يعنى ايه تشحيم العفشة ؟؟

[hossam_elwani]

يعنى ايه تشحيم العفشة ؟؟

ايه الى بيتشحم بالضبط ؟؟ وبيفيد بأيه ؟؟

[mahmoodallam]

متنابع باهتمام

[caysersosaih]

اللي بيتشحم القنطرو والمقصات وجلب المقصات وبلي العجل والكبالن بس المفروض يتغسلوا كويس بالجاز الأول
بيقيد ان صوت التزييق بيروح وبيحافظ علي العفشو من البارومه عشان كده بعد كل شتا لازم تغسل العربية من تحت

[SiGmAa]

اللي بيتشحم القنطرو والمقصات وجلب المقصات وبلي العجل والكبالن بس المفروض يتغسلوا كويس بالجاز الأول
بيقيد ان صوت التزييق بيروح وبيحافظ علي العفشو من البارومه عشان كده بعد كل شتا لازم تغسل العربية من تحت

ودة ياباشا بيبقى عند الميكانيكى ولا فى المغسلة ؟؟!!

[ahmednashaat]

اى بنزينة يا باشا

[ahmed_moeaz]

الأهم من التشحيم زى مالاخ caysersosaih قال غسيل السيارة من تحت بالجاز ضرورى كل فترة ومفيش مانع من تزييت العفشة ورا او

[boing]

بس انا سمعت ان الموديلات الحديثة ما بتتشحمش يكفي الغسيل فقط

هل الكلام ده مظبوط لو سمحتم؟؟؟

[weka_sa]

بقولك ايه ياباشا انا معايا دايو لانوس 2005 جايبه زيرو من سنة 2005 بس لحد دلوقتى ماتغسلتش من تحت نهائيا بس فى التوكيل بيشحمو العفشة على طول فى كل صيانة
بس لحد دلوقتى ماتغسلتش نهائي من تحت فهل كدة ممكن لما اروح اغسلها هلاقى برومة ولا لأ
ارجو الافادة عشان البرومة دة كابوس لكل عربية

[A.Saad]

اغسلها بالفوم او المياة ونشوف
العربيات الحديثة بلاش غسيلها من اسفل بالجاز
لان فيه طبقة عازل اسمها الاندر كوت الجاز بيبوظها

[weka_sa]

يعنى بلاش اغسلها بالجاز ؟
وشكرا للافادة

[A.Saad]

ما تغسلش البطن كلها
لكن العفشة ممكن

[weka_sa]

انا غسلتها النهاردة من تحت بالماية وبعد كدة رش جاز على المساعدين الامامى والخلفى وعلى الموتور من تحت وبقت بسم الله ماشاء الله فبريكة