عفشة الجولف .. ارجو المساعده

[kasten]

ياجماعه انا من اول ما اشتريت العربيه وهى فيها بوش كبير فى الدريكسيون
غربله على السرعات
لما بجيب المارش دير وبرجع ورا بحس العربيه مش طبيعيه
مع العلم انى بجرى جامد بالعربيه وعلى طول صوت الغربله ده اساسى معايا واتعودت عليه

العربيه بقالها معايا 5 شهور
ياترى كتر المشى كده غلط
وياترى ايه الحاجات اللى بايظه فى العربيه كده

ياترى ينفع اظبط زوايا والعربيه ميته كده .. لان العربيه فى الملفات بتصرخ وواضح انها محتاجه ظبط زوايا
انا ماشى بعربيه مفهاش عفشه يعتبر
العربيه وهى واقفه ممكن يايدى احرك الكاوتش اللى قدام وازقه لجوه وبره بيتحرك ومبيقولش لأ

[saint]

انت محتاج عفشجى لان واضح ان المشكلة مش بسيطة
او كانت بسيطة قبل 5 شهور وانت بتجرى عليها
نصيحة بلاش كسل فى موضوع العفشة وربنا يسترها علينا وعليك

[kasten]

انت محتاج عفشجى لان واضح ان المشكلة مش بسيطة
او كانت بسيطة قبل 5 شهور وانت بتجرى عليها
نصيحة بلاش كسل فى موضوع العفشة وربنا يسترها علينا وعليك

متشكر جدا لردك
اخلص امحانات بإذن الله واشوف موضوع العفشه دى

[sameh127]

المقصات الأمامية للجولف عندك فيها جلب متأكلة و تالفة(مقطوعة) فك المقصين الأماميين و ركبلهم جلب جداد
و اكشف على بيضات الطرف لسكاترة الدركسيون و اكشف على الإسكاترة اذا كانت عايزة حشو ولا لازم تتغير بسكاترة اخرى سليمة.
لمعرفة تلف الإسكاترة ،قف بالعربية و اطفئ المحرك و حرك الدركسيون يمينا و يسارا بنفس اليد ،لو سمعت صوت تخبيط عند نهاية كل لفة يبقى السكاترة عايزة صيانة وبها مشكلة سواء بيضات السكاترة مبوشة او سنون السكاترة نعمت او السكاترة عاوزة شحم و حشو بداخلها.
ملهاش لازمة تظبط زوايا و العفشة بايظة لأنها زى عدمها لأن البوش الموجود في العجل يمينا و يسارا (بسبب بيضات الطرف او بوش السكاترة) حيخلي ضبط الزوايا يكون غير حقيقي بسبب حرية حركة العجل لبرة و جوة مع المطبات و الفرامل و التحويد لأي اتجاه. ضبط الزوايا ضروري بعض صيانة السكاترة علشان مايأكلش الكاوتش و علشان العربية ماتحدفش منك شمال او يمين مع المشي بالعربية