المساعدين

[john55]

امبارح كنت في غبور العبور بعمل صيانه 5000 بصراحه المركز يعتبر صرح يفتخر بيه المهم الصيانه اتكلفت حوالي 325 جنيه مع تغير زيت شل5000وفلتر زيت وربط العفشه ونفخ فلتر التكيف والهواء وهو بينفخهم طلع منهم تراب بكميه كبيره وبعد كدا كان عندي مشكلتين صوت تزييق جاي من الخلف وكان في نتشه في الجير الاوتو اول مشكله كان رافع العربيه وجاب منشار حدادي ونشر حاجه تحت المساعدين انا اول مشفت كدا خفت فنزلتله من مكان الاستراحه للورشه وقلتله انت حضرتك بتعمل ايه قالي في صداده للمساعد بشلها هي اللي بتعمل صوت التزييق وبعد كدا ركب حتيتين زي الكوتش للمساعدين مش عارف الل عمله دا صح ولا غلط ياريت اصحاب الخبره يطمنوني اللي عمله دا في غلط علي المساعدين

[akmm]

متابع وباهتمام وهل فعلا ممكن يحصل كده فى التوكيل ؟؟؟

[john55]

اين الخبراء

[adhamhossam]

معقول دة بيحصل في التوكيل ... يا خبر ابيض
طب معلش للتوضيح أكتر عشان المشكلة مش مفهومة أوي
1- تقدر تصور بتلفونك صورة أو فيديو للمكان إللي كان فيها الصدادة و الكاوتشة إللي ركبها دي
2 - حل حسيت بفرق بحد ما خرجت من التوكيل .... يعني صوت التزييق راح و لا لسة

[john55]

معقول دة بيحصل في التوكيل ... يا خبر ابيض
طب معلش للتوضيح أكتر عشان المشكلة مش مفهومة أوي
1- تقدر تصور بتلفونك صورة أو فيديو للمكان إللي كان فيها الصدادة و الكاوتشة إللي ركبها دي
2 - حل حسيت بفرق بحد ما خرجت من التوكيل .... يعني صوت التزييق راح و لا لسة

هو صوت التزييق راح فعلا والعربيه بطلت تتنطط من ورا ء بس انا خايف لما شال العلايات ممكن تؤثر علي المساعدين وشكرا