صوت عالي الناحيه الشمال

[Mahmoudyoussif]

انا معايا بولو 95 كنت بسمع صوت زي صوت ونونه كده على السرعه العاليه

انا افتكرته صوت الموتور الاول لقيته مش هوا المهم الصوت بييبان بعد 40 مثلا او 60

الصوت ناحيه الشمال تحت رجلي ... رحت لعفشجي قلي دا بلي عجل

غيرت بليه امامي و بيض مقصات ... الصوت زي ما هوا قالي اظبط زوايا

و الصوت دا هيختفي بس لسه ما ظبطش بس مش مقتنع اني لو ظبطت زوايا الصوت هيروح

لأن اللي اعرفه الزوايا لو العربيه بتحدف او في صوت امريكاني ولا حاجه ... يا ريت تساعدوني

[eslamspirit]

ماهو ممكن يكون البلي اللي اشتريتة يكون مضروب
او المشكلة في البلي اللي ورا
ودة ممكن تكشف علية بنفسك انك ترفع العربية و تلف العجل بايدك و تشوف العجلة اللي فيها خشونة و مش بتدور براحتها يبقي البلي بتاعها هوة اللي فية المشكلة

[Mahmoudyoussif]

البلي اللي اشتريته skf اللي هوا بتاع العربيه الاصلي

هل ينفع اني ارجعه مثلا .... بعدد ما ركب و هل

البلي الخلفي يأثر على الصوت او يبقى قدامي

[Mahmoudyoussif]

الموضوع صعب ولا ايه يا جماعه

[mrastra]

العيب عيب بلى فعلا بس غريبة ان الصوت موجود
سبنى افكر فيها دى لانها صعبة شوية

[Mahmoudyoussif]

انا ظبطت زوايا امبارح الصوت خف شويه

بس موجود بنسبه اقل مش عارف بقى اعمل ايه

في ناس قالولي كاوتش مش مظبوط ارصص و لا ابدل فرد و لا ايه

[Mahmoudyoussif]

يا جماعه الصوت راح الحمد لله دا كان بلي امامي بس يمين كمان مش شمال

[minded]

بص يا سيدي ممكن ترصص وتبدل العجل ولو الصوت موجود

فالسؤال هنا العربية دي فيها كبالن داخلية فلو فيها كبالن داخلية يبقي الكوبلن الشمال عاوز يتغير وراجع الميكانيكي مرة تاني بهذا الخصوص

[Mahmoudyoussif]

بص يا سيدي ممكن ترصص وتبدل العجل ولو الصوت موجود

فالسؤال هنا العربية دي فيها كبالن داخلية فلو فيها كبالن داخلية يبقي الكوبلن الشمال عاوز يتغير وراجع الميكانيكي مرة تاني بهذا الخصوص

الف شكر يا باشا الصوت طلع بلي الناحيه التانيه فعلا