مساعدين مونرو غاز على زيت لفيات 132

[sharko]

السلام عليكم و رحمة الله و بركاته
أنا معايا فيات 132 و المساعدين عندى خفاف أوى و كنت بفكر أركبلها مساعدين مونرو غاز على زيت عشان سمعت إنها نوعاً ما بتجمع بين الراحة و الأداء الرياضى يا ترى الكلام ده صح؟
كمان عاوز أعرف لو حغير السوست عشان العربية واطية أوى أجيبها نوعها إيه؟ و فى سوست مونرو ولا لأ؟
وبالنسبة للتكاليف ال4 مساعدين بكام و ال4 يايات بكام؟
و حد يعرف أجيبها من عن مين فى إسكندرية؟
كمان ناوى بإذن الله أركب جنوط 15 أو 16 يا ترى تنصحونى بأنهى مقاس بحيث ما يأثرش على العفشة؟
و إيه أنسب مقاس كاوتش للجنط ده؟
وبجد شكراً مقدماً لكل واحد حيقدر يفيدنى بمعلومة

أخوكم محمد الشرقاوى

[sharko]

فى إنتظار الرد

[gbgeorge]

انا مغير السوست الفردة ب 100 جنية لكن بالنسبة للجنوط 15 كويس لكن اعتقد ال16 هايتعب العفشة

[sharko]

انا مغير السوست الفردة ب 100 جنية لكن بالنسبة للجنوط 15 كويس لكن اعتقد ال16 هايتعب العفشة

شكراً يا باشا عالرد بس ماقولتليش سوست نوعها إيه اللى ركبتها؟

[sharko]

إيه يا جماعة ماحدش عاوز يرد عليا ليه ؟

[sharko]

مازلت فى إنتظار الرد

[elnakshabandy]

انا معايا 131 وغيرت 4مساعدين مونرو امامى وخلفى من6شهور تقريباوهم الحمدلله كويسينوكانوا بحوالى680ج

[sharko]

انا معايا 131 وغيرت 4مساعدين مونرو امامى وخلفى من6شهور تقريباوهم الحمدلله كويسينوكانوا بحوالى680ج

ياااااااااااااه أحمدك يارب أخيراً حد رد عليا

مش عارف أشكرك إزاى و الله يا باشا

بس كنت عاوز أعرف المساعدين المونرو اللى أنت مركبها غاز بس ولا زيت على غاز؟

و ياترى حسيت بفرق بعد ما غيرتهم؟

و جبتهم من عند مين؟

سمعت عن واحد إسمه هشام لهيطة فى الشارع اللى قدام سنترال رمسيس ياترى ده كويس و أسعاره كويسة؟

على فكرة أنا من أسكندرية و حاجى أجيبهم من القاهرة بإذن الله عشان مش لاقيهم عند حد هنا

[smsm_cato]

انا لسه سائل على المساعدين الاسبانى غاز على زيت الاربعة عاملين 500 جنية اما السست ممكن تجيب استيراد الاربعة عاملين 200 جنية

[tareket]

انا غيرت المساعدين فى فيكترا 95

المساعدين كانوا غاز + زيت

ومغيرتش السوست

الثبات على السرعات العالية كان ممتاز و المسعدين مش ناشفين

ياعنى حلوة جدا جوا البلد وعلى الطرق السريعة

انا اشتريت الامامى والخلفى من الحرفيين فى توكيل مونرو هناك