اية هى الزرجينة

[Ahmed_Rahem]

السلام عليكم
انا معايا جولف 2 وفيها حدفة يمينن روحت لبتاع زوايا (برجيستون شارع مراد) قالى العربية فيها عجلة الزاوية بتاعتها مش مظبوطة ومحتاجة زرجينة.
قلتلة كفاية كدة.
انا عارف ان زرجينة دى لاستعدال الشاسية، يبقى استخدمها لية فى ظبط زوايا علشان تصليح 2 مليمتر (مش سنتىمتر).
ارجو الافادة

والسلام ختام

[eng.m7md.ali]

لا هو يقصد زرجينة في المساعد مش في الشاسيه
بتحصل من كتر المطبات والحفر اللي الواحد بيلبسهم كل يوم متقلقش دي حاجة طبيعية وبتحصل

[mahamede]

روح لسمكرى كويس يعملهالك ,, وهيا حاجة بسيطة متقلقش ,,

[ahmedtunning]

روح لسمكرى كويس يعملهالك ,, وهيا حاجة بسيطة متقلقش ,,

+11111111111111

بس هي الصورة اللي في التوقيع
انا اول مره اعرف ان مرسيدس داخلت في الطيارات :]:]

[mahamede]

+11111111111111

بس هي الصورة اللي في التوقيع
انا اول مره اعرف ان مرسيدس داخلت في الطيارات :]:]

يا حبيب قلبى دى مرسيدس s600 ربنا يوعدنا بيها يارب ,, وكل عام وأنتم بخير ,,,تحياتى ,,,

[Ahmed_Rahem]

لا هو يقصد زرجينة في المساعد مش في الشاسيه
بتحصل من كتر المطبات والحفر اللي الواحد بيلبسهم كل يوم متقلقش دي حاجة طبيعية وبتحصل

روح لسمكرى كويس يعملهالك ,, وهيا حاجة بسيطة متقلقش ,,

الف شكر على ردودكم، بس عايز اعرف هى بتاخد وقت اد اية؟

[eng.m7md.ali]

طيب ممكن تقول الراجل قالك ايه بالظبط ؟؟ المشكلة في الشاسيه ولا المساعد ولا المقص مثلا

[Ahmed_Rahem]

طيب ممكن تقول الراجل قالك ايه بالظبط ؟؟ المشكلة في الشاسيه ولا المساعد ولا المقص مثلا

هو مقلش اية الى عايز يتعدل، هو جاب سيرة الكلمة دى قلتلة سيبها متعملش حاجة لانى خفت انة يعك الدنيا اكتر.

[eng.m7md.ali]

بص هو مدام بتاع زوايا قالك كدة يبقى حاجة في المساعد او المقص
لو العجلة مفتوحة من فوق او من تحت يبقى المساعد لكن لو العجلة مرحلة ورا او قدام وتلاقيها قريبة من كرتيرة العجل يبقى كدة المقص معووج
لو عايز تطمن انا قبل كدة واحد دخلني في رصيف وروحت اظبط زوايا والراجل قالي العجلة مفتوحة من تحت وقالي المساعد عايز ياخد زرجينة وعملتها ودلوقتي زي الفل

[Ahmed_Rahem]

بص هو مدام بتاع زوايا قالك كدة يبقى حاجة في المساعد او المقص
لو العجلة مفتوحة من فوق او من تحت يبقى المساعد لكن لو العجلة مرحلة ورا او قدام وتلاقيها قريبة من كرتيرة العجل يبقى كدة المقص معووج
لو عايز تطمن انا قبل كدة واحد دخلني في رصيف وروحت اظبط زوايا والراجل قالي العجلة مفتوحة من تحت وقالي المساعد عايز ياخد زرجينة وعملتها ودلوقتي زي الفل

هو فعلاً قال ان زاوية العجلة مش مظبوطة، على حسب كلامك يبقى المساعد. انا هروح لبتاع زوايا تانى واشوف هيقول اية.

والسلام ختام

[Ahmed_Rahem]

هو فعلاً قال ان زاوية العجلة مش مظبوطة، على حسب كلامك يبقى المساعد. انا هروح لبتاع زوايا تانى واشوف هيقول اية.

والسلام ختام

انا يوم الخميس رجت لبتاع زوايا تانى فى المنيل، الراجل كشف على العربية والعفشة الاول وقالى ان لازم اغير بيض وجلب المقصات الاول وبعدين اظبط الزوايا لان الموجود مشقق جامد - ومخدش فلوس خالص. هجيب الحاجة واركبها ونشوف.

والسلام ختام

[mody1221]

بص يا باشا اولا ماتقلقش خالص حصلت معايا والعفشجى قاللى مالهاش لازمة تعملها بزرجينة لانها ممكن تفتح الفخدة لو اتشدت غلط المهم دى بتبقى من كتر المطبات وانت بتركن العجل بيخبط فى الرصيف عشان كدة العجلة بترحل سنتمترات مش محتاجة غير ان العفشجى وهو بيغير المقصات يعوج المقص الكام درجة اللى كانو مرحلين ودقبل ماتروح للعفشجى روح للزوايا حيقوللك عايز كام درجة بالظبط لللامام او للخلف ,,,
وبالتوفيق

[Ahmed_Rahem]

السلام عليكم،

بعد شراء جلب وبيض مقصات بتكلفة 260 جنية، والتركيب بكمان 100 جنية - غالى شوية - روحت لبتاع وزايا تانى وقام بالكشف والتعديل وقام بتبديل الاطارات اليمين والشمال والحمد الله الزوايا اتعدلت لا زرجينة ولا غيرها. ودة كان توقعى فى الاول، وكدة بتاع زوايا بريجيستون ملوش فيها لانة اولا لم يقترح على الاطلاق تغيير الجلب وكان عايز يعدل على الى فى العربية - المنتهى عمرهم الافتراضى - على عكس بتوع الزوايا التانين والتالت.

والسلام ختام