سؤال عن غسيل العفشة فى محطة بنزين ؟

[ahmed_hamda]

عندما ذهب الى محطة بنزين للغسيل العربية من تحت تم رفع العربية وتم غسلها بالماء والفوم وبعد ذلك رش جاز
هل الجاز فى ضرر سمعت انو سبب بارومة او مشاكل فيما بعد

[A.Saad]

الجاز مش يعمل بارومة

[ahmed_hamda]

يعنى مافيش مشاكل الناس بتتفتى وخلاص

[Col. Eng. Khaled]

بالنسبة لي غسيل العربية من تحت إنه بيلم تراب

لما بغسل العربية من تحت في محطة البنزين بكتفي بالفوم أو الصابون السائل فقط .

[mrsailor]

عندما ذهب الى محطة بنزين للغسيل العربية من تحت تم رفع العربية وتم غسلها بالماء والفوم وبعد ذلك رش جاز
هل الجاز فى ضرر سمعت انو سبب بارومة او مشاكل فيما بعد

الاول رش جاز على الساشيه .. و بعدين يغسل بافوم او الصابون و المياة .. لان رش الجاز بدون غسله بالصابون و المياه له عيبين .. اولا بيخلى كاوتش العفشة زى الجلب و القواعد تطرى و ده بيخلى عمرها الافتراضى يقل و بيضر العفشة .. و ثانيا لما تمشى العربيه بتلم تراب من تحت و لما تنزل فى مية التراب ده يبقى طينة و تعمل بارومة

[midoonesaid]

انا كنت باغسل عربيتي من تحت بالجاز وبعدين بالمياه بس العفشجي قالي متغسلهاش من تحت بالجاز علشان بيبقى في مادة مش فاكر اسمها ايه مرشوشة من تحت علشان البارومة والجاز بينزلها

[saba]

الجاز بينفش و يبوظ الى خراطيم و اى مادة كاوتشوكية فى الموتور او العقشة و يمكن اثبات ذلك بوض قطعة كاوتش فى شوية جاز.

[M.almaghraby]

وليه اصلا يا جدعان اغسل العربية من تحت؟

[heeshooheeshoo]

وليه اصلا يا جدعان اغسل العربية من تحت؟

غسيل أسفل السياره من أسفل من وقت لآخر مهم جدا حيث أن تراكم الطين أسفل السياره والرفارف والعتب من الأسباب الرئيسيه لإنتشار البارومه بالصاج .. حيث أن السير فى الطرق المبلله مع تراكم الطين يعمل على تأخر جفاف الماء ويظل الطين رطبا فترة طويله خصوصا فى الشتاء وجو الأمطار بما يساعد على إنتشار الصدأ .
ومن الأفضل الغسيل بالماء فقط بدون إضافة الجاز لأنه ضار جدا بالأجزاء الكاوتشوك الموجوده بالعفشه حيث يؤدى إلى تشققها وقصر عمرها وكذلك الحال بالنسبه لغسيل الموتور بالجاز (وهذا عن تجربه)

[macdiv]

الي اهم من غسيل العربيه بالجاز ولا بالشامبوه هو انك تاكد ان مصارف الشاسيه مفتوحه من تحت و مش مسدوده تراب ،،، يعني المصنع بيبقى عامل من تحت اماكن عشان تنزل منها الميه اللي ببتراكم علي العربيه من فوق نتيجه الغسيل بالخرطوم او المطره ،، الفتحات ديه هي لو اتسددت بتسبب بارومه ،،، و نصيحه لكل الناس بلاش غسيل العربيات بالخرطوم

[Moe86]

أنا بغسل عربيتى من تحت كل شهر تقريبا بالماء فقط , يعنى من كلام الأعضاء أنا فى السليم كدة , شكرا ليكم

[M.almaghraby]

طيب اغسلها من تحت كل قد ايه

انا تقريبا ولا مرة من سنة بس رفعتها من كام يوم كانت كويسة والله!!

[ahmed_hamda]

شكراا للمعلومات المهمة