العجل اللى قدام بيلف ببطئ جامد قوي

[drhegab]

السلام عليكم
حصل معايا مشكله ان العربيه بتنتش قوي اما ادوس بنزين او اشيل رجلي من على البنزين ف قولت ان دا ممكن الفرامل قافشه ولا حاجه
ف رفعت العجلات الاربعه ولفيت كل واحده لواحدها لاقيت ان اللى قدام صعب جدا في لفهم بالايد ف دا ليه ؟ كدا العجل اللى قدام قافش ولا دا الطبيعي في السيارات الجر الامامي؟
ولو الفرامل قافشه اروح لمين ؟ (عفشجي ولا ميكانيكي ولا بتاع تيل فرامل) ويبقا ايه السبب ؟

[amrelsaqqa]

لف العجل بالايد بيكون تقيل لو العربية واخدة غيار او دايس دبرياج ده طبيعى

بحيث انها على الاول تكون تقيلة جدا والتانى اخف وهكذا لحد الخامس بيكون العجل اخف في كل غيار عن اللى قبله

والعجل بيكون اخف ما يمكن وانت ممور

جرب اديها كل الغيارات وجرب وانت ممور ومنزل الهاند طبعا ،
لو لقيتها تقيلة في كل الحاالات بنفس الدرجة حتى مع التموير يبقى ده قفش فرامل


وممكن كمان تدور العربية وهى مرفوعة وتعشق على الرابع او الخامس وتدوس بنزين وتسيب وتشوف هيقف لوحده بعد قد ايه وتشوف لو فيه اي صوت احتكاك او خشونة او في سخونة ...
بس خلى بالك لازم تكون رافع العربية كويس جدا وفي مكان واسع

[د.محمود صلاح]

ميكانيكي ,, الفرامل قافشة تلاقي العربية لا تتحرك بانسيابية وهي ممورة

[drhegab]

بص انا كنت رافع العربيه وهيا متموره ومنزل الهاند وكانت برضوا تقيله جدا في حركتها بايدي يبقا كدا فعلا الفرامل قافشه؟

[drhegab]

ودا يكون السبب ايه وعلاجه ايه؟

[amrelsaqqa]

مممم كدة ممكن تكون فعلا قافشة
بس المفروض يكون استهلاك البنزين عندك جامد جدا وما بتجيبش سرعات عالية بسهولة او ما بتجيبش سرعات عالية خالص ، يعنى مثلا ما تعديش الـ 80

روح لميكانيكى وهو هيظبط كل حاجة هيفك الطنابير ويتعامل هو

[E30power]

موضوع سهل متقلقش ....تقدر تروح لاى حد بتاع فرامل يظبطلك الدنيا ومش هياخد كتير ...او ممكن انتا تقوم بالعملة كلها وتوفر المشوار ....


علشان تتاكد خدلك مشوار صغير وشوف العجل سخن ولا لا وفي ريحة شياط بتشمها لما بتقف بعد اى مشوار ولا لا

او فك العجلة وهوى التيل او شيلة وشوف العجلة هتلف معاك عادى ولا لا
.
دة اسرع حاجة تحددلك اذا كانت الفرامل قافشة ولا لا

[drhegab]

فعلا العجله كانت بتسخن وما بعرفش اجيب اي سرعه عاليه خالص اكتر من 80
ودلوقتي روحت لميكانيكي فك العجله وغسل التيل وشحم البيستم العجله لفت كويس وبعدين اما مشيت بالعربيه عادة ريما لعادتها القديمه والعجله سخنت والعربيه تقيله
دا يبقا ايه العيب في ايه؟

[juba8]

ايه السبب اللى يخلى الفرامل تقفش