فرامل الاكسيل

[wael6]

السلام عليكم
العربيه اكسيل 1500 مو 95 مانيوال
بالنسبة للفرامل
النهارده لاحظت انى قبل ما اشغل الكونتاك دوست ع الفرامل لقيتها ناشفه اول ما شغلت العربيه لقيته نزلت تحت رجلى وطرت شوية ( وجالى نفس شعور لما تكون الفرامل هربانه -- ربنا ما يوريها لحد ) بس هى شغاله كويس بس قلقان من انها طرية شوية
هل هذا طبيعي ؟ ولا لازم تكون ناشفه وفى مقاومه لرجلى فى جميع الاحيان سواء العربيه مبطله او شغاله
(( لان عندى زيت الفرامل بينقص مقدار شفة خزان الزيت كل اسبوعين تلاته مثلا ))
نرجو الافاده وشكرا جزيلا

[saadelden]

الفرامل لازم تبقى ناشفه و العربيه واقفه عشان السيرفو مابيبقاش شغال

اول ما تدور العربيه و انت دايس علي الفرامل هاتلاقيها نزلت تحت رجلك
بس المفروض اما تسيبها تبقى طبيعيه

لكن الي انت بتقول عليه دا ان فيه تسريب زيت ولازم تكشف عليه
ممكن يكون خرطوم من خراطيم الزيت فيه قطع صغير او الماستر عايز طقم جلد

[إبراهيم المصرى]

اكشف على مساتر العجل والماستر العمومى وممكن يبان لو شفت العجل من الداخل لو مرشح حيبان ممكن يكون جلد الماستر ضارب ساعتها غير الماستر بالكامل افضل مليون مره من تغير الجلد

[wael6]

شكرا جزيلا

[aboharb]

اكشف على الماستر الخلفى انا عمل كده معايه فى الاكسيل وبعدين طلع الماستر الخلفى كان عايز سيلات ومن بعدها والزيت مبقاش يسرب الحمد لله

[wael6]

اكشف على الماستر الخلفى انا عمل كده معايه فى الاكسيل وبعدين طلع الماستر الخلفى كان عايز سيلات ومن بعدها والزيت مبقاش يسرب الحمد لله

باذن الله
وربنا يستر طريقكم وطريقنا يارب