اشهر مشكلة عفشة

[dya2008]

السلام عليكم


معروف ان اشهر مشكلة تواجه سيارة من ناحية العفشة هي التعويم لانها بتفقد العربية الاتزان و لو الطريق زلق او فيه طين او رمله بتكون مشكلة
اللي مضايقني ان رحت التوكيل قلت لهم ان العفشة محتاجة تربيط لاني حاسس ان العربية بترزع في المطبات قالوا ان جلبات العفشة (8) للشدادات تحتاج تغيير و محتاجه حشو علبة دريكسون المهم ان العربيه فعلا طلعت ماسكه نفسها اكتر لكن بتعوم عوم فظيع يعني الاقي :
1-اني ونا ماشي عادي بلاقي الدريكسون حفيف جدا
2- لما الف مش بيرجع لوضعه لكن لازم اسعاده بايدي و ارجعه انا قلت ممكن شوية و بيظبط
3- و دي اهم نقطة لما اخد مطب علي سرعه يعني اصغر مطب مش محتاج حتي ان اهدي او لو دوست علي ظلطه الافي العربيه عامت جامد جدا و لما اخد مطبق ببطئ الاقي الدريكسيون بيروح يمين و شمال !!!!!!!!!!!!

حاجه حتجنن ارجوكم لو حد عارف السبب او ينصحني اعمل ايه بعيد عن التوكيل السئ دا

[tom_gr]

نفس مشكلتى بالظبببببببببببببببط
اكنك بتتكلم عن الى كان بيحصلى بالظبط فى عربيتى القديمة

شوف ياسيدى

الخلاصة وبالترتيب
- علبة الدركسيون فيها حاجة مش تمام ولازم ميكانيكى متخصص
- الكشف على العفشة الامامية كامل وتغير الاجزاء البايظة
- الكاوتش اظبط الهوا وغير التالف او بدل اماكن الكاوتش بالفرد الخلفية
- اخيرا ظبط الزوايا والترصيص وان شاء الله العربية هاترجع زى الفل

راى الشخصى السبب الوحيد هى علبة الدركسيون

[dya2008]

[quote]
انا فعلا ضبطت ضغط هوا الكاوتش و ضبطت الزوايا و في التوكيل غيروا كل ما يلزم في العفشة ولسه المشكله زي ما هي
لو المشكله في علبه الدريكسيون اقول ايه بالضبط اللي فيها لاني الحقيقة معرفش هيا عبارة عن ايه او ايه وظيفتها انا عارف انهم عملوا حاجه غلط بس لو في علبه الدريكسيون تبقي ايه مشكلتها و ايه حلها !!!!!

[mbx4e]

السلام عليكم


معروف ان اشهر مشكلة تواجه سيارة من ناحية العفشة هي التعويم لانها بتفقد العربية الاتزان و لو الطريق زلق او فيه طين او رمله بتكون مشكلة
اللي مضايقني ان رحت التوكيل قلت لهم ان العفشة محتاجة تربيط لاني حاسس ان العربية بترزع في المطبات قالوا ان جلبات العفشة (8) للشدادات تحتاج تغيير و محتاجه حشو علبة دريكسون المهم ان العربيه فعلا طلعت ماسكه نفسها اكتر لكن بتعوم عوم فظيع يعني الاقي :
1-اني ونا ماشي عادي بلاقي الدريكسون حفيف جدا
2- لما الف مش بيرجع لوضعه لكن لازم اسعاده بايدي و ارجعه انا قلت ممكن شوية و بيظبط
3- و دي اهم نقطة لما اخد مطب علي سرعه يعني اصغر مطب مش محتاج حتي ان اهدي او لو دوست علي ظلطه الافي العربيه عامت جامد جدا و لما اخد مطبق ببطئ الاقي الدريكسيون بيروح يمين و شمال !!!!!!!!!!!!

