغيار شويه
ومعلش ممكن سؤال تاني ممكن اركب فتيس اوتوماتيك ولو ينفع التكلفه كام

[saint]

السلام عليكم ورحمة الله وبركاته
اولا الصوت اللى طالع وانت سايب الدبرياج ويختفي لما تدوس دبرياج
دي بلية الدبرياج بايظة
اما عن موضوع السرعة الخامسة والعزم المفقود
اعتقد ان دي مشكلة ضبط هوا او كهربا
انما لو فيه مشاكل فى الدبرياج هتبان فى كل الغيارات ( مع احترامى لرأى العضو السابق)
روح عن ورشة كويسة يضبطلك الكربراتير والكهربا
وابقي قولنا على الجديد

[mohandsen]

انا روحت فعلا وعملت الكلام ده وغيرت الكربراتير وجربته علي الطريق السريع
انا ساكن في رفح شمال سيناء المشوار لحد مصر مش هين طبعا وكل مايحصل حاجه اجري علي مصر علي طول لان مافيش حد بيفهم فيها خالص
المهم بعد ماجربت لقيته زي الثاني برده بس لما رجعت الكربراتير بتاعي العربيه العربيه لما بدوس بنزين وهيا واقفه لقيتها بطلع دخنه لونها اسمر بسيط ودي جديد الاول ما كنتش بطلع دخنه
والله انا محتار وشعارف اعمل اي كل ماكلم حد علي الصوت ده يؤلي غير طقم الدبرياج وريح دماغك وموضوع السرعه ده كمان
ورحت لواحد قبل كده قالي هاتلك موتور استيراد وريح

[samirayad]

انما لو فيه مشاكل فى الدبرياج هتبان فى كل الغيارات ( مع احترامى لرأى العضو السابق)

مع أحترامى لرأيك أيضا ....مفيش أى كلاتش ميكانيكى (دبرياج يعنى ) فى العالم بليته بتشتغل وهو معشق

دي بلية الدبرياج بايظة

....وشوف الأخ صاحب الموضوع بيقول أيه

عندما اقوم بتدوير العربيه وهيا مموره بسمع صوت خرفشه جامد من الماتور ولما ركزت اوي لقيت الصوت طالع من عند الفتيس

يعنى مش دايس دبرياش ....بس ممور فعلا .......ولكن الدبرياش كله حته واحده ....والبليه مش شغاله فى اللحظه دى ....لأنى مش عاوز شغلها طالما الدبرياش حته واحده ( وشين الأسطوانه متجمعين تمام مع وش الحدافه من جهه ومن الجهه التانيه مع الديسك )..........أذا العيب بوش أو خلل داخل الدبرياش ( قد يكون بسبب ضعف فى سوست الديسك مثلا .....أو عيب فى وش الحدافه بتاعة المكنه ...الفلام يعنى...بيحاول يتخلص من تعشيقه مع وش الأسطوانه المقابل ليه والمكنه دايره ).....

[alzelafy]

شغلك كلو مع عفشجى يا باشا كلكش دعوة بالمكنه و طقم الدبرياش اسطوانه و ديسك ب 550

[saint]

استاذ سمير
احنا تلاميذك
وبعدين انا اتكلمت علشان الموضوع ده حصل معايا وكان صوت البلية

[samirayad]

ياباشا ....الله يخليك ....والعفو كلنا بتعلم مع بعض