تركيب الفلانشات ومسامير الطنابير الخلفية

[al_manara]

السلام عليكم
كل عام وانتم بخير . تقبل الله منا ومنكم صالح الاعمال

كان عندي مشكلة قبل كدة واتحلت الحمد لله مع بتاع الزوايا

http://www.nilemotors.net/Nile/230732-15.html

المشكلة بقي دلوقتي عند التحميل الزائد شوية في الشنطة ودة للتجربة .الكاوتش الي ورا بيحكوا
لان كمان كان في علايات كنت حاططها وشلتها .

سالت عند كام واحد من بتوع الكاوتش علي الفلانشات للعربية مش لاقيها . رحت للخراط قالي هاعملك الفلانشات سمكها 1 سم وفيها جزي بيدخل في الجنط عشان يكون الحمل علي الطنبورة والمسامير مش المسامير بس . وقالي هانغير المسامير الي ورا بمسامير اطول . اية رايكم ؟



علما بان الخراط هاياخد 200 جنية في الفلانشتين . والمسامير جديدة ب 50 جنية
هل دة كويس ولا هايبقي فية مشكلة .
نفسي اركب الجنط الخلفي انا تعبت

[al_manara]

هو انا دخلت علي الصحرا ولا اية

[ahmedtunning]

انا عامل عندي كدا ومفيش اي مشاكل لحد دلوقتي

[ahmedtunning]

بقالي 3 سنين او اكتر

[al_manara]

الحمد لله الصحرا بدات تعمر
طيب جميل . هل العربية بيكون فيها رجة علي السرعة ؟ في طريق سفر يعني

[HADEDA]

انا مركب فلنشات ورا فى عربيتى الواحدة ب10جنية مش عارف ايه الفرق بينها وبين الفلنشات بتاعة حضرتك

[al_manara]

انا مركب فلنشات ورا فى عربيتى الواحدة ب10جنية مش عارف ايه الفرق بينها وبين الفلنشات بتاعة حضرتك

طيب ممكن لو تلاقيلنا صورة ليها يبقي تمام . وهي سمكها اد اية ؟

[HADEDA]

والله مش عندى صورة بس انا الى فاكره انى كنت عند العفشجى وكنت عايز اخلى الكاوتش يكون خارج لبرة شويه عشان بيكون شكله افضل رحنا لمحل بيبيع قطع غيار استيراد وجبت الفلنشتين ب20جنيه وكل الى عملناه فكينا الكاوتش وركبنا الفلنشه على مكان المسامير وبعد كده ركبنا الكاوتش تانى وبس كده

[al_manara]

شاكر ليك . يعني اسال عليهم الاول عند بتوع الاستيراد

[HADEDA]

العفو على ايه انشاء الله هاتلاقيهم عند اى حد بتاع استيراد