حاجه حتجنن ارجوكم لو حد عارف السبب او ينصحني اعمل ايه بعيد عن التوكيل السئ دا

مساء الخير ياجميل
هو انت عربيتك 128 صحيح؟؟ وبيتهيا لي ان دركسيونك مانوال مافهوش باور مزبوط؟؟؟؟
بص انا معرفش فيها
بس من خبرتي المتواضعه القليله وانشاء الله يطلع تحليلي مزبوط
مشكله رقم واحد واتنين 1و2 اعراضهم واحده التعويم يعني بتحس الطاره سايبه منك يامعلم علية الدركسيون في الضيا شيك على السكترا والبنيون
السكترا عبارة عن مسطره مشرشره او مسننه تخيل ترس مفروده سنانه على خط مستقيم بيلف عليه ترس مدور اللي هو البنيون ودا بياخد الحركه من الطاره عن طريق القطمه اللي بدورها بتاخد الحركه من الطاره والاسكترا وظيفتها انها بتحول الحركه الدائريه المركزيه اللي جايه من البنيون الي حركه اتجاهيه في خط مستقيم يمين او شمال وتودي الحركه الخطيه دي لحاجه اسمها بيض واتياش او بارات الدركسيون او الشمعدان اللي بيودي الحركه للعجل بعد كدا
بالتالي لحل مشكله العومان دي تكشف على علبة الدركسيون اولا (سكترا وبنيون)
بعدين تكشف على بارات او اتياش الدركسيون والبيض بتاعهم وبالمره على بيض المقصات ويشحمو ويتكبسوا حلو او يتغيرو بحاجه وياريت تجيب حاجه غير الايطالي لان في 128 بيقلك الايطالي بتاعه مغشوش او المغشوش فيه كتير وكمان تامن على اي جلب او الحشيات المطاطيه والمعدينه اللي موجوده في المقصات وتكبسهم او تغيرهم لو بايظين
المشكله رقم اثتنين وانا افترضت قبل كدا انه دركسيونك مانوال مش باور فخد كلامي كله على هذا الاساس الكلام السابق والتالي المهم المشكلة رقم 2 اللي الدركسيون او الطاره لما بتاخد ملف او يوتيرن الدركسيون مابيرجعش لوحده نهائي او في بعد الاحيان لازم تساعده يعني بيرجع معاك بس وانت تديله زقه كمان فيه تقل دا بسبب الحشو لسا ماتطبعش او مش راكب تمام والحشو بيتكون من بكره بلاستك في حجم بكرة شريط اللحام او بكرة البلاستر الصغيره بالاضافه لكوتشتين على شكل حلقه اللي هم الاويلسهات باتعتها كمان في حاجه بيسموها مكبس او بستم صغير ودي عباره اسطوانه بلاستك من ناحيه (قاعدتها مثلا) دائريه الناحيه التانيه(راسه مثلا ممكن يكون العكس) مخروطيه مشطوفه انا بحاول اقرب لك الصورة المهم الحشو ماتطبعش او لم يتركب بشكل صحيح
يعد ماتزبط علبة الدركسيون ازبط الكاوتس ورصصهم كويس وازبطالزوايا والاتزان امامي وخلفي وزبط الجنوط لو فيها خبطات او معوجه على اجهزه كويسه عند ناس بتفهم
المشكلة استمرت بعد كدا شوف بقى القطمه وهي الجزء او العمود اللي بين الطاره وبين علبة الدركسيون
ولو عندك بارو راجع على زيت الباور و سير طرمبة الباور و البلوف والصمامات بتاعتها ودا كل اللي اعرفه

[dya2008]

لا يا باشا عربيتي اكسبلوجن بس نوع العربيه مش بيفرق كتير في موضوع العفشة ما دام كله نفس الفئة و متعدد الوصلات
و عموما انا فعلا مشكلتي اللي انت وصفتها بالضبط
بس مش عارف ازاي في المشاكل دي و في التوكيل حشو علبة الدريكسيون ؟
عدم رجوعه لوضعه بعد اليوتيرن ممكن فعلا يكون لسه مطبعش حشو العلبه لكن هل التعويم و شعور ان الطارة سابية هل دا ناتج عن انها تحتاج تطبيع و لا هما فعلا بوظوا حاجة لانها ما كانت كدا قبل ما اروح التوكيل!

[Ahmed Hassan]

هوه فيه توكيل بيعمل حشو علبة دريكسيون؟!!
الصح العلبه لو بايظه تتغير.

[mbx4e]

بص بعد حشو علبة الدركسيون الطارة بتقى تقيله ومابتردش بعد الملف عشان المفروض الحاجات دي تتركب بمكابس خاصه ومكن بيزبط الحوار دا بس هنا في مصر يايدوي يا مكن قديم وصنايعي مش عارف هو بيعمل ايه وبيطلصق
صحيح اكسبلوجن دي ايه ( صناعه ايه الاسم عدا عليا بس مش مجمع ) واعذر جهلي ؟
انصحك ترجع التوكيل تاني لو انت في الضمان من حقك علبة دركسيون مش يعملها حشو لان كدا يبقى عيب صناعة
لو انت مش في الضمان شوف صنايعيه نظاف ومحترمين والعمليه بسيطه بس اهم حاجه الصنايعي اللي يشتغل تبقى انت فاهم هو بيعمل ايه ليه ولو طلع تشخيصه غلط تشيله الشغل الزياده