مشكله فى مساعدين الشاهين

[mrghost]

السلام عليكم ورحمة الله وبركاته
ياجماعه انا ركبت مساعدين شاهين اماميه جيده تركى نضيفه بس عندى نفس المشكله وهى ان العربيه بتتهبد وتترزع فى المطبات برضه وى ماهى (كأنى مغيرتش مساعدين) ياترى ده ممكن يكون عيب سوست
ياريت تفيدونى لانى زهقت من العربيه بسبب العفشه

[mrastra]

صراحة لا مش عيب سوست
فى سوستة ممكن تطرى انما تنشف لا طبعا ودة يخلينى اسالك انت مغير نوع السوست اللى راكبة بنوع تانى او بتاعة عربية تانية او ممكن تكون مدى علايات للعربية زيادة عن اللزوم انا لية بؤلك كدة لان فى مساعد بيحجر زى ما فى مساعد بيبوظ وبيكون زى عدمة ولو المساعد محجر بيعمل كدة فى العربية وبما انك غيرت مساعدين جداد ونوع كويس زى ما بتقول يبقى الواحد يفكر على طول ان السوست دة متغيرة بحاجة تانية او واخدة عليات

[mrghost]

شكرا ع الرد ياباشا بس دى سوست العربيه الاصلى ومش مركب علايات خالص وهو ده اللى مجننى
انا كرهت العربيه بسبب العفشه الناشفه دى

[saadelden]

غريبه الشاهين عفشتها حلوه بس اوطى حاجه بسيطه عن ال 131 و نفس العفشه بالظبط

كدا شوف عفشجي تاني يبصلك ع العفشه كويس

[mrastra]

شكرا ع الرد ياباشا بس دى سوست العربيه الاصلى ومش مركب علايات خالص وهو ده اللى مجننى
انا كرهت العربيه بسبب العفشه الناشفه دى

بس انا قرات مشاركة ليك وكنت ذاكر فيها انك مغير السوست ومركب علايات تقريبا سوست 32

[mrastra]

بس انا قرات مشاركة ليك وكنت ذاكر فيها انك مغير السوست ومركب علايات تقريبا سوست 32

http://www.nilemotors.net/Nile/3873790883-post3.html

[mrghost]

http://www.nilemotors.net/nile/3873790883-post3.html

ده فى السوست الخلفيه ياباشا انما اللى قدام بتوع الفبريكه معملتش فيهم حاجه خالص

[إبراهيم المصرى]

شوف الكوتش

[mrastra]

طب حضرتك جبت مساعدين غاز+ زيت ولا زيت بس ؟؟

[mido51eg]

اعتقد المشكلة دي من المساعدين. شوف الهبدة دي في انهو جنب واكشف على المساعد ده كويس ... بمعنى انك تخلي العفشجي يفكه واكشف عليه وهو مفكوك.

[mrghost]

ياجماعه معتقدش انها عيب مساعدين لانى لسه مغيرهم بنوع تركى نضيف وبرضه العربيه زى ماهى ناشفه برضه

[mrghost]

ياجماعه بعد ما غيرت المساعدين ودفعت 500 جنيه عليهم اتضح ان الكاوتش هو اللى ناشف لانى نقلته وركبه مكان الخلفى وجبت الخلفى مكانه قدام والعربيه بقت احسن كتير خلوا بالكوا ياجماعه قبل ماتغيرو مساعدين

[Elawany13]

طيب كده المساعدين القدام اللى كانوا عندك (المونرو)
مش بايظين ؟؟؟؟
اتغيروا بدون داعى ؟

[mrghost]

طيب كده المساعدين القدام اللى كانوا عندك (المونرو)
مش بايظين ؟؟؟؟
اتغيروا بدون داعى ؟

مش عارف بقى والله
اهو نصيبى بقى انى اغير المساعدين

[إبراهيم المصرى]

يعنى انا صح الحمد لله