عايز حد خبره فى الترصيص يفيدنى

[dr_george_2003]

انا اقوللك انا ياريس المشكلة ده كانت عندى ولفيت على خمسميت صنايعى ولا حد فاهم حاجة لغاية لما لقيت واحد بتاع زوايا فى اسكندرية قاللى الجنط الجديد مش مطبع على السرة بتاعة الطنبورة فجربنا نقلب الجنوط انعكست الحدفة وقلبنا الكاوتش الحدفة زى مهيا اذن العيب عيب جنط طيب الجنط جديد وسليم نعمل ايه... للاسف مفيش حل الا تشوف جنط نوع تانى وده اللى انا عملته وانتهت المشكلة و نصيحة لا ترصيص هينفع ولا ظبط زوايا هتنفع افتراضا ان العفشة سليمة والكواتش سليم ومتركب فى الاتجهات الصح

[عصام غنايم]

معقول الجنوط تسبب حدفه ؟

طب ازاى ؟

[adhamhossam]

متابع الموضوع مع العلم إن نفس المشكلة عندي أحيانا بتحدث
بس المشكلة بدأت ان تنعدم أحيانا للأسباب الأتية
أولا جبت اربع فرد كاوتش جوداد
ثانيا إشتريت منفاخ بيركب في ولاعة العربية من كارفور ب 60 و بقيت أضبط الهواء بنفسي و أتأكد من المقاس بنفسي
ثالثا ضبط زوايا عند صنايعي محترم و بيفهم و يا سلام لو يكون عنده ترصيص كمان

دة كل إللي انا عملته و الحمد لله حسيت بفرق
ملحوظة تانية
انا كنت بعمل ترصيص لاصق و مع الوقت لقيته بيقع لعدة أسباب منها غسيل العربية في البنزيمات .. اللاصق بيقع من قوة المياة الخارجة من المسدس
فبقيت أعمل ترصيص كبس و هو بصراحة مريحني جدا ... علي الأقل كل ما يحصل خرم في الكاوتش و ألحمه بعمل ترصيص من جديد و يادوب الراجل بيشيل الترصيص المكبوس و يحطه في مكان جديد

طبعا المعلومة بتاعت النقط الحمرا و الصفرا انا اول مرة أعرفها من خلال الموضوع دة ... و دة معلومة جامدة هتوفر لي ثمن الترصيص بعد لحام الكاوتش

في النهاية :
انا شايف ان أخر رد في الموضوع من شهر يوليو 2010
عايز أعرف إيه الأخبار يا أبو فارس
هل وصلت لحل المشكلة أم لا

[عصام غنايم]

المشكله اتحلت بتغيير الجنط والكاوتش

الجنوط الصينى مقرفه فى ترصيصها وبتاكل رصاص كتير وصعب اوى تزبط

الرصاص اللزق جيد ولاكن بعد الترصيص وقبل التركيب حط عليه امير عمره مال هيطلع تانى

حاول تبص على الموضوع ده هتجد معلومات تهمك

http://www.nilemotors.net/Nile/314226-a.html