حد فكر فى الفكرة دى ونفذها قبل كده

[kantoosh]

السلام عليكم ورحمة الله وبركاته
انا معايا عربيه بولونيز وانكسر منى الشداد بتاع العجله الامامية وطلعت فوق الرصيف وكانت هتحصل كارثه لكن ربنا ستر ومن ساعتها وانا مهزوز وخايف يتكرر تانى
المهم انا فكرت فى فكرة انى اعمل امان للشداد والمقص علشان لو انكسروا فى اى وقت نتفادى الكوارث اللى ممكن تحصل من وراهم والافكار اللى فكرت فيها كالتالى :
1 - اما انى اعمل وصله حديد تربط بين مسمارى الشدادين بتوع العجلتين وكده على حد فهمى ان لو شداد اتكسر هيحمل على الشداد التانى وهيخلى العجله ما ترميش وتقدر تسيطر على العربيه ؟؟؟
2 - او انى اظبط العجله والزوايا 100% ثم اقوم بعمل لحام بماسوره تربط بين مسمار الشدادا والشاسيه بحيث انه فى حاله كسر الشداد او المقص يكون هناك شىء ماسك للعجله ؟؟؟
ده كلام نابع من فكرى المحدود واتمنى انه يكون فى الامكان التعديل لزيادة الامان حتى نتفادى حدوث الكوارث ومن لديه افكار جديده يضعها لهلنا نجد ضالتنا من كل من لديه خبره وعلم

[kantoosh]

اين خبراء العفشة

[kantoosh]

الناس المفكرين والخبراء والمهندسين والمفتكسين فين

[HotRide]

مينفعش تعمل شداد للمقص ده هيعيق الحركه و كمان مش هيحميها من الانكسار والله اعلم

انت الي حصل معاك امر مش متكرر فهي قضاء و قدر و ان شاء الله مش هتحصل تاني
طب انا مره كنت بلف علي 70 وبليه العجله الخلفيه فركت و العجله طاريت و كنت ماشي 3 عجلات و عومت جدا و تحكم فيها كان شبه مستحيل كان رعب جدا ليا و للموجودين و جبت صرره بالبليه و خلاص انتهت ساعات كده يبقلنا مشاكل الي هي مبتحصلش بصفه متكرره و ربنا يستر طريقنا :)

[lancerevolution]

أعتقد إنى دى مجرد حادثة عابرة مش أكتر مش محتاجة غير إنك تتأكد إن العربية إتصلحت تمام و قطع غيار أصلية

[Adham]

ماينفعش ان الحل يبقى بتركيب مواسير و لحامها بين الشدادات و المقصات بشاسية السيارة

الأسلم و الأصح و الأوقع هو الاهتمام بتغيير تلك الأجزاء بصفة دورية في مواعيد معينة لان الصلب بيضعف نتيجه الإجهاد و الأهلاك و مع المطبات

يعني غير الشدادات كل 100 الف كيلو و البيض كل 50 الف كيلو مثلاً او حسب استخدام السيارة لو استخدام ناعم و على طرق كويسة ممكن اكتر و لو استخدام شاق و قيادة عنيفة على طرق غير ممهدة يبقى غيرهم بصفة دورية

انما في مصر محدش بيغير الحاجات دي الا لما تتكسر و تتلف تماماً

و الشدادات دي مابيبانش عليها التلف و انما اعتقد ان تغييرها مفروض كل عمر افتراضي معين سواء مثلاً 100 - 150 الف كيلو متر او 5 سنوات مثلاً لأن البارومة و الاجهادات بتأثر عليهم و يبقوا عرضة للكسر بدون سابق انذار زي ما حصل مع حضرتك

[kantoosh]

الف الف شكر ليكو يا جماعه بس انا المشكلة ان الموضوع ده اتكرر مرتين فى شهر واحد ونفس الشداد والنوع استيراد واللى جبته الاخير جديد بس بتاع الزوايا قاللى ان الاستيراد احسن وان ده نوعيتة وحشه طيب اعمل ايه الاستيراد اتكسر مرتين فى شهر واحد والجديد خامته وحشه قولت افكر فى حاجه تعمل امان اكتر وبالنسبه للاخ اللى البليه بتاعة العجله الخلفيه فركت هو ده بيظهر فجاه ولا ليها مقدمات يعنى انا مثلا بتاع ظبط الزوايا قاللى ان العجله الاماميه البليه بتاعتها فيها بوش هل ده ضرورى تتغير ولا ممكن امشى عليها لغايه ما اروح للميكانيكى بتاعى ؟؟؟؟