ماهو افضل كوريك لرفع السيارة من حيث الحجم والوزن والنوع ؟

[Amera]

انا عندى الكوريك بتاع الفيرنا الاورجنال باظ من تانى استخدام ، والعربيه كانت مرفوعه و بنركب الاستبن وقبل منخلص راحت العربيه نازله فجاه والكوريك باظ وحته من العتبه اتنت ودخلت لجوه ، فانا دلوقتى معنديش كوريك ، فكنت طمعانه فى كرم اخلاق اعضاء نايل موتورز و عايزة اعرف نوع كوريك كويس يستحمل العربية ويكون سهل استخدامه وحجمه مناسب ونوعه كويس ( مش صينى ) وياريت اسعاره ، طبعا غير الكوريك التمساح لانه كبير اوى وثقيل وبياخد مساحه فى الشنطه ووزن .

[michohat]

على حسب معلوماتى المتواضعه ان أأمن كوريك هو التمساح وحاليا بفكر اجيب واحد بس محتار اجيب انهى وزن منه اللى بيشيل واحد طن ولا اللى بيشيل 2 طن
وده على حسب المكتوب عليه اللى بيبقى فى اغلب الاحيان ورق وبيتلزق والكوريك قوته اقل

[Amera]

شكرا ليك يا Michohat على الرد ، هو فعلا التمساح كويس بس زى ما انا قولت كبير وبياخد مساحة فى الشنطة ، فياريت نعرف أراء باقى الاعضاء .

[nour2007]

انا معايا واحد تمساح 2 طن بس فعلا واخد مساحه في الشنطه لأن علبته بلاستيك كبيره نوعيا بس امن وكويس

[Amera]

شكرا ليك nour2007 على ردك ، هو سعره كام وهل فى احجام منه وماركات ؟

[michohat]

بعد اللف لقيت ان التمساح متاح منه اوزان متعدده تبدء من نصف طن ، واحد طن , واحد ونصف طن ، اثنين طن ولا اعرف هل فيه زياده ولا لأ
كل اللى شوفته صينى
وكل الكلام ان الكتابه المكتوبة على الكوريك مش صح يعنى ممكن نلاقى كوريك واحد طن ملزوق عليه ورق انه 2 طن وهكذا
وده اللى مخوفنى من الشراء ومخلينى عاوز اجيب كوريك اثنين طن لضمان انه لو اتغش يبقى طن ونصف او طن
الاسعار فى محافظة الشرقية
كوريك طن ( لونه احمر علبه رصاصى ) رينج 80 : 100
كوريك اثنان طن ( لونه ازرق علبه سوداء) رينج 120 : 150

[nour2007]

كوريك طن ( لونه احمر علبه رصاصى ) رينج 80 : 100
كوريك اثنان طن ( لونه ازرق علبه سوداء) رينج 120 : 150[/quote]

هو في نفس متوسط الاسعار دي

[Amera]

شكرا ليك يا michohat على توضيح التفاصيل والاسعار .

[بحري]

التمساح أسهل في الاستخدام وأبعد عن البهدلة ولو حجم العلبة أزمة ممكن يخرج منها ويتزنق في ركن الشنطة

[Amera]

شكرا لى ba7ray ولجميع الاعضاء على ردهم ، والحمد لله اشتريت كوريك تمساح امبارح من التوفيقيه وفعلا كلهم زى بعض متعرفش تفرق بين الواحد طن و الاثنين طن لانها ورقه وملزوقه من بره ممكن يشيلوها من اللى 2طن ويحطوها على الطن ، فجبت واحد طن وسعره 75 جنيه ولونه احمر وعلبته رصاصى وانا جبته علشان كان متبرشم يعنى متغلف بالبلاستيك الشفاف وعليه كرتون بالبرشام ، ان شارياه على انه واحد طن ولما فتحته لقيت الورقه الملزوقه عليه 1طن والورق بتاع كيفية الاستخدام مكتوب عليه 2طن عادى صح مهو كله صينى .

[michohat]

ربنا يستر ومش يبقى اقل
سمعت ان فى كواريك تمساح مستعمله بتتباع بس مش عارف تفرق ايه عن الجديد
وبما ان المهم فى الكوريك المكبس اللى فيه وده بيتصلح
اللى اعرفه ان الجديد لما يبوظ بنوديه يتصلح ويتغير له جلدتين

[kh_talaat]

ربنا يستر ومش يبقى اقل
سمعت ان فى كواريك تمساح مستعمله بتتباع بس مش عارف تفرق ايه عن الجديد
وبما ان المهم فى الكوريك المكبس اللى فيه وده بيتصلح
اللى اعرفه ان الجديد لما يبوظ بنوديه يتصلح ويتغير له جلدتين

طب يا ريت لو تقولنا حضرتك نصلحه فين لأني كل ما أسال حد بتاع كاوتش يقولي لا دة ميتصلحش وهات لك واحد تمساح علما بأن اللي باظ دة هو الكوريك الأصلي اللي بيجي مع العربية

[hossam_elwani]

يا جماعة الواحد طن كفاية هى العرببة اساسا كام طن!!

وبعدين لو فرده نامت بترفع تقريبا اقل من نصف وزن العربيه

[reamoz]

شكرا ليك يا michohat على الرد ، هو فعلا التمساح كويس بس زى ما انا قولت كبير وبياخد مساحة فى الشنطة ، فياريت نعرف أراء باقى الاعضاء .

انا شفت عند واحد صاحبي كوريك شبه الهيدرولك اللي بيكون عند الميكانيكي اللي شكلة إسطواني بس كهرباء وبيتوصل في فتحة الولاعة ومعاه مفتاح عجل كمان باكهرباء شبة اللي بيشتغل بضغط الهواء عند بتوع الكاوتش هو طبعاً اكيد صيني بس بصراحة بالنسبة للبنات والسيدات يعتبر عملي جداً وكان سعرة 375 جنية هو كان جايب كمية بس مش متأكد إذا كان لسة عندة منه ولا لأ

[أحمد كمال]

مفيش احسن من التمساح

طن و نص او طنين زي الفلللللللللللللل