تغير الدلكسيون العادى لباور لفيات 132

[mohamed81m]

السلام عليكم يا احلى منتدى

انا عندى عربية 132 دليكسيون عادى كنت عايز اغيرة باور

بس عايز اعرف

1- اية مشاكل الباور

2- وهل العربية وهيا مبطلة متقدرش تلف الدليكسيون لا بيبقا زى العادى

3-وياريت لو حد يعرف التكلفة حتبقا كام

4- تنصحونى بايه اخالى العادى ولا اغيره لباور ولو خاليت العادى فى حاجة ممكن تخليه اخف من كدة

ياريت حد يفدنى فى الموضوع دة علشان حاسس ان الدليكسيون عندى فى بوش خفيف

الف شكر ليكم واسف على الاطاله

[HotRide]

1- ان شاء الله يكون مفيش مشكال بس تجيب طرمبه كويسه و علبه محترمه مكنش فيه تسريب زيت او حاجه

2- لا بيبقي اتقل من العادي و هي مبطله

3- انت هتجيب العلبه و طرمبه بتعتهها والله معرفش اي تكاليف

4- ديه حاجه ترجعلك بس هي تكلفه و نتيجه غير مضمونه 100 100

[modo88]

1. فعلا مفيش مشاكل من الباور بس تجيب حاجات الباور من مكان موثوق منه ويكون طالع من نص مش تجيب حته من الشرق وحته من الغرب
2. لو العربيع مبطله لازم الدريكسيون يكون تقيل لان الطمبورة بتاعه الطرمبة الباور مش بتلف وبالتالي مفيش زيت بيتضخ عشان كدا والعربيه مبطله بتبقا زيها زي العاديه
3. بالنسبه للتكلفه مش عارف قطع غيار الفيات بكام بس عندي في الاكسنت ركبته كله في بعضه كان متكلف 450 قطع و 50 مصنعيه
4. علي حسب راحتك وميزانيتك عايز باور هايفرق معاك كتير جداا في السواقه والركن مش عايز اعمل الاسكترا القديمه وظبطها وخلاص

بس خلي بالك انت هاتجيب حاجات كتير اولا اسكترا باور غير العاديه اللي عندك والاسكترا الباور اللي يفرقها عن العاديه بتبقا فيها مواسير عشان الزيت وهاتجيب الخراطيم بتاعتها وخلي بالك مش اي خراطيم لازم تطلعه من نص عشان تضمن انها تبقا بخراطيمها واوعي يضحك عليك ويقولك اعمل كبس للخراطيم لانها مش بتبقا بكفائه خراطيم بلادها وهاتجيب العلبه اللي بيتحط فيها زيت الباور وهاتجيب طرمبة باور وسير والاهم من كل دا عشان متنساش الطمبورة اللي هايلف عليها السير لانها طبعا اكيد مش موجوده في الموتور عندك دي بالزات خلي بالك منها اووي لان من غيرها مش هايشتغل معاك
تحياتي ليك وللجميع

[mohamed81m]

الف شكرا ليكم على الرد على الموضوع انا دلوقت اطمنت شويه وان شاء الله لو فى نصيب وعملت موضوع الباور

حكتب النتيجة والتكلفة
وجزاكم الله كل خير

[toomy_29]

اولا ال132 على علبه دريكسيون مش على اسكترا و كل ما فى الموضوع انك حتغير علبه دريكسيون و طلمبه باور و خزنه و خراطيم باور ودا تقريبا من1000 الى1200 جنيه و حيتم تعديل دوره التبريد بانك حتركب فلانشه وتركب معاها مروحه يابانى بتاعه تويوتا و كدا تنسى السخونه كمان و تبعد المروحه عن الطلمبه الباور

[spiderman_fathy]

السلام عليكم يا شباب
في موضوع الباور ده كنت هعمله في عربيتي 132 بس لما ابتديت علشان اجيب الحاجات دي قالولي ان الباور في ال 2000 علشان بيكون الشاسيه بتاعها اعرض شويه من الشاسيه بتاع 1600 وممكن يركب بس هتلاقي الشاسيه من عند العلبه هيتشرخ كل فتره فقولت انشتغل بيها كده واظبط العلبه لغايت لما ابيع العربيه علي حالتها علشان انتوا عارفين ان البور في البلد دي نعمه كبيره اوي واللهي
فلو الكلام ده صح يا ريت تقولوا اراكوم علشان الافاده تعم علي الكل بعتذر عن الاطاله