سؤال صعب لأهل الخبره في الجنوط و العفشه برجاء الاهتمام

[nour2019]

السلام عليكم ... انا معايا فيات 131 كوبيه و معمول فيها شغل بودي كيت و فرش و متضبطه اخر دماغ .. و ضمن التضبيط متركبلها جنوط 15 و عليه كاوتش عريض جدا صاحب العربيه الاصلي عامله .. بس المشكله الجنط ال 15 بحسه تقيل اوي ع العفشه لان جنطها الطبيعي 13 بس و ناس قالتلي انه هيبوظلك الدنيا و يدغدغ المساعدين و انا حالياً معايا فلوس و ناوي اركب عفشه جديده بس متردد لحسن اجيبها و الجنط يبوظها .. ياريت تفيدوني يا جماعه لاني فعلا تعبت من الموضوع ده و الي جابرني على الجنط ان العربيه متسقطه و الجنط هو اللي مديها منظر جامد اصلا و لو ركبتلها 13 هيبقى شكله سخيف جدا و هيبوظ كل الشغل و بالنسبه لنوع العفشه .. المساعدين المونرو ايه ظروفها و تستحمل الجنط و لا لأ ؟ و أسف على الإطاله و أرجو الرد عليا عشان انا تعبت يا جدعان

[vooooo]

فعلآ الجنوط الكبيره هتتعب المساعدين بسرعه

الافضل من رايى انك تركب الجنوط الأصلى و تعرض حجم الكاوتش حاجه بسيطه جدآ
يعنى لو الأصلى 185/60 r13 هات ال 195/60 r13 ده هيريح العربيه كتير و يحافظ على المساعدين

بالنسبه للسماعدين ماعنديش معلومات عنها لكن أسمع ان المونرو كويس للفيات لكن مش متأكد

[nour2019]

قبل اي حاجه شكرا على الرد .. بس في نقطه هنا ... انا الكاوتش عندي 195\50 و بصراحه منظره تحفه و جود يير و مديني عامل ثبات على الطريق ممتاز .. السؤال هنا بقى العفشه الكوني السبور تستحمل الجنوط و لا لأ و لو تستحملها اجيبها منين و سكتها ايه

[nour2019]

ايه يا شباب انتوا روحتوا فين ؟