لو جلب المقصات مش موجوده لازم اشترى مقص كامل.... حرام

[jant]

العربيه فيات تيبو مؤخرا ظهرت دربكه فى اى تكسيرات فى الطرق وكده والدربكه ولاتهبيد ده بيطلع صوته لدرجة ان الطابلوه بيترج منه . هو الموضوع ده كان حصل من سنه كده وروحت للعفشجى راح ودانى لخراط حشالى بيض المقص مكان الجلب المتتاكله
الموضوع رجع تانى وكمان وانا بركن لما بلف العجل على اخره بسمع صوت طقطقه
سألت انا بقى على جلب المقصات لقيتها مش موجوده
فهل لازم اشترى مقص كامل ولا ممكن اغير بيض المقص بس ولا الحل ايه يا ريت تفيدونى

[sam_zen_elden]

اعتقد انك ممكن تلاقى البيضات بس ممكن تكون بتاعة تمبرا او سيينا تركب عندك لوعندك واحد قديم دور بيه عند الكيلانى فى وسط القاهرة

[Ahmed Galal]

لو بيضة كبس يبقا هاتغير المقص و كذلك لو الجلب مش موجودة لوحدها بردك هاتغير المقص و ده احسن الحلول و الكبس ده مش هايبقا حل جذرى

[heshamzaky]

العربيه فيات تيبو مؤخرا ظهرت دربكه فى اى تكسيرات فى الطرق وكده والدربكه ولاتهبيد ده بيطلع صوته لدرجة ان الطابلوه بيترج منه . هو الموضوع ده كان حصل من سنه كده وروحت للعفشجى راح ودانى لخراط حشالى بيض المقص مكان الجلب المتتاكله
الموضوع رجع تانى وكمان وانا بركن لما بلف العجل على اخره بسمع صوت طقطقه
سألت انا بقى على جلب المقصات لقيتها مش موجوده
فهل لازم اشترى مقص كامل ولا ممكن اغير بيض المقص بس ولا الحل ايه يا ريت تفيدونى

مرحبا بحضرتك بس فى التيبو والتمبرا المقصات واحدة الحشو دة مش حا ينفع المقص فى العربيات شايل حاجات كتير لازم يتغيروا وسعرهم 400 جنية الايطالى ويوجد نوع ب 200 جنية ملوش لازمة بلاش منة المقص بة جلبتين وبيضة ولو سيتم تغير المقصات بالمرة تغير كاوتش الميزان اكيد اتهرو دول ب 20 جنية فقط وطالما المقصات حا تتغير سهل جدا تغير كاوتش الميزان وهما راكبين فى الخرم المدور الى فى المقصات شبة الخواتم بس كاوتش ودة شكل المقصات

[heshamzaky]

اعتقد انك ممكن تلاقى البيضات بس ممكن تكون بتاعة تمبرا او سيينا تركب عندك لوعندك واحد قديم دور بيه عند الكيلانى فى وسط القاهرة

ازى حضرتك يا باشا بس للأسف مفيش فى التيبو او التمبرا جلب او بيض بيتباعو لوحدهم لازم تغير المص بالكامل وعلى فكرة المقصات حجمها كبير نسبيا وتقيلة زى الداهية بس بيعيشو كتير

[jant]

الف شكر يا استاذ هشام واسف على تأخيرى فى الرد بس دول ب 200 الواحد فين انا سألت عند المصريه اللى فى دمشق قاللى الواحد ب 160 اصلى بس مسألتش على الصناعه فهل ممكن يكونوا الاصلى ؟
وفى سؤال كمان لو تخدمنى فيه يبقى يا ريت
هل التيبو ليها عفشه سبور كونى او ابيكس مثلا حتى لو فى بورسعيد او كده ولو سعرها كمان تقريبا تبقى خدمتنى جامد

[heshamzaky]

الف شكر يا استاذ هشام واسف على تأخيرى فى الرد بس دول ب 200 الواحد فين انا سألت عند المصريه اللى فى دمشق قاللى الواحد ب 160 اصلى بس مسألتش على الصناعه فهل ممكن يكونوا الاصلى ؟
وفى سؤال كمان لو تخدمنى فيه يبقى يا ريت
هل التيبو ليها عفشه سبور كونى او ابيكس مثلا حتى لو فى بورسعيد او كده ولو سعرها كمان تقريبا تبقى خدمتنى جامد

بص يا باشا معلش انا مش بحب اجيب من المصرية .................................................. ........ فى نفس الشارع بس من ناحية اول ميدان الجامع أسأل عند محل سعيد بطرسالاسعار دى من عندة وهو من نصحنى ب بلاش ام 200 جنية قال لى علشان ما نزعلش من بعض وبالنسبة للسؤال بتاع العقشة على رأى المثل لا يفتى و جاليليو على المنتدى هو معاة تيبو أدخل على المندى و ابحث عن كلمة يا رب تيبو المرة دى مليار فى المية حيشوف الموضوع و يرد عليك فور قرائتة و عموما التمبرا والتيبو 90 بالمائة واحد

[jant]

حبيبى مشكور لتعبك معايا
انا بحب العربيه اوى بجد ونفسى اشدها شده جامده وكنت بفكر حتى فى البيع بس قولت لأ انا اظبطها احسن ما اروح اجيب فيليشيا او اكسيل مع احترامى للعربيات دى طبعا بس انا شايف التيبو ممتازه ومن الاخر حمالة اسيه

[heshamzaky]

حبيبى مشكور لتعبك معايا
انا بحب العربيه اوى بجد ونفسى اشدها شده جامده وكنت بفكر حتى فى البيع بس قولت لأ انا اظبطها احسن ما اروح اجيب فيليشيا او اكسيل مع احترامى للعربيات دى طبعا بس انا شايف التيبو ممتازه ومن الاخر حمالة اسيه

العفو يا باشا معلش سؤال هى العربية الى معاك نفس الى فى الصورة بتاعت بياباتك لونها كحلى

[jant]

اه هى عربيتى اللى فى الصوره بس والله يا باشا كله فى السليم

[heshamzaky]

اه هى عربيتى اللى فى الصوره بس والله يا باشا كله فى السليم

العفو يا باشا متفهمنيش غلط اصل انا كنت هارى النت و بدور على عربية تيبو وشفت الاعلان بتاع العربية القديم متابع بأهتمام بس والله اصلى كنت بأفكر استرى تيبو للمدام بس كنا عاوزين واحدة بفتحة سقف و انجيكشن علشان التمبرا بتاعتى كدة ونفسى فى واحدة زى الى فى الصورة بس مفيش الحالة دى ابدا

[sameh127]

اكثر شىء جميل فى التيبو هو وسع صالونها و شنطتها و تكييفها الأصلى بتاعها ادائه سريع و بيسقع تمام