إعـــــــلان

Collapse

.

,
See more
See less

تعديل السيارة وتركيب باور

Collapse
X
 
  • Filter
  • الوقت
  • Show
Clear All
new posts

  • تعديل السيارة وتركيب باور

    السلام عليكم ورحمة الله
    انا مش عارف اذا كان ده الصراحة المكان المناسب لأستفساري ولا لا
    انا عربيتي فليشيا 97 بدون باور وللاسف الدركسيون تقيل شوية وحابب اني اركبله باور زي بقيت العربيات الجديدة ولكن سئلت كتير ومحدش دلني خالص للأسف
    وسمعت ان في ناس بتركب الباور بسهولة وبتكلفة هايفة في حتت زي التوفيقية و(واحد صاحب صحبي ركبه في عربيته ) وما مدي سهولة تركيبه ومجدي ولا مش هتفرق كتير ومين احسن واحد يركبه والتكلفة تقريبا قد ايه؟

    وشكرا ومستني ردودكم

  • #2
    من ناحية مجدي فهو مجدي طبعا
    [CENTER][B]سامح البقري
    المحامي[/B][/CENTER]

    Comment


    • #3
      لو فى موديلات تانيه من عربيتك بتنزل بعلبه باور يبقى ركبه عادى وانت مطمن
      وانزل شارع شمبليون عند كشرى ابو طارق هتلاقى هناك كل حاجه
      بس انا اعتقد ان دركسيون الفليشيا مش تقيل ممكن يكون فى عيب عندك فى العلبه

      Comment


      • #4
        شكرا علي ردك يا اخي بس للاسف
        العلبة جديدة وهو بيخم جامد مع نفخ الكاوتش ولكن التريح بيرجع الدركسيون تقيل تاني
        فياتري تكلف الباور والتركيب كام تقريبا وهل بياخد وقت في تركيبة

        Comment


        • #5
          حوار التكلفه يختلف يعني انت الفروض تعرف الأول ايه نوع الباور اللي هيركب عندك وتسأل عليه يعني مثلا
          في فليشيا بتنزل بباور....تسأل باور الفليشا بكام
          مفيش فليشا بتنزل بباور..تسأل حد عدلها قبل كده علي نوع الباور اللي ركبهولها عشن تعرف تمنه
          واللي ممكن يجاوب علي كل الأسئلة من الأخر ..الصانيعية الي شارعي (معروف) و(شمبليون)
          بس خلي بالك منهم شوية واسأل عند كذا واحد عشان الأسعار مختلفة
          [CENTER]:fun_broken:
          [/CENTER]

          Comment


          • #6
            انزل الحرفيين واسال على بور الفيليشيا استيراد بكام علبة دركسيون بالخراطيم بالخزنه بطرمبه البور ( البور كامل ) واعرف سعره استيراد وبعدين اتفق مع صنايعى يركبهولك وابعد عن صنايعيه شمبليون دول نصابين
            وعموما البور فى عربيتك هيكلفك فى حدود 2000 جنيه

            Comment


            • #7
              المشاركة الأصلية كتبت بواسطة orabi مشاهدة المشاركة
              انزل الحرفيين واسال على بور الفيليشيا استيراد بكام علبة دركسيون بالخراطيم بالخزنه بطرمبه البور ( البور كامل ) واعرف سعره استيراد وبعدين اتفق مع صنايعى يركبهولك وابعد عن صنايعيه شمبليون دول نصابين
              وعموما البور فى عربيتك هيكلفك فى حدود 2000 جنيه :y_hi_3[1]:
              كده حلو وطمنتي انه ينفع قشطة بس 2000 جنية مش كتير وهل ممكن تقل عن كده

              Comment


              • #8
                انا معايا لانسر 1993البطة وكنت عايز اركب باور بردة ومش عارف فيين وبكام وهل لما يركب هيبقى فية مشاكل واية فكرة عملة

                Comment

                Working...
                X