Tweet
الكلام ده تم تجربته، والنتائج فوق المبهرة:
1- بنزينة وطنية، أو أي بنزينة نضيفة، واغسل العربية من تحت غسلة محترمة. خلي عنيك مع العامل واتوصى بيه عشان يتوصى بالعربية. بين قوسين تاني: (غسلة محترمة)
2- ياريت تروح في وقت يكون الدنيا فيه رايقة، وتسيب العربية مرفوعة شوية بعد الغسيل عشان المية تنشف على قد ماتقدر. بعدها هات علبة wd40 متوسطة أو كبيرة وغرق العفشة رش. ركز على الجلب والمقصات وكل حاجة في العفشة بما فيها أماكن التربيط، وحاول توصل لأي حتت مستخبية وترش عليها.
3- سيب العربية يوم بال wd40 وتاني يوم، إطلع على أي عفشجي وخليه يربطهالك من تحت. وبعدين اغسل العربية من تحت مرة كمان. (ممكن التربيط والغسيل يبقوا في نفس البنزينة)
4- سيبها تنشف على قد ما تقدر، وبعدين رش على العفشة، شحم أبيض سبراي، لحد لما تشبعها.
5- إطلع بالعربية وإدعيلي.
التفسير:
- أول غسلة دي عشان تشيل التراب والطين كويس جداً، والسبراي wd40 اللي هيترش بعدها يبقى مرشوش على نضافة.
- سبراي wd40 عشان يشيل الصدا، وأي حاجة مطلعتش في الغسيل الأولاني.
- تأجيل الغسيل التاني لتاني يوم عشان نسيب wd40 يعمل مفعوله.
- تربيط العفشة بعد wd40 بيبقى افضل عشان الصدا بيكون اتشال، بيبقى أفضل من التربيط والدنيا عليها صدا وقافشة في بعضها.
- الغسيل التاني هدفه نشيل wd40 والصدا اللي طلعه، قبل مانرش الشحم الأبيض.
- الشحم الأبيض طبعاً مفعوله غني عن التعريف.
- الحركة دي إعملها مرة كل 6 شهور مثلاً، أو كل ماتحس إن عفشتك محتاجة تتدلع.
النتائج:
- نعومة في العفشة بصورة وهمية.
- أي صوت في العفشة هيختفي نهائياً.
- هتحس إن عربيتك رجعت زيرو، ماسكة نفسها، بتمتص المطبات والحفر كويس، ومريحة ليك في القعدة.
وتحياتي للجميع
1- بنزينة وطنية، أو أي بنزينة نضيفة، واغسل العربية من تحت غسلة محترمة. خلي عنيك مع العامل واتوصى بيه عشان يتوصى بالعربية. بين قوسين تاني: (غسلة محترمة)
2- ياريت تروح في وقت يكون الدنيا فيه رايقة، وتسيب العربية مرفوعة شوية بعد الغسيل عشان المية تنشف على قد ماتقدر. بعدها هات علبة wd40 متوسطة أو كبيرة وغرق العفشة رش. ركز على الجلب والمقصات وكل حاجة في العفشة بما فيها أماكن التربيط، وحاول توصل لأي حتت مستخبية وترش عليها.
3- سيب العربية يوم بال wd40 وتاني يوم، إطلع على أي عفشجي وخليه يربطهالك من تحت. وبعدين اغسل العربية من تحت مرة كمان. (ممكن التربيط والغسيل يبقوا في نفس البنزينة)
4- سيبها تنشف على قد ما تقدر، وبعدين رش على العفشة، شحم أبيض سبراي، لحد لما تشبعها.
5- إطلع بالعربية وإدعيلي.
التفسير:
- أول غسلة دي عشان تشيل التراب والطين كويس جداً، والسبراي wd40 اللي هيترش بعدها يبقى مرشوش على نضافة.
- سبراي wd40 عشان يشيل الصدا، وأي حاجة مطلعتش في الغسيل الأولاني.
- تأجيل الغسيل التاني لتاني يوم عشان نسيب wd40 يعمل مفعوله.
- تربيط العفشة بعد wd40 بيبقى افضل عشان الصدا بيكون اتشال، بيبقى أفضل من التربيط والدنيا عليها صدا وقافشة في بعضها.
- الغسيل التاني هدفه نشيل wd40 والصدا اللي طلعه، قبل مانرش الشحم الأبيض.
- الشحم الأبيض طبعاً مفعوله غني عن التعريف.
- الحركة دي إعملها مرة كل 6 شهور مثلاً، أو كل ماتحس إن عفشتك محتاجة تتدلع.
النتائج:
- نعومة في العفشة بصورة وهمية.
- أي صوت في العفشة هيختفي نهائياً.
- هتحس إن عربيتك رجعت زيرو، ماسكة نفسها، بتمتص المطبات والحفر كويس، ومريحة ليك في القعدة.
وتحياتي للجميع
Comment