مشكله فى الدركسيون .....نوبيراااااااااااا

[ahmad--ezzat]

السلام عليكم
يا جماعه انا عندى مشكله غريبه جدا وهي ببساطه ان الدركسيون بيحب يميل ناحيه الشمال
ايوه زى ما بقلكم كده.........يعنى لو سبت العربيه ماشيه هتلاقى الدركسيون مدى شمال والعربيه عايزه تحدف....ظبط زوايا اكتر من 5 مرات عند ناس مختلفه (يعنى الزويا مظبوطه) وبدلت العجل وعملت كل حاجه...المهم لما بظبط الطاره فى النص بايدى العربيه بتفضل ماشيه مستقيم لو سبت الدركسيون يحدف شمال...مش عارف اعمل ايه فى الموضوع دة...حد عنده فكره عن المشكله دى !!!!!!!!

[eng.m7md.ali]

في حاجة في المقص عندك ... اصل دي حاجة مش طبيعية .. ومتنساش تتأكد من ضغط الهوا في العجل .. وممكن يكون تيل فرامل قافش شوية من ناحية والناحية التانية لا

[ahmad--ezzat]

في حاجة في المقص عندك ... اصل دي حاجة مش طبيعية .. ومتنساش تتأكد من ضغط الهوا في العجل .. وممكن يكون تيل فرامل قافش شوية من ناحية والناحية التانية لا

والله يا بشمهندس انت فعلا لفت نظرى لموضوع المقصات لانى مغيرها قريب الاتنين وجبت الكورى سعر الواحده 120...هل يمكن المقص يكون تصميمه غلط مثلااااااا انا لسا جايبهم جداد !!!
ضغط الهواء سليم
التيل معتقدش انه يكون قافش
بس ياترا اعمل ايه فى موضوع المقص دة !!!!!!!!

[al_manara]

(مجرد افكار )
ممكن تكون محتاجة زرجينة من قدام .
ركبة مشروخة
مقصات
علبة دركسيون فيها مشكلة

[ahmad--ezzat]

شكرا للرد
ولكنى جربت الزرجينه ومفيش فايده برده
انا شاكك فعلا انه عيب فى المقص نفسه

[mohmmedzohier]

بارات خارجيه وداخليه

[ahmad--ezzat]

انا عملت شغل فى البارات قبل كده بس حضرتك متاكد؟

[ahmedfra]

المشكلة دى هل ظهرت بعد تغير المقصات ؟؟؟؟

[ahmad--ezzat]

المشكلة دى هل ظهرت بعد تغير المقصات ؟؟؟؟

مش متذكر بالظبط بس اعتقد لا
عموما انا ملاحظ انى لو كسرت الدركسيون يمين شويه والعربيه ماشيه.. العربيه بتيجى يمين اه بس مش اوى

بمعنى لو كسرت الدركسيون بنفس القوه شمال العربيه بتحود بزياده

هل دى مشكله بارات مثلا !

[eng.m7md.ali]

مش متذكر بالظبط بس اعتقد لا
عموما انا ملاحظ انى لو كسرت الدركسيون يمين شويه والعربيه ماشيه.. العربيه بتيجى يمين اه بس مش اوى

بمعنى لو كسرت الدركسيون بنفس القوه شمال العربيه بتحود بزياده

هل دى مشكله بارات مثلا !

كدة يبقى بارات او اسكاترا
انت محتاج عفشجي كويس جدا علشان يفهم الموضوع ده

[ahmad--ezzat]

كدة يبقى بارات او اسكاترا
انت محتاج عفشجي كويس جدا علشان يفهم الموضوع ده

شكرا ياباشا على الرد
بس انا اعرف ان البارات بتعمل بوش فى الدركسيون بس
ولا انت شايف ايه !

[ahmedfra]

اعتقد فعلا ان دى مشكلة بارات