للفاهمين فقط مناقشة جادة عن المساعدين

[Xander2010_Evo]

طيب وفكرة الصداد ده مهو لما المساعد يوصل قبل الديد لاين ها اخد الصدمة كلها ولكن انا بفكر اني اعمل المساعد ممكن يوصل لمرحلة الفاكيوم كمان بيسحب الضغط بالنيجاتيف !!

فيه فكرة تانية حلمت بيها وشكلها إفتكاسة

كسبولة الضغط :))
يعني المساعد يتوصل ف نهايته من الجانب خارجيآ زي أنبوبة مثلآ والفاصل بين المساعد والأنبوبة دي كبسولة
تستحمل لحد الضغط إللي إنتا بتقول عليه ده وبعدها تنفجر وتسمح للزيت الزيادة إنه يتنقل للأنبوبة ذات الحجم المعين ده
وأتحداك تكون فهمت قصدي أساسآ :))

[sayed911]

ايه ر أيك اني فهمت بقى يا مصطفى :d :d
وممكن الكبسولة دي تطرد الزيت للخارج وتبقى حافظت على المساعد يا معلم :d

[Xander2010_Evo]

ايه ر أيك اني فهمت بقى يا مصطفى :d :d
وممكن الكبسولة دي تطرد الزيت للخارج وتبقى حافظت على المساعد يا معلم :d

طب كويس
واحد فهم كلامي أهوه
وتبقي بقي ياريس الكبسولة دي بتتغير مثلآ كل لما يحصل الكلام ده
أو ممكن بعد الكبسولة والفوليم المعين يتوصل بكمبروسور معين يرجع الزيت تاني للمساعد بعد العملية دي كلها
هههههههههههههههه صباح الإفتكاسات

[THE_HERO2005]

انا شفت كل الكلام الى انتو بتقولو عليه فى اى عربية بنظام full ESP
اى عربية معدية 600.0000 وبنظام ال ESP المساعد بيوزع الاحمال وكل الأفتكاسات دى وتقريبا شوفتها فى عربية جاجور على توب جير وقعد يقول العربية دى بتحسب فرق الأوزان 15 مرة فى الثانية علشان تعرف تظبط الفرامل والعربية ما تحدفش منك فى الملفات وكمان فى ان تتحكم بارتفاع العربية توماتيكى توماتيكى والاربع مساعدين متوصلين بالكمبيوتر بحيث يمتصواالصدمة مع بعض حتى لو لبست المطب بالعجلتين القدام الاور بردوا بيتاثرو ويمتصوا جزء من الصدمة علشان مفيش حاجة توصل للكابينة

انا فكرت فى افتكاسة تانية ان احنا نعمل المساعد ببستمين او نركب 2 مساعدين فى الفردة الواحدة وبدل كدا ماتشيل صدمة ب500 كيلو تشيل طن بس الفكرة ازاى اخلى الاتنين يوزعو حمل الصدمة مع بعض بالتساوى ؟؟؟!

[reamoz]

يا جماعه وجه نظري المتواضعه إنكو بتتكلمو في موضوعين مختلفين

الموضوع الأولاني خالص إن المساعد يستحمل وميبوظش الموضوع مالوش دخل بنوع السائل أو الغاز اللي جوه المساعد في رأيي المتواضع لأن المشكله مش في إن الماده نفسها بتبوظ أو مش بتستحمل، المشكله إن الأويل سيل اللي بيحافظ على الزيت جوه المساعد هو اللي بيضرب وبكده الماده اللي جوه المساعد بتتسرب وبتقل وده اللي بيسبب قله الكفائه ثم إنعدامها مع الوقت...

أما بقى بالنسبه للموضوع التاني اللي هو تزبيط الإرتفاعات حسب الأحمال بحيث إن العربيه متكونش مايله من ناحيه واحده في حاله الحمل عليها فدي موجوده فعلا في العربيات الغاليه، وهي عباره عن مساعد فقط منغير سوسته والمساعد ده عباره عن إسطوانه متوصله بخرطوم جاي من أكتواتور بيوزع على الأربع إسطوانات متوصل بكمبرسور هواء وفي حساس عند كل إسطوانه بيقيس إرتفاعها وطبعا في كمبيوتر بيقارن الكلام ده ببعضه ولو أي إسطوانه من الأربعه إحتاجت ضغط زياده الكمبرسور والأكتواتور بيقومو بالواجب.