الغربله و علبة الدركسيون فى فيات 128

[mohamed9999]

انا عندى مشكلتين
1- انى بعد ما اعدى 90كم العربيه بتتهز منى جامد و بتحصل غربله للعجلتين اللى قدام لدرجه ان الدركسيون و العربيه كلها بتترج جامد و ما تثبتش غير لما اخفف السرعه و امشى على 90 او 80كم
ركبتلها رنجات عشان الجنوط و رصصت ولسه المشكله موجوده .......
2- كنت عملت حشو لعلبة الدركسيون من اسبوعين و الدركسيون بقى عامل زى بتاع العربيه النقل تقيل موت و العفشجى قاللى هيخف مع الوقت و لما كنت بظبط الزوايا و ارصص العجل الراجل قاللى الدركسيون تقيل ليه قلتله عشان عامل حشو لعلبة الدركسيون قام مهويها شويه الدركسيون رجع خفيف زى الاول و بقى كويس هل دا صح ولا ايه ولا ارحله و اخلية يقرط عليه و يرجع تقيل زى الاول ....................يا ريت يا جماعه الرد عشان انا محتار

[darkangel007]

انا الى اعرفه انة غلط انة يهويها بعد الحشو المفروض انها تتساب تنعم لوحدها!
و احتمال كبير الغربلة دى بسبب كدة!

[amrziedan312]

أعتقد أن المشكة هتكون من علبة الدريكسون والأفضل أنك تغيرها بنوع جيد إيطالي وبلاش الصيني عشان مبيستحملش وبعدين موضوع الحشو مؤقت وليس حل . وأكشف على البلي بتاع العجل .

[sameh127]

إكشف على الأتي:
1- بوش فى الإسكاترة(حرك الدركسيون يمينا و يسارا و العربية واقفة ولو سمعت صوت تخبيط فى الدركسيون يبقى هو السبب)
2- ترصيص العجل .
3- وجود اعوجاج بالجنط(لف الجنط و العربية مرفوعة على كوريك و اكشف على الشفة الداخلية و الخارجية للجنط كل على حدا)
4- اكشف على حالة بيضات الطرف للإسكاترة وعلى حالة بيضات المقص(تأكد من انها مش مبوشة و مابتخبطش عند فكها و
إختبار المسمار الحر الحركة بها).
5- اكشف على حالة الكاوتش الخارجي و الداخلى وعدم وجود قطع بأي جزء منه و خصوصا جوانب الكاوتش الخارجي اما بالنسبة
للكمرة فيجب ان تخلو من كثرة رقع اللحام و البادجات الكبيرة الملحومة كذا مرة لأنها بتسبب دردرة فى العجل.
6- اكشف على جلب المقص الأمامي.
7- اكشف على ركب الإستابيليزر وعلى كاوتش الحشو للركب وعلى القنطرة الأمامية.
8- تأكد من احكام ربط صامولة الطنبور/الكوبلنج الكبيرة والموجودة في نصف الطنبور.
9- تأكد من جودة حالة رولمان بلى الطنبور(بواسطة عدم سماع خشونة فى الطنبور اثناء سير العربية والنظر الى العجلة و العربية ماشية لإستبيان اى اعوجاج فى حركة الطنبور اثناء دورانه ).

[A7MED_PHARMA]

إكشف على الأتي:
1- بوش فى الإسكاترة(حرك الدركسيون يمينا و يسارا و العربية واقفة ولو سمعت صوت تخبيط فى الدركسيون يبقى هو السبب)
2- ترصيص العجل .
3- وجود اعوجاج بالجنط(لف الجنط و العربية مرفوعة على كوريك و اكشف على الشفة الداخلية و الخارجية للجنط كل على حدا)
4- اكشف على حالة بيضات الطرف للإسكاترة وعلى حالة بيضات المقص(تأكد من انها مش مبوشة و مابتخبطش عند فكها و
إختبار المسمار الحر الحركة بها).
5- اكشف على حالة الكاوتش الخارجي و الداخلى وعدم وجود قطع بأي جزء منه و خصوصا جوانب الكاوتش الخارجي اما بالنسبة
للكمرة فيجب ان تخلو من كثرة رقع اللحام و البادجات الكبيرة الملحومة كذا مرة لأنها بتسبب دردرة فى العجل.
6- اكشف على جلب المقص الأمامي.
7- اكشف على ركب الإستابيليزر وعلى كاوتش الحشو للركب وعلى القنطرة الأمامية.
8- تأكد من احكام ربط صامولة الطنبور/الكوبلنج الكبيرة والموجودة في نصف الطنبور.
9- تأكد من جودة حالة رولمان بلى الطنبور(بواسطة عدم سماع خشونة فى الطنبور اثناء سير العربية والنظر الى العجلة و العربية ماشية لإستبيان اى اعوجاج فى حركة الطنبور اثناء دورانه ).

وده عن تجرية؟؟؟
لو عن تجربة ...يبقا ربنا يكون في عونك

[kasten]

متــــــــــابع لانى عندى نفس المشكله