كده عفشه بايظه ولا عادي

[romioromio]

السلام عليكم
السؤال باختصار
سيارتي ليجانزا 2002
لما بعدي علي مطبات عيون القطط العربيه بتهبد جامد
او بسمع صوت الهبد جامد...
انا مش بحس للدرجه بس برده بسمع صوت الهبده بحس ان العربيه حتتفك من بعضها

لكن لما بركب عربية زميلي تويوتا برادو prado
بعدي علي نفس المطبات بحس ان انا معزول عن العالم الخارجي
لاصوت هوا ولا هبده ولا اي شئ

علما اني عندي الكاوتش جديد
ولما جيت اربط العفشجي قاللي ان عضلات العربيه كويسه


يا تري ده عادي ولا عفشتي فيها حاجه

[mohamed_selim]

جرب بعربيه تانيه غير البرادو ... عربيه تكون عاديه :)

[romioromio]

لا بجد
طب العادي ايه يا باشا او انت لما بتمر علي عيون القطط
بتحس بيها ولا مبتحسش

[mohamed_selim]

بحس بيها خصوصا لو عاليه و مش مدقوقه جامد فى الارض ... انا وجهه نظرى ان البرادو عاليه و بتاعة off road فممكن عفشتها متخليكش تحس اوى بعيون القطط

[romioromio]

ممكن بردو عشان البرادو حتي جديده وبرده حاجه فخمه

بس المشكله بحس ان العربيه حتتفك من بعضها

[waelfarid]

من غير العفشة شوف وزن العربية وفرق مقاس الكاوتششششششششششش اللي بالنسبة للبرادو حصوة صغيرة مش نص عرض الكاوتش في الليجانزا هو هوه شتان بينهما اي ما اعظم الفرق بينهما

[amdd]

يا جماعة سيبكوا من البرادو خلينا فى حل لعربية الراجل

[A7MED_PHARMA]

ماهو الراجل قارنها بالبرادو

ياجميل البروفيل بتاع كاوتشك...غير البروفيل بتاع كاوتش البرادوو
أكيد هتحس بيها .. والبرادو لأ
كلنا هذا الرجل
نفسي أساسا أعرف إختراع عين الكلب دي فايدتها إيه ؟

[waelfarid]

حلوة يا دكتور (عين الكلب) دي

[motazgamal]

مش عايز افتي هل ممكن تكون مساعدين

[inspiron]

لا تقلق...كان معايا فانتازيا 2010 من الزيرو لما بعدي علي عيون الكلب دي بتسمع في العربية كلها.وطبعا معروف مدي قوة عفشة الفانتازيا..المشكلة مش في العربية..المشكلة في العامل الجاهل اللي داقق العيون دي في الأرض زي ما يكون بيدقها بصوابعه.

[mado83]

بسيطه روح لعفشجى وخليه يكشفلك عليها غير الاولانى

[Ramyhamdy]

نفس المشكله عندي و الله حضرتك .. برضوا بركب عربيتي النيسان و عربيه والدي التويوتا كورولا بحس ان عربيتي جمل والله العظيم ههههه بترزع جامد اوي و التويوتا ولا كاني ماشي بيها اصلا

برضوا شكيت ان العفشه تكون باظت و لحد دلوقت مش لاقيلها حل .. بس انشاء الله هغير عفشه علي الصيف

[M.Alaa92]

ممكن تكون العفشة نفسها نااااشفة ( عشان تدى الثباات) عشان كدة بتهبد ف عيون القطة و التويوتا عموما عفشتها نااعمة ( بالنسبة للسيدان) اما سلام قولا من رب رحيم البرادو و الحاجات دى معرفش :)) غير ان البروفايل بتاع الكاوتش بتاع الليجانزا اقل بكتير من بروفايل البراادو و بالتاالى تحس بيها :)

[A7MED_PHARMA]

انت مقاس الكاوتش عندك كام صحيح ؟