سؤال للمهندس سبعاوى واصحاب الخبرة فى المنتدى

[emam]

بالامس كنت فى التوكيل بعمل صيانة وطبت منهم استعدال طارة الدركسيون لانه مايل ناحية الشمال شوية والموضوع دى بيضايق شوية فى السفر المهم من غير مطول عليكم العربية طلعت من عندهم الدركسيون مايل ناحية اليمين بدل الشمال حاجه تجنن وللاسف مكنش عندى وقت ارجع لهم ثانى فقلت اخدم نفسك بنفسك واعملها انا لانى كنت بعملها فى عربيتى القديمة لكن وجود الايرباج فى الدركسيون مخلينى مش عارف افك الطارة خالص فقلت احضن شوية جنب رصيف واكسر الدركسيون فى الناحية بتاعته لحد مزبطه وبالفعل نجحت وعملت الحركة دى ثلاث مرات تقريبا يمين وشمال لحد مزبط الدركسيون وكانت العربية دائرة والمرة الاخيرة والعربية مبطلة بس فاتح المسوجر طبعا بس للاسف بعد كدة بقيت بسمع صوت طقطقة عند الحركة يمين وشمال مش عارف الى انا عملته دة اتسبب فى تلف ايه بالزبط (علبة دركسيون ولا بارات ولا جلب ) مش عارف طمنونى الله يخليكو احسن من ساعتها وانا عمال بفكر فى الموضوع دة احسن قطع الغيار بتاع العربية فى التوكيل بس وغالية نار ربنا ميوريكو - ربنا يستر .
وشكرا مقدما على تفاعلكم

[emam]

اية يا جماعة 8 مشاهدات ومفيش اى رد - ولا الموضوع صعب اوى ؟ يا مسهل يارب

[أحمد علاء]

السلام عليكم اخي الكريم
انا طبعا مش هقدر افتيلك ايه الي ممكن يكون حصل
بس اوضحلك ان ضبط الطارة بيتم بواسطة حاجتين
1-عن طريق زوايا العجل لو الزاوية بسيطة والزوايا فعلا في حاجة إلى ضبط
2- عن طريق فك الطارة ثم تركيبها في الوضع المضبوط وبتكون راكبة على عامود مشرشر في نهايتة والطارة نفسها بيكون فيها مشرشر برضة في المنتصف.

طبعا انا معرفش حاجة عن عفشة الإسبرانزا بس هقولك من واقع معرفتي بالسيارات بحكم الدراسة.
الي حضرتك عاملتة بلا شك خطأ وفي إعتقادي ممكن يأثر على الزوايا او حشوة علبة الدركسيون ولا اعلم هل بها رجلاش او لأ. وإن كان المحرك يعمل فالي حضرتك عملتة كان ممكن يأثر كمان على أداء طلمبة زيت الباور. ربنا ستر الحمد لله.

فلو افترضنا ان صوت الطقة ناتج عن بوش خفيف في علبة الدركسيون وكانت علبة الدركسيون من النوع الي في صامولة لضبط البوش,يبقى تروح للراجل بتاع العفشة هيلف الصامولة شوية في إتجاة الربط علشان يقلل البوش.

احنا حبيت ارد عليك سريعا وطبعا هنا في زملاء افاضل ممكن يكونوا على دراية اكثر بموضوعك وبسياراتك فيفيدوك اكثر مني
والله اعلم

[emam]

وعليكم السلام استاذ احمد - شكرا لرد حضرتك معلش الواحد بيتعلم بردة موضوع انى افك صامولة الدركسيون دة انا فعلا كنت بعملة فى عربيتى القديمة بس المشكلة ان فى ايرباج فى الدركسيون فمش من السهل فك الدركسيون يلة الحمد لله .

[emam]

اية يا جماعة 8 مشاهدات ومفيش اى رد - ولا الموضوع صعب اوى ؟ يا مسهل يارب

ما زال البحث جارى عن خبراء العفشة فى المنتدى وعلى رأسهم المندس / خالد

[hamdy]

متهيالي يا استاذ امام الموضو بسيط ان شاء الله و هيطلع من بطاحات المساعدين و الله اعلم

[A.Saad]

البطاحات بتكون صوت طقطقة ووانت واقف
لو صوت طقطقة وانت ماشى تبقى كوبلن
البطاحات ممكن تتشحم